Kodinsk

Vikipedii-späi
Kodinsk
Кодинск
 Lidnanznam
 Flag
Valdkund Venäma
Eläjiden lugu (2020) 15,653 ristitud
Pind 27 km²
Kodinsk Кодинск
Pämez' Oleg Želäbin
(sügüz'ku 2020—)
Telefonkod +7−39 143-xx-xxx
Avtokod 24, 84, 88, 124
Aigvö UTC+7 (MSK+4)


Kodinsk (ven.: Ко́динск) om Venäman lidn Krasnojarskan randan päivnouzmas. Se om Kežman rajonan administrativine keskuz (vspäi 1988).

Istorii[vajehta | vajehtada tekst]

Eländpunktan aluz om pandud vl 1977 žiloks sauvomha Bogučanan GES:ad. Žilo sai lidnan statusad vl 1989.

Geografijan andmused[vajehta | vajehtada tekst]

Lidn sijadase taigamecoiš ümbri, Angaranjogen hural randal, 287 m ü.m.t. keskmäižel korktusel, 12 kilometras Bogučanan gidroelektrostancijaspäi. Matkad Krasnojarskaspäi om 476 km pohjoižpäivnouzmha orhal vai 700 km avtotedme. Lähembaižed lidnad oma Ust'-Ilimsk (Irkutskan agj) 220 km päivnouzmha orhal vai 440 km avtotedme, Bratsk (Irkutskan agj) 340 km suvipäivnouzmha avtol i Kansk 335 km suvipäivlaskmha orhal vai 470 km avtotedme.

Lidnan territorijan klimat om Edahaižen Pohjoižen arvoimižihe tazostadud.

Siromolotovo-külä (ven.: деревня Сыромолотово, 126 rist. vl 2017) mülüb lidnankundha Kodinskan ližaks. Lidnankundan pind — 28,81 km².

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 14 873 ristitud[1], lidnankundan — 15 007 ristitud, rajonan koume nelländest. Vl 2017 kaik 16 312 ristitud elihe lidnas, se oli kaikiš suremb ristitišt kaikes aigas, i 16 438 ristitud kaikes lidnankundas.

Ortodoksižen hristanuskondan Pühän Jumalanmaman Katken jumalanpert'[2] om letud vodele 1999.

Edeline lidnan pämez' om Vladimir Govorskii (keväz'ku 2006 — sügüz'ku 2020).

Openduzsijad[vajehta | vajehtada tekst]

Keskškol nomer 2, vn 2021 nägu

Nügüdläižen aigan ratas Kodinskas:

Školad
  • Kodinskan keskškol № 2
  • Kodinskan keskškol № 3
  • Kodinskan keskškol № 4
  • Lapsen- da norištonsportškol
  • Muzikškol.
Ližaopenduz
  • Ližaopendusen keskuz lapsiden täht
  • Lapsiden sädamižen keskuz.
Professionaline openduz
  • Angaranverine politehnine tehnikum[3] (PŠ-67 enččel).

Massižen informacijan abutused[vajehta | vajehtada tekst]

Lehtesed[vajehta | vajehtada tekst]

Rajonine lehtez lähtleb Kodinskha:

Televizii[vajehta | vajehtada tekst]

Neniden federaližiden TV-kanaloiden signalad ottas lidnas kaikjal: «Ezmäine», «Venäma», STS-Kodinsk, REN TV, «Jenisei» (Krasnojarskan randan valdkundaline TV-kanal). «Kodinskan lidnalaižen TV-radiokompanijan» programad lähttas regulärižikš STS-Kodinsk:an paksudel.

Om voimust lidnas ühtneda analogižhe kabel'televizijha, AAS «Kabel'televizijan verkod» anttas necidä voimust. AAS «DKV» (Digitaližed Kabel'verkod) tegeb ühtnemižen digitaližhe TV:ha vanutud paran turbiš.

Internet[vajehta | vajehtada tekst]

Kaik viž internet-provaiderad ratas lidnas: SRV «Radiosväz'», PAS «Rostelekom», IE Trofimov (Wi-Fi, katab kaiked lidnad), SRV «IT Telekom».

Mobiline sido[vajehta | vajehtada tekst]

Kaik nell' operatorad ratas mobiližen sidon GSM-standartad lidnas, kuti randan-ki territorijal:

Ekonomik[vajehta | vajehtada tekst]

Tehmine[vajehta | vajehtada tekst]

Järedad edheotandad ratas lidnas:

  • Bogučanan GES
  • Angaranveren Mecanümbriradmižen kompleks
  • Kodinskan Mecanümbriradmižen kombinat.

Bankad[vajehta | vajehtada tekst]

Mugažo koume ekspresskredituindan sijad ratas «Merkurii»-torguindkompleksas: Päivnouzmaine ekspressbank, Houm kredit end finans bank, OTP-Bank.

Torguind[vajehta | vajehtada tekst]

  • «Merkurii»-torguindkompleks
  • Torguindkeskused: «Aleksandrovskii», «Laim»
  • Supermarketad: «XXI. voz'sada», «Baikal», «Favorit», «Fortuna», «Sever», «Stels»
  • Sauvondmarket «Stroi-ka».

Kundaline sömine[vajehta | vajehtada tekst]

  • Restoranad: «Berendei», «Grand»
  • Öline «Blüz»-klub
  • Kafe-barad: «Angara», «Fregat», «Jeralaš»
  • Kafed: «Kal'huziden sar'», «Navigator»

Mugažo voib pakitoitta lidnas sušid, rollad, picc, šašlik, uzbekine plov, tortad satandanke kodihe.

Galerei[vajehta | vajehtada tekst]

Homaičendad[vajehta | vajehtada tekst]

  1. Численность населения Российской Федерации по городам, поселкам городского типа и районам на 1 января 2010 года (Venälaižen Federacijan ristitišton lugumär lidnoidme, lidnanvuiččid žiloidme da rajonidme vn 2010 1. päiväl vilukud). — Rosstat (gks.ru). (ven.)
  2. Kodinskan pühäpertid sobory.ru-saital. (ven.)
  3. Angaranverižen politehnižen tehnikuman sait (ppt-kodinsk.edu.ru). (ven.)

Irdkosketused[vajehta | vajehtada tekst]



Krasnojarskan randan lidnad
Ačinsk | Artömovsk | Bogotol | Borodino | Divnogorsk | Dudink | Igark | Ilanskii | Jeniseisk | Kansk | Kodinsk | Krasnojarsk | Lesosibirsk | Minusinsk | Nazarovo | Noril'sk | Sosnovoborsk | Šaripovo | Zaozörnii | Zelenogorsk | Železnogorsk | Ujar | Užur