Železnogorsk (Krasnojarskan rand)

Železnogorsk
Железногорск
Lidnanznam;	Flag;
Valdkund	Venäma
Eläjiden lugu (2017)	84,114 ristitud
Pämez'	Igor' Kuksin; (tal'vku 2017—)
Telefonkod	+7−3919-xxx-xxx
Avtokod	24, 84, 88, 124
Aigvö	UTC+7 (MSK+4)

Sil sanal voib olda toižid znamoičendoid; miše nähta niid, tulgat tänna.

Železnogorsk (ven.: Железногорск) om Venäman lidn Krasnojarskan randan suvipalan keskuses. Se om Železnogorskan lidnümbrikon (alištub randale) da SATÜ:n (alištub federacijan tobmudele) administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1950 kuti Počtkonor' nomer 9 (ven.: Почтовый ящик №9) tegemha plutonijad azegišton täht. Sodamehed da türmatud ristitud sauvoihe sidä. Eländpunkt sai lidnan statusad vl 1954, udesnimitihe kahtenvuiččikš: Krasnojarsk:aks-26 oigendamha kirjeižid i nügüdläižikš tobmuden organoiden täht. Železnogorsk om oficialine nimituz vspäi 1994.

Geografijan andmused[redaktiruida | redaktiruida purde]

Lidn sijadase Jenisei-jogen oiktal randpolel, Sajaniden Ataman-sel'gan ezimägištol, 150 m ü.m.t. keskmäižel korktusel. Fartalad seištas peniden Gorodskoje- i More-järviden randoil. Matkad Krasnojarskhasai om 35 km suvipäivlaskmha. Lähembaine lidn om Sosnovoborsk 15 km suvipäivlaskmha raudtel vai avtotel.

Lidnanvuitte Podgornii-žilo (6541 rist. vl 2017), koume muite žilod da külä mülüdas lidnankundha Železnogorskan ližaks. Lidnümbrikon pind — 456,67 km².

Eläjad da ižanduz[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 84 795 ristitud, lidnümbrikon — 93 841 ristitud. Kaikiš suremb lidnan ristitišt oli vl 1992 — 97 500 eläjad, lidnümbrikon vl 2002 — 102 620 eläjad.

Ižandusen päsarakod oma uden südäitukuižen poltusen tehmine da vanhan ümbriradmine, Man kaimdajiden pästand (Venäman civiližiden kaimdajiden 70%), sauvond, mugažo himine specialine tegim om olmas.

Galerei[redaktiruida | redaktiruida purde]

«Informacižed kaimdaisistemad M.F. Rešetnöv-akademikan nimed»-kompanijan päsauvuz vl 2006
Ph. Mikoi-arhangelan päjumalanpert', vn 2011 nägu
Kaivuzhimižen kombinatan päfater lidnas vl 2018
Kul'turkeskuz Leninan torgul
Avtobusstancii vl 2012

Irdkosketused[redaktiruida | redaktiruida purde]

Lidnümbrikon tobmuden aluzkundoiden oficialine sait (admk26.ru). (ven.)

Železnogorsk (Krasnojarskan rand) Vikiaitas

	Krasnojarskan randan lidnad
	Ačinsk \| Artömovsk \| Bogotol \| Borodino \| Divnogorsk \| Dudink \| Igark \| Ilanskii \| Jeniseisk \| Kansk \| Kodinsk \| Krasnojarsk \| Lesosibirsk \| Minusinsk \| Nazarovo \| Noril'sk \| Sosnovoborsk \| Šaripovo \| Zaozörnii \| Zelenogorsk \| Železnogorsk \| Ujar \| Užur