Kičmengan rajon

Vikipedii
Jump to navigation Jump to search
Kičmengan rajon
Кичменгско-Городецкий район
Znam
Gerb-Kichmen-Gorodetsky-region.gif
Flag
Flag of Kichmengsko-Gorodetsky rayon (Vologda oblast).png
Valdkund Venäma
Administrativine keskuz Kičmengan Lidnut
Eläjiden lugu (2015) 16 616 ristitud
Pind 7 061 km²
Kičmengan rajon Кичменгско-Городецкий район

Kičmengan rajon (ven.: Кичменгско-Городецкий район) om rajon Vologdan agjas.

Administrativine keskuz da kaikiš suremb eländpunkt om Kičmengan Lidnut-külä.

Istorii[redaktiruida | redaktiruida purde]

Rajonan aluz om pandud vl 1924 kezakun 10. päiväl Pohjoižen Dvinan gubernijha. Vl 1928 Jenangan rajonad ližaduihe sihe. Vs 1929 heinkun 15. päiväspäi rajon mülüi Pohjoižen randan Pohjoižen Dvinan ümbrikho. Vl 1930 heinkun 30. päiväl heitihe ümbrikod, i vodhe 1936 tal'vkun 5. päivhäsai rajon mülüi Pohjoižhe randha kuti administrativine ühtnik. Vl 1931 Kičmengan rajonan pind oli 7700 nellikkilometrad, ristitišt — 73400 eläjad. Vozil 1936-1937 oli Pohjoižen agjan palaks. Vs 1937 sügüz'kun 23. päiväspäi rajon mülüb Vologdan agjaha. Rajon om olmas nügüdläižiš röunoiš vspäi 2004.

Geografijan andmused[redaktiruida | redaktiruida purde]

Kičmengan rajon sijadase agjan suvipäivnouzmas. Pind — 7 061 nellikkilometrad. Mecad ottas territorijan 86% (6061 km²), kuššed mecad oma enambuses.

Om röunoid 7 Venäman rajonanke:

Reljef om tazo päivlaskmas, kukhikaz toižil sijil, pened sod oma päivlaskmas da pohjoižes. Pohjoižed Uvalad-ülüden pohjoine pala om rajonan territorijad suves. Znamasine jogi om Jug sen huran Kičmen'g- da oiktan Jontal-ližajogidenke, mülüdas Pohjoižen Dvinan (Jävaldmeren) basseinha. Om vähä penid järvid (1 km² penemba pindal). Sod oma 15% territorijad.

Londuseližed varad oma turbaz, sauvondmaterialad (letked, saved, gravii), mec, reskvezi.

Vs 2013 sulakun 1. päiväspäi rajonan territorii alajagase 3 küläkundha (municipaližhe ühtnikha).

Tobmuz[redaktiruida | redaktiruida purde]

Vs 2015 tal'vkun 14. päiväspäi Lübov' Djakova radab rajonan pämeheks parlamentan valdatusiden strokun lophusai (2017. voz'). Hän-žo om rajonan parlamentan ezimez' vspäi 2013. Käskusenandai tombuz om rajonan parlament — Municipaline Suim (ven. Муниципальное собрание) 20 ühtnijanke. Kaik rahvaz valičeb heid nelläks vodeks. Järgvaličendad sihe oliba vl 2013 sügüz'kun 8. päiväl.

Vs 2015 tal'vkun 14. päiväspäi Galina Trufanova radab rajonan administracijan pämehen. Kaks' administracijan varapämest oma hänele abhu. Kuz' ohjandust, 7 palakundad da 1 komitet alištudas rajonan administracijale.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 18 485 ristitud.

Kaik om 357 eländpunktad rajonas, sidä kesken 11 žilod da 346 küläd. Toine sur' eländpunkt om Jugskii-žilo (1,1 tuh. rist. vl 2002).

Ižanduz[redaktiruida | redaktiruida purde]

Rajonan ižandusen päsarakod oma mecan varhapanend da ümbriradmine pilindmaterialoihe, sömtegimišt da maižanduz, turizm[1].

Homaičendad[redaktiruida | redaktiruida purde]

  1. Kičmengan rajonan investicine pasport (invest35.ru). — 22 lp. — Lpp. 8-11. (ven.)

Irdkosketused[redaktiruida | redaktiruida purde]