Slobodskoi

Vikipedii
Jump to navigation Jump to search
Slobodskoi
Слободской
 Lidnanznam
Coat of Arms of Slobodskoy (town).png
 Flag
Flag of Slobodskoi (Kirov oblast).png
Valdkund Venäma
Eläjiden lugu (2018) 32 793 ristitud
Pind 49,6 km²
Slobodskoi Слободской
Pämez' Irina Želvakova
(reduku 2 016—)
Telefonkod +7-83 362-xx-xxx
Avtokod 43
Aigvö UTC+3 (MSK+0)


Slobodskoi (ven.: Слободско́й) om Venäman lidn da lidnümbrik Kirovan agjan keskuzpalas. Se om Kirovan pohjoižpäivnouzmaine ezilidn i mülüb sen aglomeracijha, agjan koumanz'-nellänz' lidn eläjiden lugun mödhe. Om Slobodskoin rajonan administrativižeks keskuseks mugažo, ei mülü rajonha vspäi 1944.

Istorii[redaktiruida | redaktiruida purde]

Varmitadud sauvused oliba lidnan sijas 13. voz'sadaspäi kaivandusiden mödhe. Eländpunkt mainitase ezmäižen kerdan Moskvan Ivan III Sur'-carin kirjeižes, konz hän oigendab Slobodskoi-(ülä)lidnudhe (ven.: Слободской (верхний) городок) Andrei Plemännikov-sodavejad vl 1505, lugetas sidä oficialižen alusenpanendan vodeks. Sai lidnan oficiališt statusad vl 1780. Vll 1913−1921 raudte ühtenzoiti Vätkanke, umbikraudtestancijan nimituz om Slobodskoje, nügüd' se radab vaiše jügujonusiden täht. Vl 2005 mülütihe lidnanvuittušt Pervomaiskii-žilod lidnha mikrorajonaks.

Slobodskoi šingotase mašinansauvomižen tegimel (sötkenandlimed da toine maižanduztehnik), fanerankombinatal, sömtegimištol (lihakombinat, konditerine fabrik, maid- i leibänkombinatad), omblendtegimištol (sobad karvaspäi i tekstiližed), turizmal, mugažo virifabrik radab lidnas.

Geografijan andmused[redaktiruida | redaktiruida purde]

Lidn sijadase Vätk-jogen oiktal korktal randal, 140 m ü.m.t. keskmäižel korktusel. Matkad agjan Kirov-pälidnan keskushesai om 33 km suvipäivlaskmha orhal, 36 km avtotedme vai 75 km raudtedme. Toižed lähembaižed lidnad oma Vauged Holunic 40 km päivnouzmha-pohjoižpäivnouzmha orhal vai 45 km avtotedme, i Kirovo-Čepeck 22 km suvhe orhal, 46 km avtotedme vai 70 km raudtedme.

Kaks' žilod i kaks' küläd mülüdas lidnümbrikho Slobodskoin ližaks, üks' külä kahtespäi seižub kaikenaigaižeta ristitištota. Lidnümbrikon pind om 49,6 km², sidä kesken territorii Vätkan hural-ki randal.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 33 981 ristitud, lidnümbrikon — 34 460 ristitud. Kaikiš suremb lidnan ristitišt oli läz 39 tuhad eläjid vll 1989−1992 (39 249 ristitud vl 1989). Kaik 33 829 ristitud elihe lidnümbrikos vl 2016.

Rahvahad (2010): venälaižed — 96,0%, udmurtalaižed — 1,7%, totarlaižed — 0,8%, toižed rahvahad — 1,5%.

Professionaližen opendusen aluzkundad oma Slobodskoin tehnologine tehnikum[1] i Slobodskoin pedagogikan i socialižiden kosketusiden kolledž.[2]

Homaičendad[redaktiruida | redaktiruida purde]

  1. Slobodskoin tehnologižen tehnikuman sait (сгтт43.рф). (ven.)
  2. Slobodskoin pedagogikan i socialižiden kosketusiden kolledžan sait (slobkoll.ru). (ven.)

Irdkosketused[redaktiruida | redaktiruida purde]



Kirovan agjan lidnad
Jaransk | Kirov | Kirovo-Čepeck | Kirs | Kotel'nič | Luz | Malmiž | Muraši | Nolinsk | Omutninsk | Orlov | Slobodskoi | Sosnovk | Sovetsk | Zujevk | Uržum | Vauged Holunic | Vätkan Poläni