Gadžijevo

Gadžijevo
Гаджиево
	Lidnanznam;
Valdkund	Venäma
Eläjiden lugu (2021)	9,297 ristitud
Pind	135 km²
Telefonkod	+7−81 539-xx-xxx
Avtokod	51
Aigvö	UTC+3 (MSK+0)

Gadžijevo (ven.: Гаджи́ево) om Venäman lidn Murmanskan agjan pohjoižes. Vspäi 2008 mülüb Sauptud administrativiž-territorialižhe «Aleksandrovsk»-ühtnikha (521 km²).

Pohjoižen laivišton sodameribazad sijadasoiš lidnan ümbrištos, se oma atomižid vedenalaižid laivid holitamha.

Istorii[vajehta | vajehtada lähte]

Eländpunktan aluz om pandud vl 1957 kuti Pedransamlon laht-žilo (ven.: посёлок Ягельная Губа)^[1] sauvomha sodalidnut da valdmoid VA-laivoiden täht. Vozil 1967−1981 nimitihe radnikžilod nügüdläižikš pölištunuden vn 1942 toran aigan NSTÜ:n vägimehen Magomet Gadžijevan oiktastuseks (Pohjoižlaivišton VA-laivoiden divizijan käsknik).

Vn 1981 14. päiväl sügüz'kud radnikžilo sai lidnan statusad peitol'ženke Kall'oikaz-nimenke (ven.: Скалистый), no oli tetab avaros kuti Murmansk-130-«počtkonor'». Vll 1994−1999 nimitihe lidnad Kall'oikaz oficialižikš, sid' pörtihe Gadžijevo-nimen.

Vl 1995 atomine avarii ei olend tehnus habi lidnan ümbrištos, sikš miše saupsihe elektroenergijad maksmatomudes.

Geografijan andmused[vajehta | vajehtada lähte]

Lidn sijadase läz Barencan meren Said-lahted (ven.: Сайда губа). Lidnan südäimen kaikiš suremb korktuz om 72 m valdmeren pindan päl. Matkad Murmanskhasai om 33 km suvipäivlaskmha orhal vai 98 km avtotedme.

Klimat om subarktine meren.

Tobmuz[vajehta | vajehtada lähte]

SATÜ «Aleksandrovsk»:an Ezitajiden Nevondkund sijadase lähižes Polärnii-lidnas (20 km suvipäivnouzmha avtotedme), administracii — Snežnogorsk-lidnas (10 km suvhe avtotedme).

Kaks' deputatad kümnespäi ezitadas Gadžijevon eläjid üks'mantadižiš valičemižümbrikoišpäi.

Eläjad[vajehta | vajehtada lähte]

Vl 1996 lidnan ristitišt oli 17 200 eläjid. Vn 2010 Venäman rahvahanlugemižen mödhe Gadžijevon eläjiden lugu oli 11 068 ristituid. Vl 2017 kaik 12 904 ristitud elihe lidnas.

Ortodoksine hristanuskond ph. Ondrii Ezikuctud puine jumalanpert'^[2] om saudud lidnas vll 2004−2018.

Professionaližen opendusen aluzkundad ratas lähembaižiš lidnoiš.

Transport[vajehta | vajehtada lähte]

Avtobusad oma kundaližeks transportaks, ned ühtenzoittas Gadžijevod lähižidenke SATÜ:n lidnoidenke, žiloidenke i Murmanskanke.

Galerei[vajehta | vajehtada lähte]

Sidon čuhunduz (2009)
Järvut lidnas
LEK:an territorii vl 2009
Gadžijevon sodameribaz (2009)
Gadžijevon merivaldmoidenno vl 2008

Homaičendad[vajehta | vajehtada lähte]

Irdkosketused[vajehta | vajehtada lähte]

Gadžijevo Vikiaitas

	Murmanskan agjan lidnad
	Apatitad \| Gadžijevo \| Kandalakš \| Kirovsk \| Kol \| Kovdor \| Mončegorsk \| Murmansk \| Olenegorsk \| Ostrovnoi \| Polärnii \| Polärnije Zori \| Severomorsk \| Snežnogorsk \| Zaozörsk \| Zapolärnii

[1] Gadžijevon istorii Aleksandrovskan oficialižel saital (zato-a.ru). (ven.)

[2] Gadžijevon pühäpertid sobory.ru-saital. (ven.)

[1]

[2]