Kotel'nič

Kotel'nič
Котельнич
Lidnanznam;	Flag;
Valdkund	Venäma
Eläjiden lugu (2021)	20,144 ristitud
Pind	29,2 km²
Pämez'	Oleg Ismailov; (reduku 2022—)
Telefonkod	+7−83 342-xx-xxx
Avtokod	43
Aigvö	UTC+3 (MSK+0)

Kotel'nič (ven.: Коте́льнич) om Venäman lidn, lidnümbrik da transporttesol'm Kirovan agjan päivlaskmas. Se om agjan videnz' lidn eläjiden lugun mödhe, Kotel'ničun rajonan administrativižeks keskuseks mugažo, ei mülü rajonha.

Istorii

Eländpunkt mainitaze ezmäižen kerdan «Starinas Vätkanmas» (17.-18. voz'sadad) kuti alusenpandud uz'lidnalaižil žilo anastadud marilaižil Kokšarov-lidnuden (nitmar.: Какшар tähäsai) sijas vl 1181. Sirtihe žilod videks kilometraks jogen mödvedhe 14. voz'sadal, saudihe Kremlid. Vspäi 1647 ph. Oleksijan jarmank oleskeli keväz'kus (7.-22. surtte Venämas vozidme, südäiazjoiden ministrusen mödhe).

Kotel'nič sai makundan lidnan statusad vl 1780, oli torgovanoiden lidnaks. Saudihe sildad Vätkas päliči «Vätk — Piter»-raudtel vll 1903−1905. Vl 1927 raudte ühtenzoiti Alauz'lidnanke, i Kotel'nič kändihe raudtesol'meks. Kaks' raudtestancijad om olmas: Kotel'nič-1 i Kotel'nič-2. Mugažo lidn šingotase pun ümbriradmižel (pilindmaterialad, klejatud brus, pertid cilindruidud parzišpäi), villän kuivadamižmašinoiden pästandal, saguden edheotandal.

Geografijan andmused

Lidnan sijaduz ümbärdajas rajonas i agjas vn 2006 kartal

Lidn sijadase Vätk-jogen oiktal korktal randal, 120 m ü.m.t. keskmäižel korktusel. Sur' van («katl'uz») läbitab lidnad pohjoižespäi suvhe.

Matkad agjan Kirov-keskushesai om 84 km päivnouzmha-pohjoižpäivnouzmha orhal, 121 km avtotedme vai raudtedme. Toine lähembaine lidn om Orlov 41 km pohjoižpäivnouzmha orhal vai 48 km avtotedme.

Tobmuz

Kotel'nič om lidnümbrikon üks'jäižeks eländpunktaks.

Lidnümbrikon tobmuden pämez' om sen Administracijan pämez'. Edeližed lidnan pämehed oma Sergei Vdovkin (keväz'ku 2021 — reduku 2022), Andrei Likov (Андрей Лыков, reduku 2017 — uhoku 2021). Lidnan Duman ezimez' om Sergei Bol'šakov vn 2016 redukuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 24 979 ristitud, vn 2021 — 20 144 ristitud. Kaik 23 966 eläjad oli lidnas vl 2017. Kaikiš suremb lidnan ristitišt oli 38 tuhad eläjid vl 1992.

Ortodoksižen hristanuskondan seičeme pühäpertid^[1] oma kaičenus i saudud lidnas: ph. Mikulai-čudonsädajan päjumalanpert' (saudihe vll 1903−1905) i jumalanpert' (saudud privatižes pertišpäi vl 1948), kaks' tošt jumalanpertid, kodijumalanpert', kaks' časounäd. Niiden ližaks nell' pühäpertid ei ole kaičenus: Eläban Eziauguižen Stroican päjumalanpert' (oli saudud vll 1705−1713, rušihe vl 1940), üksin jumalanpert', kodijumalanpert' i časoun'.

Kirovan maižanduztehnikum^[2] om lidnan professionaližen opendusen aluzkundaks.

Galerei

Lidnan administracijan sauvuz (2019)
Ph. Mikulai-čudonsädajan jumalanpert', vn 2020 nägu
Torguindkeskuz vl 2013
Fizkul'turine tervehtamižkompleks (2013)
Kotel'nič-päraudtestancijan sauvuz vl 2011

Homaičendad

Irdkosketused

Lidnümbrikon oficialine sait (kotelnich-omv.ru). (ven.)

Kotel'nič Vikiaitas

	Kirovan agjan lidnad
	Jaransk \| Kirov \| Kirovo-Čepeck \| Kirs \| Kotel'nič \| Luz \| Malmiž \| Muraši \| Nolinsk \| Omutninsk \| Orlov \| Slobodskoi \| Sosnovk \| Sovetsk \| Zujevk \| Uržum \| Vauged Holunic \| Vätkan Poläni

[1] Kotel'ničun pühäpertid sobory.ru-saital. (ven.)

[2] Kirovan maižanduztehnikuman sait (kcxt-kotelnich.ru). (ven.)

[1]

[2]