Rodniki (lidn)

Vikipedii
Mine navigeerimisribale Mine otsikasti
Rodniki
Родники
Valdkund Venäma
Eläjiden lugu (2017) 24 662 ristitud
Pind 17,7 km²
Rodniki Родники
Pämez' Andrei Morozov
(2 005—)
Telefonkod +7-49 336-xx-xxx
Avtokod 37
Aigvö UTC+3 (MSK+0)


Rodniki (ven.: Родники́) om Venäman lidn da lidnankund Ivanovon agjan keskuzpalan pohjoižpäivnouzmas. Se om Rodnikin rajonan administrativine keskuz (vspäi 1924).

Istorii[redaktiruida | redaktiruida purde]

Eländpunkt mainitase ezmäižen kerdan Ivan Grazijan kirjeižes Suzdalin Jumalankatken naižjumalankodile vl 1564. Nimitihe tervehtoitajan purtken mödhe (ven.: родник). Vl 1820 Krasil'šikovad-torgovanoiden tekstiline edheotand radaškanzi žilos. Radnikžilo sai lidnan statusad vl 1918.

Rodniki-lidn šingotase bumagkanghiden pästandal, mašinansauvomižen tegimel (pnevmatine mašiništ kaivuztegimišton täht, edel 2008 produkcii oli avtobusad «ZIL»-šassil), leibän edheotandal, sauvondtegesil (uksenpeled).

Geografijan andmused[redaktiruida | redaktiruida purde]

Lidn sijadase rajonan keskuzpalas, Jukš-jogen randal (ven.: Юкша), 140 m ü.m.t. keskmäižel korktusel. Matkad Ivanovohosai om 47 km päivlaskmha-suvipäivlaskmha orhal vai 54 km avtotel. Toižed lähembaižed lidnad oma Vičug (raudtestancii) 17 km pohjoižpäivnouzmha orhal vai 21 km avtotedme, Šui 36 km suvipäivlaskmha-suvhe orhal vai 43 km avtotedme, i Furmanov 41 km päivlaskmha-lodezehe orhal vai 56 km avtotedme. «Ivanovo — Kinešm»-avtotekeskust om lidnan suvižeks i suvipäivnouzmaižeks röunaks. Raudten 8-kilometrine sarak ühtenzoitab lidnad «Ivanovo — Kinešm»-keskustanke, radab vaiše juguiden täht.

Rodniki om lidnankundan üks'jäine eländpunkt.

Eläjad[redaktiruida | redaktiruida purde]

Vl 1939 lidnan ristitišt oli 26 996 eläjad. Vn 2010 Venäman rahvahanlugemižen mödhe lidnan eläjiden lugu oli 26 310 ristitud, rajonan seičeme kümnendest. Kaikiš suremb ristitišt oli 30..32 tuhad eläjid vozil 1967−1999 (32 300 rist. vl 1992).

Rahvahad (2010): venälaižed — 96,9%, toižed rahvahad — 3,1%.

Professionaližen opendusen aluzkund om Rodnikin politehnine kolledž.[1]

Homaičendad[redaktiruida | redaktiruida purde]

  1. Rodnikin politehnižen kolledžan sait (rpk.rodniki.ru). (ven.)

Irdkosketused[redaktiruida | redaktiruida purde]



Ivanovon agjan lidnad
Furmanov | Gavrilov Posad | Ivanovo | Jurjevec | Juž | Kinešm | Kohm | Komsomol'sk | Navoloki | Plös | Privolžsk | Pučež | Rodniki | Šui | Zavolžsk | Teikovo | Vičug