Kotlas: Erod versijoiden keskes

Kotlas
Котлас
Lidnanznam;	Flag;
Valdkund	Venäma
Eläjiden lugu (2017)	61,902 ristitud
Pind	68,04 km²
Pämez'	Andrei Bral'nin (2013—)
Telefonkod	+7−81 837-xx-xxx
Avtokod	29
Aigvö	UTC+3 (MSK+0)

Sirvi ajalugu interaktiivselt

← Vanhemb vajehtuz Udemb vajehtuz→

Südäimišt om heittud Ližatud südäimišt

VisuaalneVikitekst

Pandud

Vajehtuz 8. Reduku 2017, kell 23:55

Kotlas (ven.: Котлас) om Venäman lidn Arhangel'skan agjan suvipäivnouzmas. Se om agjan koumanz' surtte lidn, järed raudtesol'm. Om municipaližen «Kotlas»-ühtnikan administrativižeks keskuseks, mugažo Kotlasan rajonan-ki (ei mülü rajonha).

Istorii

Ende komilaižiden Piras-eländpunkt (ven.: Пырас) da kund oliba olmas Kotlasan sijas 14.-18. voz'sadoil. Kotlas-külä (vai Kodlas) mainitase eziauguižešti Stroganovan kirjeižes (1617—1625 voded) i Alamaiden kartal (1634), nimitihe lähižen penen jogen mödhe. Külä šingotaškanzihe transporttesol'meks vspäi 1899, sauvoihe raudted «Perm' — Vätk — Kotlas».

Vspäi 1917 (kezaku) om lidnan statusanke. Repressijoiden vozil (1930—1950-nded voded) oli järedaks oigenduzkeskuseks türmatud ristituiden täht. Raudtesild Pohjoižes Dvinas päliči om saudud nenil ristituil Toižen mail'man sodan aigan. Avtotesild Pohjoižes Dvinas päliči sijadase 2 km pohjoižemb, se om saudud vl 2001.

Geografijan andmused

Lidn sijadase Pohjoižen Dvinan oiktal korktal randal i Vičegdan hural randal, jogiden ühthejoksmusen sijas, 80 m keskmäižel korktusel valdmeren pindan päl. Matkad Arhangel'skhasai om 600 km lodeheze orhal, oiged te om vetme vai il'madme. Lähembaižed lidnad oma Sol'vičegodsk i Koräžm päivnouzmha, Krasavino (Vologdan agj) suvhe.

Klimat om ven. Voden keskmäine lämuz om +2,0 C°. Paneb sadegid 576 mm vodes, kezakuil enamba kaiked (207 mm koumes kus).

Koume eländpunktad mülüdas municipaližhe «Kotlas»-ühtnikha lidnan ližaks: kaks' pen't küläd (94 rist. vl 2010) i järed raudteradnikoiden lidnanvuitte Vičegodskii-žilo (12 786 eläjad vl 2017).

Eläjad da transport

Vn 2010 Venäman rahvahanlugemižen mödhe lidnan eläjiden lugu oli 60 562 ristitud, lidnanümbrikon — 73 517 ristitud. Kaikiš suremb lidnan ristitišt oli vozil 1986 da 1987, 69 tuhad eläjid.

Avtobusad i ezilidnjonused oma kundaližeks transportaks lidnas da sen ümbrištos. Koume raudtestancijad om lidnas. Raudteedheotandan päfater sijadase Vičegodskii-žilos. Jogiport om lidnas. Tatanmaine Kotlas-lendimport (КТС / KSZ) sijadase ani lidnan suvipäivnouzmaižen röunan taga, sišpäi tehtas reisid Arhangel'skha, Siktivkarha i Piterihesai.

Irdkosketused

Municipaližen «Kotlas»-ühtnikan oficialine sait (kotlas-city.ru). (ven.)

Kotlas Vikiaitas

	Arhangel'skan agjan lidnad
	Arhangel'sk \| Kargopol' \| Koräžm \| Kotlas \| Mezen' \| Mirnii \| Nar'jan Mar \| Novodvinsk \| Nändom \| Oneg \| Severodvinsk \| Sol'vičegodsk \| Šenkursk \| Vel'sk

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

@@ Rivi 20: / Rivi 20: @@
 Ende [[komilaižed|komilaižiden]] ''Piras''-eländpunkt ({{lang-ru|Пырас}}) da kund oliba olmas Kotlasan sijas 14.-18. voz'sadoil. ''Kotlas-külä'' (vai ''Kodlas'') mainitase eziauguižešti Stroganovan kirjeižes (1617—1625 voded) i Alamaiden kartal (1634), nimitihe lähižen penen jogen mödhe. Külä šingotaškanzihe transporttesol'meks vspäi 1899, sauvoihe raudted «[[Perm']] — [[Kirov|Vätk]] — Kotlas».
-Vspäi 1917 (kezaku) om lidnan statusanke. Repressijoiden vozil (1930—1950-nded voded) oli järedaks oigenduzkeskuseks türmatud ristituiden täht. Raudtesild Pohjoižes Dvinas päliči om saudud nenil ristituil [[Toine mail'man soda|Toižen mail'man sodan]] aigan. Avtotesild Pohjoižes Dvinas päliči om pohjoižemb, se om saudud vl 2001.
+Vspäi 1917 (kezaku) om lidnan statusanke. Repressijoiden vozil (1930—1950-nded voded) oli järedaks oigenduzkeskuseks türmatud ristituiden täht. Raudtesild Pohjoižes Dvinas päliči om saudud nenil ristituil [[Toine mail'man soda|Toižen mail'man sodan]] aigan. Avtotesild Pohjoižes Dvinas päliči sijadase 2 km pohjoižemb, se om saudud vl 2001.
 == Geografijan andmused ==