Kol
Lidnanznam
|
Flag
|
| Valdkund | Venäma |
| Eläjiden lugu (2023) | 8,933 ristitud |
| Pind | 10 km² |
| |
| Pämez' | Svetlana Čukareva (reduku 2014—) |
| Telefonkod | +7−81 553-xx-xxx |
| Avtokod | 51 |
| Aigvö | UTC+3 (MSK+0) |
Kol (ven.: Ко́ла) om Venäman lidn Murmanskan agjan pohjoižes, Murmanskan suvine ezilidn. Se om Kolan rajonan lidnankund da administrativine keskuz.
Istorii[vajehta | vajehtada tekst]
Eländpunktan aluz om pandud vl 1565 kuti meriport da lidnuz. Torguind Evropan maidenke šingotihe aigan mändes, i vl 1780 Kol sai lidnan oiktusid. Lidnan nimi sündui Kol-jogen mödhe. Kol'jok znamoičeb «kuldjogi» saameks. Mugažo toine versii starinoičeb, miše kul'joki om «kalajogi».
Vl 1854 Kol oli pandud mantazole anglijalaižel «Miranda»-korvetal, oli jänu pal'han ühteks vodeks. Se sai lidnan statusad möst vl 1965.
Kolan tegimišton päedheotandad oma oludentegim[1], mebel'fabrik, sauvondkompanijad, raudteholitusen edheotandad. Äjiden eläjiden radinsija sijadase Murmanskas.
Geografijan andmused[vajehta | vajehtada tekst]
Lidn seižub Kolan da Tuloman jogiden ühthejoksmusen randoil, 15 m keskmäižel korktusel valdmeren pindan päl. Znamasine mägi om Solovarak (ven.: Соловарака, kildinsaam.: Суоловарра) 80 m ü.m.t. kortte. Harvad manrehkaidused oleldas.
Murmansk sijadase ani lidnan röunan taga, matkad Murmanskan keskushesai om 12 km pohjoižhe avtotedme, Kolan lahten randadme.
Tobmuz[vajehta | vajehtada tekst]
Kol om lidnankundan üks'jäižeks eländpunktaks.
Lidnankundan pämez' om sen Deputatoiden Nevondkundan ezimez'. Lidnan erigoittud Administracii om likvidiruidud vn 2020 tal'vkus, sen pämehed oliba Andrei Vinogradčii (semendku 2017 — reduku 2019), Andrei Černov (tal'vku 2014 — uhoku 2017).
Eläjad[vajehta | vajehtada tekst]
Vn 2010 Venäman rahvahanlugemižen mödhe lidnan eläjiden lugu oli 10 437 ristitud, rajonan ristitišton nelländez. Kaik 9 701 eläjad oli lidnas vl 2017. Kaikiš suremb lidnan ristitišt oli 16 541 eläjad vl 1989.
Ortodoksižen hristanuskondan koume pühäpertid[2] oma avaitud lidnas: Pühän Jumalanmaman Blagoveššenjan päjumalanpert' (saudihe vll 1800−1819), ph. Varlaam Keretilaižen jumalanpert' (vspäi 2001), ph. Feodora Konstantinopolilaižen jumalanpert' kaumžomal tel Murmašinnoks (om pühästadud vl 2010).
Kolan transportine kolledž[3] (edel vn 2015 kül'mkud sen nimi oli Kolan agrotegimištoline kolledž) om lidnan professionaližen opendusen aluzkundaks.
Transport[vajehta | vajehtada tekst]
Maršruttaksid da taksid oma kundaližeks transportaks. Avtobusad i ezilidnelektrojonused ühtenzoittas lidnad Murmanskanke da ümbrištonke. «Kol»-avtote om lidnan suviröunaks, avtotesild om sil Tulomas päliči lidnan suvipäivlaskmas.
Kol-raudtestancii om jäl'gmäine passažiroiden täht edel Murmanskad, mugažo raudtesarak tuleb Nikel'-Murmanskii-stancijaspäi.
Galerei[vajehta | vajehtada tekst]
-
Lidnan administracijan sauvuz vl 2007 -
Pühän Jumalanmaman Blagoveššenjan päjumalanpert', vn 2011 nägu -
«Passaž»-torguindkeskuz (2011, ende kul'turkeskuz) -
Škol nomer kaks' (2011), nügüd' üks'jäine lidnas -
Solovarak-mägi (2011)
Homaičendad[vajehta | vajehtada tekst]
- ↑ Kolan oludentegimen sait (kolskoe-pivo.vsite.biz). (ven.)
- ↑ Kolan pühäpertid sobory.ru-saital. (ven.)
- ↑ Kolan transportižen kolledžan sait (ktk51.ru). (ven.)
Irdkosketused[vajehta | vajehtada tekst]
 |
Kol Vikiaitas |
| Murmanskan agjan lidnad | ||
| Apatitad | Gadžijevo | Kandalakš | Kirovsk | Kol | Kovdor | Mončegorsk | Murmansk | Olenegorsk | Ostrovnoi | Polärnii | Polärnije Zori | Severomorsk | Snežnogorsk | Zaozörsk | Zapolärnii | ||