Šaripovo

Šaripovo
Шарыпово
Lidnanznam;	Flag;
Valdkund	Venäma
Eläjiden lugu (2020)	36,741 ristitud
Pind	28,97 km²
Pämez'	Vadim Hohlov; (sulaku 2022—)
Telefonkod	+7−39 153-xx-xxx
Avtokod	24, 84, 88, 124
Aigvö	UTC+7 (MSK+4)

Šaripovo (ven.: Шары́пово) om Venäman lidn da lidnümbrik Krasnojarskan randan suvipalan päivlaskmas. Se om Šaripovon rajonan administrativižeks keskuseks (ei mülü rajonha).

Istorii[vajehta | vajehtada lähte]

Eländpunktan aluz om pandud 18. voz'sadal kuti Šaripovskoje-külä. Kätihe rajonan keskuseks vl 1941, radnikžiloks vl 1977. Vl 1981 žilo sai lidnan statusad. Vozil 1985−1988 nimitihe sidä Černenko:ks.

Šaripovon šingotez om sidotud Kanskan da Ačinskan buran hil'basseinan otandha kävutamižhe — Berözovskii-kar'jer i Berözovskai GRES.

Geografijan andmused[vajehta | vajehtada lähte]

Lidn sijadase Kadat-jogen randal (Čuliman hurapol'ne bassein), 310 m ü.m.t. keskmäižel korktusel, jagase 11 lidnanlaptha. Matkad Krasnojarskhasai om 315 km päivlaskmha avtotedme. Lähembaine lidn om Užur 47 km suvipäivnouzmha orhal vai 75 km avtotedme.

Klimat om terav kontinentaline kuiv. Voden keskmäine lämuz om +3,1 C°, kezakun-elokun +17..+19 C°, tal'vkun-uhokun −10..−12 C°. Paneb sadegid 220 mm vodes, 8 (kül'mku)..25 (tal'vku) millimetrad kuidme.

Kaik kaks' lidnanvuittušt žilod mülüdas lidnümbrikho Šaripovon ližaks: Dubinino (8 961 rist. vl 2017) i Goräčegorsk (641 rist. vl 2017).

Eläjad[vajehta | vajehtada lähte]

Vn 2010 Venäman rahvahanlugemižen mödhe lidnan eläjiden lugu oli 38 561 ristitud, lidnankundan — 48 814 ristitud. Kaik 37 169 eläjad oli lidnas vl 2017. Kaikiš suremb lidnan ristitišt oli 43 700 eläjad vl 1998.

Ortodoksižen hristanuskondan kaks' pühäpertid^[1] oma avaitud lidnas: Eläban Eziauguižen Stroican päjumalanpert' (om saudud vll 1991−1999) i Jumalanmaman «Palamatoi penzaz»-jumalaižen puine časoun' lämoipalonvastaiženno palakundanno (vspäi 2016).

Šaripovon äiprofil'ne kolledž^[2], Tomskan kommunaliž-sauvondtehnikuman filial i Ačinskan saraktehnologijoiden da biznesan kolledžan filial oma lidnan professionaližen opendusen aluzkundoikš.

Edeline lidnan pämez' om Natal'ja Petrovskaja (keväz'ku 2017 — sulaku 2022).

Galerei[vajehta | vajehtada lähte]

Venäman keskuzbankan lugendkassine keskuz lidnas (2018)
Pühän Stroican päjumalanpert', vn 2013 nägu
Berözovskai GRES vl 2018
Šaripovon kadetoiden il'mdesantine korpus (2013)
«Listväg»-kafe (2018)

Homaičendad[vajehta | vajehtada lähte]

Irdkosketused[vajehta | vajehtada lähte]

Municipaližen «Šaripovo-lidn»-ühtnikan tobmuden aluzkundoiden oficialine sait (sharypovo-r04.gosweb.gosuslugi.ru). (ven.)

Šaripovo Vikiaitas

	Krasnojarskan randan lidnad
	Ačinsk \| Artömovsk \| Bogotol \| Borodino \| Divnogorsk \| Dudink \| Igark \| Ilanskii \| Jeniseisk \| Kansk \| Kodinsk \| Krasnojarsk \| Lesosibirsk \| Minusinsk \| Nazarovo \| Noril'sk \| Sosnovoborsk \| Šaripovo \| Zaozörnii \| Zelenogorsk \| Železnogorsk \| Ujar \| Užur

[1] Šaripovon pühäpertid sobory.ru-saital. (ven.)

[2] Šaripovon äiprofil'žen kolledžan sait (shmk-edu.ru). (ven.)

[1]

[2]