Navoloki

Vikipedii-späi
Navoloki
Наволоки
 Lidnanznam
 Flag
Valdkund Venäma
Eläjiden lugu (2021) 8,988 ristitud
Pind 10 km²
Navoloki Наволоки
Pämez' Aleksandr Kostin
(sügüz'ku 2020—)
Telefonkod +7−49 331-xx-xxx
Avtokod 37
Aigvö UTC+3 (MSK+0)


Navoloki (ven.: На́волоки) om Venäman lidn da lidnankund Ivanovon agjan pohjoižpäivnouzmas. Se om Kinešman rajonan üks'jäine lidn.

Istorii[vajehta | vajehtada tekst]

Eländpunkt mainitase ezmäižen kerdan vl 1775. Vl 1880 Vičugan torgovanoiden kanghiden fabrik radaškanzi žilos. Radnikžilo vspäi 1925, sai lidnan statusad vl 1938. Vll 1935−1958 oli Navolokin rajonan keskuseks.

Navoloki šingotase tekstiližel tegimištol: bumagkanghiden kombinat, omblendfabrik.

Geografijan andmused[vajehta | vajehtada tekst]

Lidn sijadase rajonan lodehližes čogas, Volgan Gor'kijan vezivaradimen oiktal randal, 120 m ü.m.t. keskmäižel korktusel. Matkad Ivanovohosai om 80 km suvipäivlaskmha orhal vai 111 km avtotel. Toižed lähembaižed lidnad oma Kinešm-rajonankeskuz i Zavolžsk (raudtestancijad) 10 km päivnouzmha orhal vai avtotedme. Raudtesarak tuleb Kinešmaspäi, se radab vaiše jüguiden täht.

Koume žilod i 15 küläd mülüdas lidnankundha Navolokin ližaks, sidä kesken kuz' küläd kaikenaigaižeta ristitištota vl 2010. Lidnankundan pind — 94,97 km².

Eläjad[vajehta | vajehtada tekst]

Vl 1939 lidnan ristitišt oli 12 301 eläjad. Vn 2010 Venäman rahvahanlugemižen mödhe lidnan eläjiden lugu oli 10 206 ristitud, lidnankundan — 13 475 ristitud, rajonan koume videndest. Kaikiš suremb lidnan ristitišt oli enamba 13 tuhad eläjid vozil 1959−1970 (13 832 rist. vl 1959). Kaik 9 546 ristitud elihe lidnas i 12 639 ristitud kaikes lidnankundas vl 2017.

Rahvahad (2010): venälaižed — 97,0%, ukrainalaižed — 1,4%, toižed rahvahad — 1,6%.

Ortodoksižen hristanuskondan üks'jäine pühäpert'[1] om olmas lidnas, se om Jumalanmaman Emäganpäivän jumalanpert' (1785).

Professionaližen opendusen lähembaižed aluzkundad ratas lähembaižiš lidnoiš.

Edeline lidnankundan (sen Administracijan) pämez' om Viktor Ivanov (kül'mku 2015 — sügüz'ku 2020).

Homaičendad[vajehta | vajehtada tekst]

  1. Navolokin pühäpertid sobory.ru-saital. (ven.)

Irdkosketused[vajehta | vajehtada tekst]



Ivanovon agjan lidnad
Furmanov | Gavrilov Posad | Ivanovo | Jurjevec | Juž | Kinešm | Kohm | Komsomol'sk | Navoloki | Plös | Privolžsk | Pučež | Rodniki | Šui | Zavolžsk | Teikovo | Vičug