Juž

Juž
Южа

Valdkund	Venäma
Eläjiden lugu (2021)	12,957 ristitud
Pind	13 km²
Pämez'	Andrei Baranov (sügüz'ku 2015—)
Telefonkod	+7−49 347-xx-xxx
Avtokod	37
Aigvö	UTC+3 (MSK+0)

Juž (ven.: Ю́жа) om Venäman lidn da lidnankund Ivanovon agjan suvipäivnouzmas. Se om Južan rajonan administrativine keskuz (vspäi 1929).

Istorii

Eländpunktan aluz om pandud 16.-17. voz'sadal Juzg-nimitusenke (ven.: Юзга). Šingotihe bumagkanghiden tehmižel 19. voz'sadan kahtendes polespäi. Radnikžilo sai lidnan statusad vl 1925.

Južan päedheotandad oma kanghiden fabrik, omblendfabrik, turbhan edheotand.

Geografijan andmused

Lidnan sijaduz rajonas i agjas vn 2006 kartal

Lidn sijadase rajonan keskuzpalas, Kläz'm-jogen hural randpolel (Volgan oigedpol'ne bassein), 105 m ü.m.t. keskmäižel korktusel. Pionerk-jogi läbitab lidnad, vezivaradim om saudud Južan päivnouzmas.

Matkad Vladimiran agjhasai om kümne kilometrad suvipäivlaskmha orhal, Ivanovohosai om 78 km lodeheze orhal vai 94 km avtotel. Lähembaižed lidnad oma Väznikad (Vladimiran agj) 38 km suvhe orhal vai 50 km avtotedme, Kovrov (Vladimiran agj) 49 km suvipäivlaskmha orhal vai 70 km avtotedme, i Šui 48 km lodeheze orhal vai 64 km avtotedme. Kaidraižuine «Balahn — Šui»-raudte oli olmas 1900-nzil — 1990-nzil vozil.

Juž-žilo i nell' küläd mülüdas lidnankundha Juž-lidnan ližaks. Lidnankundan pind — 103,97 km².

Eläjad

Vl 1939 lidnan ristitišt oli 21 586 eläjad. Vn 2010 Venäman rahvahanlugemižen mödhe lidnan eläjiden lugu oli 14 170 ristitud, lidnankundan — 14 771 ristitud, rajonan viž ühesandest, vn 2021 lidnan — 12 957 ristitud. Vl 2017 kaik 12 834 ristitud elihe lidnas i 13 383 ristitud kaikes lidnankundas. Kaikiš suremb lidnan ristitišt oli 23..25 tuhad eläjid vozil 1959−1974 (25 tuh. rist. vl 1974).

Rahvahad (2010): venälaižed — 97,5 %, toižed rahvahad — 2,5 %.

Ortodoksižen hristanuskondan nell' pühäpert' oma kaičenus i saudud lidnas: koume jumalanpertid i časoun'.

Lapsiden opendusen aluzkundad oma päivkodid, keskškolad. Južan tehnologine kolledž om lidnan professionaližen opendusen aluzkundaks.

Galerei

• 
  Lapsiden da norišton keskuz (2019, ende bogadel'n')
• 
  Jumalanmaman Smolenskan jumalaižen jumalanpert', vn 2017 nägu (om letud 1790−1795, kellčuhunduz om saudud tošti vl 1863, 2000-nziden voziden rekonstrukcii)
• 
  Kanghiden fabrik vl 2012
• 
  Kul'turkeskuz (2012, om saudud kut Rahvahaline pert' fabrikanno vl 1910)
• 
  Asigkrit Balin-edheotajan usadib vl 2019

Irdkosketused

• Lidnankundan Nevondkundan oficialine sait (gorod.yuzha.ru). (ven.)
• Lidnan da rajonan Administracijan sait (yuzha.ru). (ven.)