Nazarovo (Krasnojarskan rand)

Nazarovo
Назарово
Lidnanznam;	Flag;
Valdkund	Venäma
Eläjiden lugu (2021)	45,333 ristitud
Pind	47 km²
Pämez'	Vladimir Saar; (keväz'ku 2022—)
Telefonkod	+7−39 155-xx-xxx
Avtokod	24, 84, 88, 124
Aigvö	UTC+7 (MSK+4)

Sil sanal voib olda toižid znamoičendoid; miše nähta niid, tulgat tänna.

Nazarovo (ven.: Наза́рово) om Venäman lidn da lidnümbrik Krasnojarskan randan suvipalan päivlaskmas. Se om Nazarovon rajonan administrativižeks keskuseks, ei mülü rajonha.

Istorii

Eländpunktan aluz om pandud vl 1700 kuti Nazarovskai-külä (ven.: деревня Назаровская), nimitihe tobol'skalaižen Nazarii Patükov-alusenpanijan mödhe. 17.-18. voz'sadoiden röunal Minusinskan trakt läbiti Nazarovod, i se šingotaškanzihe. Vl 1916 raudte tuli žilho Ačinskaspäi. Kätihe žilod makundan keskuseks vl 1924, radnikžiloks vl 1946. Žilo sai lidnan statusad vn 1961 tal'vkus.

Nazarovon ižandusen päsarakod oma buran hilen samine, energetine (Nazarovon GRES), sauvondmaterialiden tehmine (erazvuitte lämuzizoläcii^[1], šebin', metalližkonstrukcijad), sömtegimišt (leibän edheotand, maidkonservad), Päivnouzmaižsibirin katiltegim (katl'ad kovan poltusen kävutandanke).

Geografijan andmused

Nazarovon rajonan lidnanke sijaduz randas vn 2017 kartal

Lidn sijadase ümbärdajan rajonan pohjoižes, Čulim-jogen hural randal, Nazarovon katl'uses, 250 m ü.m.t. keskmäižel korktusel.

Matkad Krasnojarskhasai om 152 km päivlaskmha orhal vai 207 km avtotedme. Lähembaine lidn om Ačinsk koumekümnes kilometras pohjoižhe.

Tobmuz

Nazarovo om lidnümbrikon üks'jäižeks eländpunktaks. Lidnümbrikon pind — 87,63 km².

Edeline lidnan pämez' om Sergei Suharev (kül'mku 2017 — viluku 2022). Lidnan Deputatoiden Nevondkundan ezimez' om Ol'ga Martus vn 2017 redukuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 52 817 ristitud, vn 2021 — 45 333 ristitud. Kaik 50 397 eläjad oli lidnas vl 2017. Kaikiš suremb lidnan ristitišt oli 65 700 eläjad vl 1992.

Ortodoksižen hristanuskondan Jumalanmaman Katken pühäpert'^[2] om saudud lidnas vll 1989−1990. Eläban Eziauguižen Stroican kivine jumalanpert' om sauvomas vspäi 2017. Islamanuskojiden kund om registriruidud.

Openduz

Lapsiden opendusen aluzkundad oma kümne nimitadud i nomeruidud päivkodid (nomer 1, 5, 6, 9, 11..13, 20, 23, 26), seičeme keskškolad (nomer 1..4, 7, 11, 14), licei nomer 8, gimnazii nomer 9, Nazarovon korrekcine škol, rajonan lapsiden sädamižen pert', čomamahtoiden škol, čomamahtoine škol, kaks' sportškolad (muite i olimpižen varan).

Nazarovon agrarine^[3] i energetižen sauvomižen^[4] tehnikumad oma lidnan professionaližen opendusen aluzkundoikš.

Transport

Avtobusad (vižtoštkümne maršrutad) da taksid oma kundaližeks transportaks lidnas ümbrištonke.

Nazarovo-raudtestancii radab «Ačinsk — Abakan»-keskustal.

Galerei

Lidnan tobmuden sauvuz i kul'turkeskuz torgul vn 2018 tal'vkus
Muštnik vn 1920 nevondkundaližen tobmuden kaičijoile
Jumalanmaman Katken pühäpert', vn 2007 nägu
Hil'kar'jer läz Nazarovo-lidnad vl 2006
Muzejižozutelendkeskuz (2013)

Homaičendad

Irdkosketused

Lidnan tobmuden oficialine sait (nazarovograd.ru). (ven.)

Nazarovo (Krasnojarskan rand) Vikiaitas

	Krasnojarskan randan lidnad
	Ačinsk \| Artömovsk \| Bogotol \| Borodino \| Divnogorsk \| Dudink \| Igark \| Ilanskii \| Jeniseisk \| Kansk \| Kodinsk \| Krasnojarsk \| Lesosibirsk \| Minusinsk \| Nazarovo \| Noril'sk \| Sosnovoborsk \| Šaripovo \| Zaozörnii \| Zelenogorsk \| Železnogorsk \| Ujar \| Užur

[1] Nazarovon lämuzizoläcijan tegesiden da konstrukcijoiden tegimen sait (nazarovo-tiik.ru). (ven.)

[2] Nazarovon pühäpertid sobory.ru-saital. (ven.)

[3] Nazarovon agrarižen tehnikuman sait (nativ24.ru). (ven.)

[4] Nazarovon energetižen sauvomižen tehnikuman sait (nestn.ru). (ven.)

[1]

[2]

[3]

[4]