Jaransk

Vikipedii-späi
Jaransk
Яранск
 Lidnanznam
 Flag
Valdkund Venäma
Eläjiden lugu (2019) 15,752 ristitud
Pind 25 km²
Jaransk Яранск
Pämez' Nikolai Zikov
(sulaku 2018—)
Telefonkod +7−83 367-xx-xxx
Avtokod 43
Aigvö UTC+3 (MSK+0)


Jaransk (ven.: Яра́нск, nitmar.: Яраҥ) om Venäman lidn Kirovan agjan suvipäivlaskmas. Lidn om Jaranskan rajonan i sen Jaranskan lidnankundan administrativine keskuz.

Istorii[vajehta | vajehtada tekst]

Eländpunktan alusenpanendan oficialine voz' om 1584, nimitihe Jaran'-jogen mödhe. Saudihe lidnust. Eläbzdusen jumalankodi mainitase vspäi 1652. Sai makundan lidnan statusad vl 1780.

Jaransk šingotase mehanižel tegimel i mecan ümbriradmižel, mugažo omblendfabrik, vedimdepo i tipografii ratas lidnas.

Geografijan andmused[vajehta | vajehtada tekst]

Lidn sijadase rajonan keskuzpalan pohjoižes, Jaran'-jogen molembil randoil (151 km pitte, ven.: Ярань, lodehline marin kel': Йӓрӓҥ, Vätkan oigedpol'ne bassein), 120 m ü.m.t. keskmäižel korktusel. Matkad agjan Kirov-pälidnhasai om 180 km pohjoižpäivnouzmha orhal vai 220 km avtotedme. Lähembaižed lidnad oma Sovetsk 72 km päivnouzmha orhal vai 87 km avtotedme, Joškar-Ol (Mari Elan Tazovaldkund) 74 km suvhe orhal, 83 km «Vätk»-avtotedme vai raudtedme, Šahunj (Alalidnan agj) 86 km päivlaskmha-lodeheze orhal vai 101 km avtotedme.

Visokovo-žilo (158 rist. vl 2010) i 17 küläd mülüdas lidnankundha Jaranskan ližaks, niiden keskes koume oma kaikenaigaižeta ristitištota. Lidnankundan pind — 690,46 km². Lidnankundan edeline pämez' oli Denis Ikonnikov (2012−2018), vspäi 2018 radab Jaranskan rajonan pämehen.

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 17 523 ristitud, lidnankundan — 18 041 ristitud, rajonan kaks' koumandest. Kaikiš suremb lidnan ristitišt oli 20..21 tuhad eläjid vll 1989−2001 (21 700 eläjad vll 2000−2001). Vl 2017 kaik 16 756 ristitud elihe lidnankundas.

Professionaližen opendusen aluzkund om Jaranskan tehnologine tehnikum (alusenpanend vl 1873).[1]

Galerei[vajehta | vajehtada tekst]

Homaičendad[vajehta | vajehtada tekst]

  1. Jaranskan tehnologižen tehnikuman sait (yagtt.com). (ven.)

Irdkosketused[vajehta | vajehtada tekst]



Kirovan agjan lidnad
Jaransk | Kirov | Kirovo-Čepeck | Kirs | Kotel'nič | Luz | Malmiž | Muraši | Nolinsk | Omutninsk | Orlov | Slobodskoi | Sosnovk | Sovetsk | Zujevk | Uržum | Vauged Holunic | Vätkan Poläni