Svirsk
Lidnanznam
| Flag.gif) |
| Valdkund | Venäma |
| Eläjiden lugu (2021) | 15,485 ristitud |
| Pind | 38,62 km² |
 | |
| Pämez' | Vladimir Ornoev (reduku 2010—) |
| Telefonkod | +7−39 573-xx-xxx |
| Avtokod | 38, 85, 138 |
| Aigvö | UTC+8 (MSK+5) |
Svirsk (ven.: Свирск) om Venäman lidn da lidnümbrik Irkutskan agjan suves. Röunatab Čerömhovon i Usol'jen rajonidenke niiden pohjoižes.
Istorii
[vajehta | vajehtada lähtetekst]Eländpunkt mainitase ezmäižen kerdan kuti Černigovskijan parččom (ven.: заимка Черниговская), Födor Černigovskii pani sen alust. Vl 1795 mainitaškanzi Svirskai-küläks (ven.: деревня Свирская) manmehiden-eläjiden kanzannimen mödhe. 1930-nzil vozil saudihe raudted Čerömhovospäi varatoitamha ut Angaran metallurgišt tegint arsenan kävutandanke (nügüd' om sauptud, vspäi 2013 puhtastadas mahust). Kätihe Svirskoje-radnikžiloks vn 1939 elokus. Vn 1939 sügüz'kuspäi himižbatarejiden tegim radab. Suren sodan aigan Leningradan akkumulätorine tegim oli evakuiruidud žilho. Radnikžilo sai lidnan statusad vn 1949 16. päiväl kül'mkud, nimitihe Svirsk:aks.
Vll 1961−1967 upotihe lidnan istorišt keskust Bratskan vezivaradimen täutmižen aigan. Vhesai 2005 Svirsk alištui Čerömhovo-lidnan tobmudele.
Svirsk šingotase mecan ümbriradmižel i putegesiden tehmižel, kommunaližen tehnikan pästandal, akkumulätorantegimel[1] i kaivuzmašiništon tehmižel, teravas letud metalližiden sildoiden tegimel[2], mugažo Čerömhovon kivihilen vendal jogiportan kal't.
Geografijan andmused
[vajehta | vajehtada lähtetekst]Lidn sijadase Angaran hural randal (burät.: Ангар мүрэн, Bratskan vezivaradim), 420 m ü.m.t. keskmäižel korktusel.
Matkad Irkutskhasai om 107 km suvipäivnouzmha orhal, 143 km avtotedme, 150 km raudtedme (vaiše jügureisad) vai 143 km jogedme. Lähembaine lidn da Transsiban passažirstancii om Čerömhovo vižtoštkümnes kilometras päivlaskmha orhal.
Klimat om terav kontinentaline. Ekstremumad oma −48 C° (viluku) i +41 C° (heinku). Paneb sadegid 329 mm vodes. Gruntan kül'mdandan süvüz om 280..300 sm.
Tobmuz
[vajehta | vajehtada lähtetekst]Svirsk om lidnümbrikon üks'jäižeks eländpunktaks. Berözovii-mikrorajon alištub sen tobmudele.
Lidnan pämez' om lidnümbrikon mer (Administracijan pämez'). Lidnümbrikon Duman ezimez' om Sergei Jermakov vn 2019 sulakuspäi.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 13 650 ristitud, vn 2021 — 15 485 ristitud. Kaik 13 110 eläjad oli lidnas vl 2017. Kaikiš suremb lidnan ristitišt oli 23 tuhad eläjid vl 1967.
Ortodoksižen hristanuskondan Jumalanmaman Blagoveššenjan pühäpert'[3] om sauvomas 2000-nziš vozišpäi, sen ližaks Jumalanmaman Blagoveššenjan loičendpert' om avaitud.
Openduz
[vajehta | vajehtada lähtetekst]Lapsiden opendusen aluzkundad oma viž nomeruidud päivkodid (nomer 1, 2, 3, 22, 33), aluzškol Berözovii-mikrorajonas, nell' keskškolad (nomer 1..4), lapsen šingotesen keskust, lapsiden sädamižen pert', čomamahtoine škol, lapsiden da norišton sportškol.
Svirskan elektromehanine tehnikum[4] om lidnan professionaližen opendusen aluzkundaks.
Galerei
[vajehta | vajehtada lähtetekst]
Lidnan pordhikaz fontan (2014)
Svirskan tullein diagramm
Sild jaugnikoiden täht randirdal vl 2014
Homaičendad
[vajehta | vajehtada lähtetekst]- ↑ Svirskan akkumulätorantegimen sait (aktex.ru). (ven.)
- ↑ Sibirin sildansauvondan tegimen sait (sibmz.ru). (ven.)
- ↑ Svirskan pühäpertid sobory.ru-saital. (ven.)
- ↑ Svirskan elektromehanižen tehnikuman sait (сэмт.рф). (ven.) (+äikel'ne avtomatine känduz)
Irdkosketused
[vajehta | vajehtada lähtetekst] |
Svirsk Vikiaitas |
| Irkutskan agjan lidnad | ||
| Alaudinsk | Alzamai | Angarsk | Baikal'sk | Birüsinsk | Bodaibo | Bratsk | Čerömhovo | Irkutsk | Kirensk | Sajansk | Sibirin Usol'je | Slüdänk | Svirsk | Šelehov | Zim | Železnogorsk Ilimal | Taišet | Tulun | Ust'-Ilimsk | Ust'-Kut | Vihorevk | ||