Al'met'jevsk
Lidnanznam_(1987).png)
| |
| Valdkund | Venäma |
| Eläjiden lugu (2022) | 158,280 ristitud |
| Pind | 114,98 km² |
| |
| Pämez' | Timur Nagumanov (sügüz'ku 2019—) |
| Telefonkod | +7−8553-xxx-xxx |
| Avtokod | 16, 116, 716 |
| Aigvö | UTC+3 (MSK+0) |
Al'met'jevsk (tot.: Әлмәт / Əlmǝt, ven.: Альметьевск) om Venäman lidn da lidnankund Tatarstanan Tazovaldkundan suvipäivnouzmas. Se tazovaldkundan nellänz' lidn eläjiden lugun mödhe, om Al'met'jevskan rajonan administrativine keskuz (vspäi 1930), mülüb rajonha.
Istorii[redaktiruida | redaktiruida purde]
Eländpunkt mainitase ezmäižen kerdan vl 1720 kuti Al'met'jevo-külä, Al'met-mullan-alusenpanijan baškiran nimen mödhe. Vn 1952 25. päiväl keväz'kud panihe küläd lidnanvuiččeks žiloks da nimitihe nügüdläižikš. Vn 1953 3. päivälpäi kül'mkud Al'met'jevsk om lidnan statusanke.
«Tatneft»-kompanijan päofis, sen «Tatnefteprom»-tütärkompanijan päfater, pompiden «Alnas»-tegim i torviden tegim kivivoi- da gazanveimiden täht sijadasoiš lidnas. Rahvahidenkeskeine «Sebruz-kivivoinveim» augotase lidnan veres. Čulkoiden da noskiden fabrik radab.
Geografijan andmused[redaktiruida | redaktiruida purde]
Lidn sijadase Zai-jogen hural randal (Kaman bassein). Matkad Kazanihesai om 265 km lodeheze.
Klimat om ven. Voden keskmäine lämuz +4,4 C°.
Al'met'jevsk om lidnankundan üks'jäine eländpunkt.
Eläjad[redaktiruida | redaktiruida purde]
Vn 2010 kaiken Venäman rahvahanlugemižen mödhe eläjiden lugu oli 146 393 ristitud, se otab koume nelländest rajonan ristitištos. Kaikiš suremb lidnan ristitišt oli 158 429 eläjad vl 2020.
Rahvahad (2010): totarlaižed — 55,2 %, venälaižed — 37,1 %, čuvašalaižed — 3,1 %, toižed rahvahad — 4,6 %.
Islaman kaks' pämečetid i religiikeskuz Riza Fahretdinan nimed pühäpertinke oma avaitud lidnas. Ortodoksižen hristanuskondan Kazanin Jumalanmaman kafedraline päjumalanpert' om olmas.
Lidnan profopendusen valdkundaližed aluzkundad oma Al'met'jevskan valdkundaline kivivoin institut[1], kaks' tehnikumad, koume kolledžad da muzikškol täuz'kaznuziden täht.
Edeline lidnan da rajonan pämez' om Airat Hairullin (sügüz'ku 2015 — kezaku 2019).
Transport[redaktiruida | redaktiruida purde]
Avtobusad, trolleibusad, maršruttaksid da taksid oma kundaližeks transportaks lidnas. Velotransportine infrastruktur om šingotadud.
Lähembaižed lendimportad sijadasoiš Bugul'm- i Neftekamsk- (Begiševo) lidnoiš. Al'met'jevskai-raudtestancii sijadase kahesas kilometras «Agriz — Akbaš»-jonol.
Galerei[redaktiruida | redaktiruida purde]
Suren sodan memorialine «Igähine lämoi»-kompleks (2019)
Religiikeskuz Riza Fahretdinan nimed pühäpertinke, vn 2009 nägu
Kazanin Jumalanmaman kafedraline päjumalanpert', vn 2010 nägu
«Tatneft»-kompanijan päfater vl 2020
«Alnas»-tegim
Totaran dramteatr (2006)
Norišton keskuz (2009)
Šahmatklub (2005)
.jpg)
Homaičendad[redaktiruida | redaktiruida purde]
- ↑ Al'met'jevskan valdkundaližen kivivoin institutan sait (agni-rt.ru). (ven.) (angl.) (+ anglijankel'ne sait, + ezisanad i istorii totaran kelel)
Irdkosketused[redaktiruida | redaktiruida purde]
 |
Al'met'jevsk Vikiaitas |
| Tatarstanan Tazovaldkundan lidnad | ||
| Agriz | Al'met'jevsk | Arsk | Aznakajevo | Bavli | Bolgar | Bugul'm | Buinsk | Čistopol' | Innopolis | Jarčalli | Jelabug | Kazan' | Kukmor | Laiševo | Leninogorsk | Mamadiš | Mendelejevsk | Menzelinsk | Nižnekamsk | Nurlat | Zainsk | Zelenodol'sk | Tetüši | ||