Nolinsk

Vikipedii
Jump to navigation Jump to search
Nolinsk
Нолинск
 Lidnanznam
Nolinsk COA (2018).gif
 Flag
Flag of Nolinsk.png
Valdkund Venäma
Eläjiden lugu (2018) 9 722 ristitud
Pind 10 km²
Nolinsk Нолинск
Pämez' Jelena Uspenskaja
(kül'mku 2 012—)
Telefonkod +7-83 368-xx-xxx
Avtokod 43
Aigvö UTC+3 (MSK+0)


Nolinsk (ven.: Ноли́нск, nitmar.: Нольо) om Venäman lidn da lidnankund Kirovan agjan suvipalas. Se om Nolinskan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1668 kuti Nikol'skoje (Noli)-žilo ortodoksižen hristanuskondan ph. Mikulain päjumalanpertinno läz Vätkan Emäganpäivän ph. Trifonan jumalankodid. Sai makundan lidnan statusad vl 1780 nügüdläiženke nimenke. Vll 1940−1957 lidnan nimituz oli Molotov nevondkundaližen valdkundan Väčeslav Molotov-šingotajan kanzannimen mödhe.

Nolinsk om ümbärtud maižanduzrajonal. Lidn šingotase kohenduztegimel, puižiden suveniriden edheotandal, sömtegimištol (lihakombinat, voitegim, mineralvezi).

Geografijan andmused[redaktiruida | redaktiruida purde]

Lidn sijadase rajonan keskuzpalan päivnouzmas, Voi-jogen oiktal randal (174 km pitte, ven.: Воя), 20 kilometras sen lanktendan sijaspäi Vätkha huralpäi, 110 m ü.m.t. keskmäižel korktusel. Matkad agjan Kirov-pälidnhasai om 117 km pohjoižhe orhal vai 140 km R169-avtotedme. Lähembaižed lidnad oma Sovetsk 58 km päivlaskmha orhal vai 120 km avtotedme i Uržum 50 km suvhe orhal vai 58 km avtotedme.

Nolinsk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 9 554 ristitud, rajonan pol'. Kaikiš suremb lidnan ristitišt oli 11 637 eläjad vl 1979.

Professionaližen opendusen aluzkundad oma Nolinskan maižandusen mehanizacijan tehnikum[1] i Nolinskan politehnine tehnikum.[2]

Homaičendad[redaktiruida | redaktiruida purde]

  1. Nolinskan maižandusen mehanizacijan tehnikuman sait (ntmsh.ru). (ven.)
  2. Nolinskan politehnižen tehnikuman sait (ngptt.ru). (ven.)

Irdkosketused[redaktiruida | redaktiruida purde]


Kirovan agjan lidnad
Jaransk | Kirov | Kirovo-Čepeck | Kirs | Kotel'nič | Luz | Malmiž | Muraši | Nolinsk | Omutninsk | Orlov | Slobodskoi | Sosnovk | Sovetsk | Zujevk | Uržum | Vauged Holunic | Vätkan Poläni