Sent Džordžes

Sent Džordžes
St. George's

Valdkund	Grenad
Eläjiden lugu (2006)	4,315 ristitud
Telefonkod	+1−473-
Aigvö	UTC−4

Sent Džordžes (angl.: St. George's) om Grenadan pälidn da kaikiš suremb lidn. Se om ühtennimižen tulendan administrativižeks keskuseks mugažo.

Istorii

Eländpunktan aluz om pandud Francijan kolonistoil vl 1650. Nimitihe ph. Georgan jumalanpertin mödhe. Vll 1885−1958 oli britanižen kolonijan pälidnaks. Ripmatoman valdkundan pälidn vspäi 1974.

Sent Džordžes šingotase eksportan meriportal (bananad), sömtegimištol (rom sijaližes saharaspäi) i turizmal.

Geografijan andmused

Lidn sijadase vulkanižen Grenad-saren suvipäivlaskmas, Kariban meren lahten randal, 0..188 m korktusil, 30 m ü.m.t. keskmäižel korktusel. Torokad oleldas heinkus-redukus.

Klimat om subekvatorialine, tropine passatine. Voden keskmäine lämuz om +27,5 C°, kuidme +26,5..+28,3 C°. Ekstremumad oma +19,4 C° (viluku) i +34 C° (sügüz'ku). Paneb sadegid 1152 mm vodes, enamba kezakus-kül'mkus (123..164 mm kus), vähemba uhokus-sulakus (26..39 mm kus). Tropižed ciklonad kovan tulleinke oma paksud heinkus-redukus.

Eläjad da transport

Vl 2006 eläjiden lugu oli 4 315 ristitud. Kaik 33 734 ristitud elihe ezilidnoidenke vl 2012 (tulend, 67 km²).

Rahvahidenkeskeine civiline lendimport enččen Moris Bišop-päministran nimed (GND, edel 2009. vot Point Salines) sijadase kahesas kilometras suvipäivlaskmha lidnan keskusespäi. Tehtas reisid Torontho, Londonha, AÜV:oiden i Antiloiden lidnoihe.