Plös (lidn)

Plös
Плёс
Lidnanznam;	Flag;
Valdkund	Venäma
Eläjiden lugu (2021)	1,734 ristitud
Pind	7 km²
Pämez'	Svetlana Kornilova; (sulaku 2022—,; velgusentäutai)
Telefonkod	+7−49 339-xx-xxx
Avtokod	37
Aigvö	UTC+3 (MSK+0)

Plös (ven.: Плёс) om Venäman lidn da lidnankund Ivanovon agjan pohjoižes. Se om agjan kaikiš penemb lidn eläjiden lugun mödhe, mülüb Privolžskan rajonha i Venäman Istorižiden eländpunktoiden nimikirjuteshe federaliženke znamoičendanke.

Istorii[redaktiruida | redaktiruida purde]

Eländpunkt mainitase ezmäižen kerdan vl 1238 kuti muretud Batii-hanal lidnuz da lidn. Istorine nimituz om Pleso (ven.: Плёсо). Vl 1410 saudihe ut lidnust. Se sai makundan lidnan statusad vl 1778 i oli tekstiližen agjan päjogiportaks edel «Ivanovo — Kinešm»-raudten sauvondad vl 1871. Ende kaks' kangaztegint, kaks' oludedheotandad i kümne pajad radoiba lidnas.

Plös šingotase turizmal. Vedadas festivalid joga vodel: äipäiväline, kezaküläpertiden, sportivine, animacine. Pirdajiden eländtaho, fil'mdas fil'mid.

Geografijan andmused[redaktiruida | redaktiruida purde]

Lidn sijadase rajonan pohjoižpäivnouzmas, Volgan Gor'kijan vezivaradimen oiktal kukhikahal randal, 84..138 m ü.m.t. korktusil. Volgan leveduz om 650..700 m lidnanno. Šohonk (ven.: Шохонка 7 km pitte) lankteb Volgha lidnan territorijal. Matkad Kostroman agjhasai om 1 km pohjoižhe orhal jogen vastrandal, Ivanovohosai om 61 km suvipäivlaskmha orhal vai 69 km avtotel. Lähembaižed lidnad oma Volgorečensk (Kostroman agj) 20 km päivlaskmha orhal vai 30 km avtotedme, i Privolžsk-rajonkeskuz (raudtestancii) 16 km suvipäivlaskmha orhal vai 18 km avtotedme.

Kaik viž žilod i 18 küläd mülüdas lidnankundha Plösan ližaks, üks' külä oli kaikenaigaižeta ristitištota vl 2010. Lidnankundan pind — 96,2 km².

Eläjad[redaktiruida | redaktiruida purde]

Vl 1939 lidnan ristitišt oli 3 559 eläjad. Vn 2010 Venäman rahvahanlugemižen mödhe lidnan eläjiden lugu oli 2 340 ristitud, lidnankundan — 3 672 ristitud, rajonan ühesandez. Kaikiš suremb lidnan ristitišt oli 3,5..4 tuhad eläjid vozil 1939−1998 (4 tuh. rist. vll 1959 i 1992). Vl 2017 lidnan ristitišt oli 1 796 eläjad, kaiken lidnankundan 2 966 eläjad.

Rahvahad (2010): venälaižed — 97,6%, toižed rahvahad — 2,4%.

Ortodoksižen hristanuskondan üks'toštkümne pühäpertid^[1] oma avaitud lidnas lähižidenke ezilidnoidenke: Pühän Jumalanmaman Emäganpäivän päjumalanpert' (om letud vll 1699−1800), seičeme jumalanpertid i koume časounäd.

Plösan biznesan da turizman kolledž^[2] om professionaližen opendusen aluzkundaks.

Galerei[redaktiruida | redaktiruida purde]

Lidnan Administracijan sauvuz (2013, ende Moisejevad-bajariden usadib)
Sündun Eläbzdusen jumalanpert', vn 2015 nägu
Torguindan istorižed ülärived Torgovai-torgul vl 2021
«Akt'or Plös»-sanatorii (2012)
Plösan muzejan päsauvuz vl 2013

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnankundan tobmuden aluzkundoiden oficialine sait (gorodples.ru). (ven.)

Plös (lidn) Vikiaitas

	Ivanovon agjan lidnad
	Furmanov \| Gavrilov Posad \| Ivanovo \| Jurjevec \| Juž \| Kinešm \| Kohm \| Komsomol'sk \| Navoloki \| Plös \| Privolžsk \| Pučež \| Rodniki \| Šui \| Zavolžsk \| Teikovo \| Vičug

[1] Plösan pühäpertid sobory.ru-saital. (ven.)

[2] Plösan biznesan da turizman kolledžan sait (pleskol.ru). (ven.)

[1]

[2]