Sajansk

Sajansk
Саянск
Lidnanznam;	Flag;
Valdkund	Venäma
Eläjiden lugu (2021)	35,561 ristitud
Pind	82,5 km²
Pämez'	Aleksandr Jermakov; (keväz'ku 2024—,; velgusentäutai)
Telefonkod	+7−39 553-xx-xxx
Avtokod	38, 85, 138
Aigvö	UTC+8 (MSK+5)

Sajansk (ven.: Сая́нск) om Venäman lidn da lidnümbrik Irkutskan agjan suves. Om ümbärtud Ziman rajonal.

Istorii

Eländpunktan aluz om pandud vn 1970 22. päiväl sulakud kuti Uz' Zim-žilo (ven.: Новая Зима) sauvomha elektrohimižkombinatad Ziman keitandsolan löudmižsijanno. Vn 1975 vilukus kätihe Sajansk-radnikžiloks, nimitihe Päivnouzmaine Sajan-mägisel'gan mödhe. Radnikžilo sai lidnan statusad vn 1985 elokus, alištub agjan tobmudele oikti.

Sajansk šingotase polivinilhloridan tehmižel i sömtegimištol (kanalihafabrik, maidkombinat). Om sauvondan i torguindan edheotandoid, Uden Ziman LEK radab.

Geografijan andmused

Lidn sijadase ümbärdajan rajonan pohjoižpäivnouzmas, Okanjogen keskjoksmusen lopun molembil randpolil (lankteb Bratskan vezivaradimhe, Angaran hurapol'ne bassein, ven.: Ока 630 km pitte, burät.: Аха гол), 550 m ü.m.t. keskmäižel korktusel. Elänfartalad (Ok-jogen oiged randpol') oma saudud kaks'toštkümnes kilometras himižes tegimespäi (hura randpol'). Kaik om kümne nomeruidud (1, 2A, 2B, 3..9) mikrorajonad, kaikutte om ičeze nimenke mugažo.

Matkad Irkutskhasai om 245 km suvipäivnouzmha orhal vai 280 km avtotedme. Lähembaine lidn da Transsiban stancii om Zim kaks'kümne üks' kilometr suvhe orhal, 24 km avtotedme vai Okan ülezjogen. Ühesakilometrine sarak ühtenzoitab lidnad «Sibir'»-trassanke (R-255).

Klimat om terav kontinentaline. Tal'v om vilu, keza om läm'. Paneb sadegid 400 mm vodes, enamba heinkus-elokus (75..80 mm kus), vähemba kül'mkus-sulakus (10..20 mm kus).

Tobmuz

Sajansk om lidnümbrikon üks'jäižeks eländpunktaks.

Lidnümbrikon tobmuden pämez' om sen mer (Administracijan pämez'). Edeline mer om Oleg Borovskii (sügüz'ku 2014 — keväz'ku 2024). Lidnan Duman ezimez' om Jevgenii Kaplin vn 2022 sügüz'kuspäi. Edeline Duman ezimez' om Jurii Perkov (reduku 2017 — sügüz'ku 2022).

Eläjad

Vn 2010 Venäman rahvahanlugemižen mödhe lidnan eläjiden lugu oli 40 800 ristitud, vn 2021 — 35 561 ristitud. Kaik 38 897 ristitud elihe lidnas vl 2017. Kaikiš suremb lidnan ristitišt oli 47 500 eläjid vl 1996.

Ortodoksižen hristanuskondan Pühän Jumalanmaman Blagoveššenjan kafedraline päjumalanpert'^[1] om saudud vll 1993−2003.

Openduz

Lapsiden opendusen aluzkundad oma kümne päivkodid, gimnazii, seičeme keskškolad (nomer 2..8), lapsiden sädamižen Sozvezdije-pert' («tähthišt»), čomamahtoiden škol, sportškol.

Sajanskan himižtehnologine tehnikum^[2] (mülütihe ekonomikan da ohjandusen kolledžad sihe vn 2013 tal'vkus) i medicinine kolledž^[3] oma lidnan professionaližen opendusen aluzkundoikš.

Galerei

Fontan avaidusen jäl'ghe (2013)
Phh. Pedroin i Fevronijan jumalaine ZAGS:an palakundan vaste (2016)

Homaičendad

Irdkosketused

Sajansk Vikiaitas

	Irkutskan agjan lidnad
	Alaudinsk \| Alzamai \| Angarsk \| Baikal'sk \| Birüsinsk \| Bodaibo \| Bratsk \| Čerömhovo \| Irkutsk \| Kirensk \| Sajansk \| Sibirin Usol'je \| Slüdänk \| Svirsk \| Šelehov \| Zim \| Železnogorsk Ilimal \| Taišet \| Tulun \| Ust'-Ilimsk \| Ust'-Kut \| Vihorevk

[1] Sajanskan pühäpertid sobory.ru-saital. (ven.)

[2] Sajanskan himižtehnologižen tehnikuman sait (xtt-saj.hostedu.ru). (ven.)

[3] Sajanskan medkolledžan sait (med-sayansk.ru). (ven.)

[1]

[2]

[3]