Muraši

Muraši
Мураши
	Lidnanznam;
Valdkund	Venäma
Eläjiden lugu (2021)	5,700 ristitud
Pind	12 km²
Telefonkod	+7−83 348-xx-xxx
Avtokod	43
Aigvö	UTC+3 (MSK+0)

Muraši (ven.: Мураши́) om Venäman lidn Kirovan agjan lodehes. Lidn om Murašin ümbrikon (edel vn 2021 vilukud — rajonan) administrativižeks keskuseks da palaks.

Istorii

Eländpunktan aluz om pandud vll 1895−1898 kuti žilo sauvomha da holitamha «Perm' — Kotlas»-raudted. Nimitihe lähižen kadonuden külän mödhe. Vspäi 1929 om rajonan keskuseks. Muraši sai lidnan statusad vl 1944.

Muraši šingotase raudtetransportan, mecan varhapanendan i ümbriradmižen edheotandoil.

Geografijan andmused

Lidnan sijaduz rajonas i agjas vn 2006 kartal

Lidn sijadase rajonan päivnouzmas, ani suvhe Pohjoižuvalad-ülüdes-vezijagandaspäi, 210 m ü.m.t. keskmäižel korktusel.

Matkad Komin Tazovaldkundan röunhasai om kümne kilometrad pohjoižhe orhal vai 15 km pohjoižpäivnouzmha «Vätk»-avtotedme (Kirov — Siktivkar), agjan Kirov-pälidnhasai om 97 km suvhe-suvipäivnouzmha orhal, 113 km avtotedme vai 119 km raudtedme. Toine lähembaine lidn om Luz 167 km lodeheze orhal, 175 km raudtedme vai 272 km avtotedme.

Tobmuz

Murašin lidnankund oli vll 2004−2020. Kaik kaks' žilod i ühesa küläd mülüiba lidnankundha Murašin ližaks, niiden kesken nell' oliba kaikenaigaižeta ristitištota.

Edeline lidnan pämez' oli Svetlana Čudinovskih (heinku 2014—).

Eläjad

Vn 2010 Venäman rahvahanlugemižen mödhe lidnan eläjiden lugu oli 6 750 ristitud, rajonan viž ühesandest, vn 2021 — 5 700 ristitud. Kaik 6 322 eläjad oli lidnas vl 2017. Kaikiš suremb lidnan ristitišt oli 14 216 eläjad vl 1959. Kaik 7 052 ristitud elihe lidnankundas vl 2010, 6 540 ristitud vl 2017.

Ortodoksižen hristanuskondan nell' pühäpertid^[1] om saudud lidnas: Pühän Panteleimon-spravitajan jumalanpert' (1995), ph. Mikoi-arhangelan jumalanpert' (2009−2014), üks' časoun' läz lidnad, vanhuskolaižiden Pühän Jumalanmaman loičendpert'.

Lapsiden opendusen aluzkundad oma severz'-se päivkodid, keskškol muite i keskškol S.S. Rakitinan nimed (ende raudten škol nomer 51), muzikškol, lapsiden da norišton sportškol. Avtoškol om lidnan professionaližen opendusen aluzkundaks.

Homaičendad

↑ Murašin pühäpertid sobory.ru-saital. (ven.)

Irdkosketused

Lidnan i sen ümbrikon sait (admmura.gosuslugi.ru). (ven.)

Muraši Vikiaitas

	Kirovan agjan lidnad
	Jaransk \| Kirov \| Kirovo-Čepeck \| Kirs \| Kotel'nič \| Luz \| Malmiž \| Muraši \| Nolinsk \| Omutninsk \| Orlov \| Slobodskoi \| Sosnovk \| Sovetsk \| Zujevk \| Uržum \| Vauged Holunic \| Vätkan Poläni

[1] Murašin pühäpertid sobory.ru-saital. (ven.)

[1]