Artömovsk (Venäma)

Artömovsk
Артёмовск

Valdkund	Venäma
Eläjiden lugu (2021)	1,492 ristitud
Pind	24 km²
Pämez'	Natal'ja Nazarova (tal'vku 2016—)
Telefonkod	+7−39 136-xx-xxx
Avtokod	24, 84, 88, 124
Aigvö	UTC+7 (MSK+4)

Sil sanal voib olda toižid znamoičendoid; miše nähta niid, tulgat tänna.

Artömovsk (ven.: Артёмовск) om Venäman lidn da lidnankund Krasnojarskan randan suves. Mülüb Kuraginon rajonha, sen üks'jäine lidn.

Istorii

Eländpunktan aluz om pandud vl 1700 kuti Ol'hovk-külä, nimitihe jogen mödhe. Vl 1835 mainitase Ol'hovskii-kaivuzžiloks. Vl 1939 žilo sai lidnan statusad uden nügüdläiženke nimenke Artöm-revolücioneran (Fedor Sergeev) mödhe. Vhesai 1956 Artömovsk oli rajonkeskuseks.

Artömovsk šingotase kuldan samižel (TÜ «Jeniseizoloto»), vas'ken da hobedan samižel, mecan ümbriradmižel.

Geografijan andmused

Kuraginon rajonan sijaduz randas vn 2016 kartal

Lidn sijadase rajonan lodehes, penen Ol'hovk-jogen randoil (ven.: Ольховка, Jenisein oigedpol'ne bassein), Päivnouzmaižen Sajanan suvipäivlaskmaižil pautkil, 470 m ü.m.t. keskmäižel korktusel.

Matkad Kuragino-rajonkeskushesai om 95 km suvipäivlaskmha avtotedme, Krasnojarskhasai om 188 km pohjoižhe orhal vai 297 km avtol, lähembaižhe Košurnikovo-raudtestancijhasai om kaks'toštkümne kilometrad lodeheze «Abakan — Taišet»-jonol. Lähembaine lidn om Minusinsk 170 km suvipäivlaskmha avtotedme.

Tobmuz

Pen' Džeb'-žilo (2 rist. vl 2017) mülüb lidnankundha Artömovskan ližaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 2 179 ristitud, lidnankundan — 2 184 ristitud, vn 2021 lidnan — 1 492 ristitud. Kaik 1 705 eläjad oli lidnas vl 2017. Kaikiš suremb lidnan ristitišt oli 13 073 eläjad vl 1959.

Openduz

Lapsiden opendusen aluzkund om keskškol nomer 2 školanedeliženke palakundanke (ende päivkodi nomer 6).

Lähembaine professionaližen opendusen aluzkund om Minusinskan maižanduzkolledžan Kuraginon filial rajonkeskuses.

Irdkosketused

• Lidnan tobmuden aluzkundoiden oficialine sait (artemovskadm.ru). (ven.)