Kovdor

Kovdor
Ковдор
Lidnanznam;	Flag;
Valdkund	Venäma
Eläjiden lugu (2020)	16,244 ristitud
Pind	8 km²
Pämez'	Sergei Somov; (reduku 2016—)
Telefonkod	+7−81 535-xx-xxx
Avtokod	51
Aigvö	UTC+3 (MSK+0)

Kovdor (ven.: Ковдо́р) om Venäman lidn Murmanskan agjan suvipäivlaskmas. Se om Kovdoran rajonan-lidnümbrikon administrativine keskuz.

Istorii[redaktiruida | redaktiruida purde]

Eländpunktan aluz om pandud vozil 1933−1934 kuti geologiden Kovdorjärv-žilo (ven.: Ковдорозеро) tedoidamha kivendoiden löudmižsijid. Vozil 1940−1950 türmatud mehed eliba täs, sauvoiba raudtesarakod.

Panihe oficiališt radnikžilod vl 1953 sauvomha da kävutamha küllästamižtegint sijaližel raudkivendol, mugažo sädamha loštkivifabrikad. Nimitihe Kovdoro-järven mödhe. Kätihe radnikžilod lidnanvuiččeks žiloks vl 1956. Kovdor sai lidnan statusad vl 1965.

Kovdor šingotase raudkivendon (päpaloin), apatitan i cirkonijan hapandusen samižel kar'jermahtusel, Kovdoran kaivuzküllästamižkombinatal (mülüb «Evrohim»-gruppha). Loštkiven edheotand ei ole rados.

Geografijan andmused[redaktiruida | redaktiruida purde]

Lidn sijadase Kovdor-järven randoil, 209 m ü.m.t. keskmäižel korktusel. Eländfartalad oma pohjoižpolel järvespäi, küllästamižtegim da Kovdor-raudtestancii sijadasoiš suvipolel, pudotez ühtenzoitab niid. Matkad Suomenman valdkundröunhasai om 20 km päivlaskmha, Murmanskhasai om 190 km pohjoižpäivnouzmha orhal vai 290 km avtotedme. Lähembaižed lidnad oma Polärnije Zori i Kandalakš 90 km päivnouzmha orhal.

Klimat om subarktine kontinentaline. Voden keskmäine lämuz om +0,5 C°, kezakun-elokun +11..+14 C°, tal'vkun-uhokun −8..−11 C°. Paneb sadegid 609 mm vodes, enamba kezakus-elokus (68..84 mm kus), vähemba uhokus-sulakus (33..36 mm kus).

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu om 18 820 ristitud, rajonan-lidnümbrikon ristitišton viž kudendest. Kaik 16 892 eläjad oli lidnas vl 2017. Kaikiš suremb lidnan ristitišt oli 30 478 eläjad vl 1989.

Ortodoksižen hristanuskondan Pühän Jumalanmaman Emäganpäivän jumalanpert'^[1] om saudud vll 1994−1996.

Kovdoran politehnine kolledž^[2] om lidnan professionaližen opendusen aluzkundaks.

Galerei[redaktiruida | redaktiruida purde]

«Piramida»-klub (2008)
Kovdoran kaivuzküllästamižkombinat (2006), nägu Leninan irdan agjas
Kar'jer Kovdoranno (2005)
Škol nomer kaks' i počt (2008)
Torg lidnümbrikon administracijan sauvusenke (2010)

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Kovdoran rajonan-lidnümbrikon tobmuden aluzkundoiden oficialine sait (kovadm.ru). (ven.)

Kovdor Vikiaitas

	Murmanskan agjan lidnad
	Apatitad \| Gadžijevo \| Kandalakš \| Kirovsk \| Kol \| Kovdor \| Mončegorsk \| Murmansk \| Olenegorsk \| Ostrovnoi \| Polärnii \| Polärnije Zori \| Severomorsk \| Snežnogorsk \| Zaozörsk \| Zapolärnii

[1] Kovdoran pühäpertid sobory.ru-saital. (ven.)

[2] Kovdoran politehnižen kolledžan sait (kovcollege.ru). (ven.)

[1]

[2]