Nurlat

Nurlat
Нурлат (ven.)
Норлат / Norlat (tot.)

Lidnanznam	Flag
Valdkund	Venäma
Eläjiden lugu (2017)	32,954 ristitud
Pind	22,6 km²
Pämez'	Ravil' Kuzürov (2013—)
Telefonkod	+7−84 345-xx-xxx
Avtokod	16, 116, 716
Aigvö	UTC+3 (MSK+0)

Nurlat (ven. i čuv.: Нурлат, tot.: Норлат / Norlat) om Venäman lidn da lidnankund Tatarstanan Tazovaldkundan suves. Se om Nurlatan rajonan administrativine keskuz.

Istorii

Eländpunktan aluz om pandud raudtestancijan žilho vozil 1905−1910. Se kändihe radnikžiloks vl 1938, sai lidnan statusad vl 1961.

Geografijan andmused

Lidn sijadase Kondurč-jogen randal (Sokan ližajogi, Volgan hurapol'ne bassein), 150 m ü.m.t. keskmäižel korktusel, läz Samaran agjan röunad. Matkad Kazanihesai om 237 km lodeheze avtotedme. Lähembaine lidn om Dimitrovgrad (Ul'janovskan agj) 80 km päivlaskmha orhal.

Nurlat jagase 17 lidnanlaptaks. Lidn om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 32 601 ristitud. Kaikiš suremb ristitišt oli vl 2014 — 33 267 eläjad.

Rahvahad (enamba 1%, vn 2002 rahvahanlugemižen mödhe): totarlaižed — 58,8%, venälaižed — 20,7%, čuvašalaižed — 19,0%, toižed rahvahad — 1,5%.

Ižanduz

Nurlatan ižandusen päsarakod oma kivivoin samine, sömtegimišt i sauvond.

Ühtennimine raudtestancii seižub Ul'janovsk — Uf raudtel. Nell' üläopendusen aluzkundoiden alajagust ratas lidnas, mugažo agrarine tehnikum.

Irdkosketused

• Lidnan da Nurlatan rajonan lehtpoled (nurlat.tatarstan.ru) Tatarstanan Tazovaldkundan tobmuden aluzkundoiden oficialižel portalal. (tot.) (ven.)