Komsomol'sk (Ivanovon agj)

Vikipedii
Jump to navigation Jump to search
Komsomol'sk
Комсомольск
Valdkund Venäma
Eläjiden lugu (2019) 8 058 ristitud
Pind 6,46 km²
Komsomol'sk Комсомольск
Pämez' Jelena Nurgatina
(reduku 2 015—)
Telefonkod +7-49 352-xx-xxx
Avtokod 37
Aigvö UTC+3 (MSK+0)


Disambig gray.svg Sil sanal voib olda toižid znamoičendoid; miše nähta niid, tulgat tänna.
Ivanovon GRES:an vanh sauvuz (oiktalpäi) i uz' (huralpäi) vl 2015

Komsomol'sk (ven.: Комсомо́льск) om Venäman lidn da lidnankund Ivanovon agjan lodehes. Se om Komsomol'skan rajonan administrativine keskuz (vspäi 1932).

Istorii[redaktiruida | redaktiruida purde]

Eländpunktan aluz om pandud vl 1927 kuti Ivanovon GRES:an sauvojiden žilo. Uz' GRES radaškanzi vn 1930 redukus. Kätihe radnikžilod oficialižeks nügüdläiženke nimitusenke vn 1931 vilukus, nimitihe kundaližen Komsomol-organizacijan mödhe. Radnikžilo sai lidnan statusad vn 1950 28. päiväl elokud.

Komsomol'sk šingotase elektrusen tehmižel (GRES radab londuseližel gazal), mašinansauvomižel (elektrotehnine mašiništ, elektromagnitad[1]), mecan ümbriradmižel.

Geografijan andmused[redaktiruida | redaktiruida purde]

Lidn sijadase Uhtohm-jogen üläjoksmusen vezivaradimen oiktal randal päpaloin (ven.: Ухтохма 89 km pitte, Kläz'man hurapol'ne bassein), 145 m ü.m.t. keskmäižel korktusel. Matkad Ivanovohosai om 36 km päivnouzmha-suvipäivnouzmha orhal vai 58 km avtotel. Toižed lähembaižed lidnad oma Teikovo 22 km suvhe-suvipäivnouzmha orhal vai 31 km avtotedme, i Gavrilov Jam (Jaroslavlin agj) 44 km lodeheze orhal vai 62 km avtotedme. Raudtesarak Komsomol'sk-stancijanke ühtenzoitab Ivanovonke, raudte jätktase Ivanovon agjan röunhasai.

Komsomol'sk om lidnankundan üks'jäine eländpunkt.

Eläjad[redaktiruida | redaktiruida purde]

Vl 1939 lidnan ristitišt oli 15 734 eläjad. Vn 2010 Venäman rahvahanlugemižen mödhe lidnan eläjiden lugu oli 8 693 ristitud, rajonan kaks' videndest. Kaikiš suremb ristitišt oli vl 1939 i enamba 12 tuhad eläjid vozil 1970−1979 (12 320 rist. vl 1970).

Rahvahad (2010): venälaižed — 98,1%, toižed rahvahad — 1,9%.

Professionaližen opendusen aluzkund om Ivanovon energetižen kolledžan Komsomol'skan filial (ende Komsomol'skan lämuzenergetine tehnikum).

Homaičendad[redaktiruida | redaktiruida purde]

  1. «Specelektromagnit»-edheotandan sait (semagnit.ru). (ven.) (angl.)

Irdkosketused[redaktiruida | redaktiruida purde]


Ivanovon agjan lidnad
Furmanov | Gavrilov Posad | Ivanovo | Jurjevec | Juž | Kinešm | Kohm | Komsomol'sk | Navoloki | Plös | Privolžsk | Pučež | Rodniki | Šui | Zavolžsk | Teikovo | Vičug