Ust'-Ilimsk

Vikipedii
Jump to navigation Jump to search
Ust'-Ilimsk
Усть-Илимск
 Lidnanznam
Coat of Arms of Ust-Ilimsk (Irkutsk oblast).png
 Flag
Flag of Ust-Ilimsk (Irkutsk oblast).png
Valdkund Venäma
Eläjiden lugu (2017) 82 455 ristitud
Pind 229 km²
Ust'-Ilimsk Усть-Илимск
Pämez' Vakil' Tulubaev
(2 008−2 010,
sügüz'ku 2 015—)
Telefonkod +7-39 535-xx-xxx
Avtokod 38, 85, 138
Aigvö UTC+8 (MSK+5)


Ust'-Ilimsk (ven.: Усть-Илимск) om Venäman lidn da lidnümbrik Irkutskan agjan lodehes. Se om agjan nellänz' lidn eläjiden lugun mödhe, om Ust'-Ilimskan rajonan administrativižeks keskuseks mugažo, ei mülü sihe.

Istorii[redaktiruida | redaktiruida purde]

Eländpunktan aluz om pandud vl 1966 kuti Ust'-Ilim sauvomha padoseinäd da gidroelektrostancijad Angar-jogel, mecümbriradajan kompleksan edheotandoid. Eziauguižin planiruihe panda padoseinäd Iliman jogensunno, sid' valitihe sijad 30 kilometras mödvedhe, no nimi jäi enzne. Žilo sai lidnan statusad vl 1973 nügüdläiženke nimenke, vspäi 1974 alištub agjan tobmudele oikti.

Geografijan andmused[redaktiruida | redaktiruida purde]

Lidn sijadase Angar-jogen i Ust'-Ilimskan vezivaradimen randoil, 207..320 m korktusil, 300 m ü.m.t. keskmäižel korktusel. Matkad Irkutskhasai om 650 km suvhe orhal, 890 km avtotedme vai 1280 km raudtedme. Ust'-Ilimsk-raudtestancii sijadase rajonan Železnodorožnii-žilos ani suvhe lidnaspäi, vaiše jüguraudted oma saudud lidnas, ühtenzoittas Železnogorskanke Ilimal. Lähembaižed lidnad oma Železnogorsk Ilimal 175 km suvipäivnouzmha orhal, 473 km avtotedme vai 240 km raudtedme, Bratsk 210 km suvhe orhal vai 280 km avtol i Kodinsk (Krasnojarskan rand) 220 km päivlaskmha-lodeheze orhal vai 440 km avtotedme.

Ust'-Ilimsk om lidnümbrikon üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 86 610 ristitud. Kaikiš suremb ristitišt oli 114 tuh. eläjid vl 1992. Ortodoksižen hristanuskondan kaks' jumalanpertid da časoun' oma olmas lidnas.

Professionaližen opendusen aluzkundad: Ust'-Ilimskan mectegimištoližiden tehnologijoiden tehnikum, saraktehnologijoiden tehnikum, Baikalan valdkundaližen universitetan (Irkutsk) filial, Irkutskan energetižen kolledžan filial.

Ižanduz da transport[redaktiruida | redaktiruida purde]

Lidn šingotase järedal GES:al (sadametraine padosein) i lämuzenergetikal, mecan ümbriradmižel pilindmaterialoihe, cellülozbumagaižel tehmižel, kivihilen samižel, mugažo leibtegim radab.

Avtobusad, kiruhtramvaid da taksid oma kundaližeks transportaks. Regionaline civiline lendimport (UIK / УТК) sijadase 17 km lodeheze lidnan keskusespäi, tehtas reisid Irkutskhasai.

Irdkosketused[redaktiruida | redaktiruida purde]



Irkutskan agjan lidnad
Alaudinsk | Alzamai | Angarsk | Baikal'sk | Birüsinsk | Bodaibo | Bratsk | Čerömhovo | Irkutsk | Kirensk | Sajansk | Sibirin Usol'je | Slüdänk | Svirsk | Šelehov | Zim | Železnogorsk Ilimal | Taišet | Tulun | Ust'-Ilimsk | Ust'-Kut | Vihorevk