Jarčalli

Jarčalli
Набережные Челны (ven.)
Яр Чаллы / Yar Çallı (tot.)
Lidnanznam;	Flag;
Valdkund	Venäma
Eläjiden lugu (2022)	528,366 ristitud
Pind	161 km²
Pämez'	Najil' Magdejev; (sügüz'ku 2014—)
Telefonkod	+7−8552-xxx-xxx
Avtokod	16, 116, 716
Aigvö	UTC+3 (MSK+0)

Jarčallin administrativižed rajonad:
Avtotegimen rajon Keskuzrajon Komsomolan rajon

Jarčalli (tot.: Яр Чаллы / Yar Çallı vai muite Чаллы / Çallı, ven.: На́бережные Челны́, vozil 1982−1988 — Brežnev), mugažo Čalnad vai Čalnan Randirdad, om Venäman lidn da lidnümbrik Tatarstanan Tazovaldkundan pohjoižpäivnouzmas. Se om tazovaldkundan kahtenz' surtte lidn, mülüb Alakaman lidnaglomeracijha (1,1 mln rist.), om konurbacijas Nižnekamskanke, mugažo Tukain rajonan administrativižeks keskuseks (ei mülü sihe).

Istorii[redaktiruida | redaktiruida purde]

Nügüd'aigaižen eländpunktan aluz om pandud 17. voz'sadal kuti Berežnije Čalni-külä. Vl 1930 sidä ühtištuihe läheliženke Rusttad Čalni-külänke da anttihe lidnan statusad udenke nügüdläiženke nimenke.

Jarčallin ižandusen päsarak om avtosauvomine (KAMAZ:an da Sollers:an tegimed), andab lidnan produkcijan koume nelländest. Toižed sarakod oma sauvond, sömtegimišt (lihakombinat, maidkombinat, lindfabrik, vilugoičemižkombinat), energetine (Jarčallin LEK, Alakaman GES), cellülozbumagaine (kartonbumagkombinat).

Geografijan andmused[redaktiruida | redaktiruida purde]

Lidn sijadase Kamanjogen hural randal (Alakaman vezivaradim), 100 m ü.m.t. keskmäižel korktusel. Matkad Kazanihesai om 237 km päivlaskmha avtotedme.

Jarčalli om lidnümbrikon üks'jäine eländpunkt. Lidn jagase koumeks administrativižeks rajonaks: Avtotegimen, Komsomolan da Keskuzrajon.

Eläjad[redaktiruida | redaktiruida purde]

Vn 2010 kaiken Venäman rahvahanlugemižen mödhe eläjiden lugu oli 513 193 ristitud. Kaikiš suremb lidnan ristitišt oli 531 000 eläjid vl 1995 i 533 907 eläjad vl 2019.

Rahvahad (enamba 0,4% vl 2010): totarlaižed — 47,2%, venälaižed — 44,7%, čuvašalaižed — 1,9%, ukrainalaižed — 1,3%, baškiralaižed — 1,2%, marilaižed — 0,7%, udmurtalaižed — 0,4%, mordvinalaižed — 0,4%, toižed rahvahad — 1,8%, rahvahuden ozutandata — 0,4%.

Islaman üks'toštkümne pühäpertid oma olmas lidnas. Ortodoksižen hristanuskondan 24 pühäpertid^[1] oma avaitud, ned sijadasoiš alištadud lidnan tobmudele žiloiš päpaloin: Sündun Voznesenjan päjumalanpert', 14 jumalanpertid, kahesa časounäd, mugažo vanhuskolaižiden Illä-endustajan jumalanpert'.

Kaks' sijališt universitetad i nell' üläopendusen tošt aluzkundad (institutad) ratas lidnas.

Transport[redaktiruida | redaktiruida purde]

Jarčalli om sur' avtote- da raudtesol'm kahtenke stancijanke: Jarčalli-päraudtestancii i Krugloje Pole-sortiruindstancii («Kehker Pöud»). Järed jogiport om lidnas.

Rahvahidenkeskeine civiline Begiševo-lendimport (tot.: Бигеш Халыкара һава аланы, NBC / НЖК / UWKE, 643 tuh. passažiroid vl 2021) sijadase 28 km suvipäivlaskmha Jarčallin keskusespäi.

Galerei[redaktiruida | redaktiruida purde]

IT-park (2012)
«Abuzar»-mečet', vn 2018 nägu
«Tauba»-mečet', vn 2013 nägu
Sündun Voznesenjan päjumalanpert', vn 2011 nägu
KAMAZ:an likutimiden tegim vl 2008
Kaman industrialine «Master»-tehnopark vl 2008 (Mastar)
25-žiruine «2.18»-bizneskeskuz vl 2010
«Batir»-bobuštuzkeskuz (2008)
Sportan jäpert'kulu (2011)
Jarčalli-päraudtestancijan sauvuz vl 2011

Homaičendad[redaktiruida | redaktiruida purde]

↑ Jarčallin pühäpertid sobory.ru-saital. (ven.)

Irdkosketused[redaktiruida | redaktiruida purde]

Jarčalli-lidnan tobmuden aluzkundoiden sait (nabchelny.ru). (ven.) (tot.)

Jarčalli Vikiaitas

	Tatarstanan Tazovaldkundan lidnad
	Agriz \| Al'met'jevsk \| Arsk \| Aznakajevo \| Bavli \| Bolgar \| Bugul'm \| Buinsk \| Čistopol' \| Innopolis \| Jarčalli \| Jelabug \| Kazan' \| Kukmor \| Laiševo \| Leninogorsk \| Mamadiš \| Mendelejevsk \| Menzelinsk \| Nižnekamsk \| Nurlat \| Zainsk \| Zelenodol'sk \| Tetüši

[1] Jarčallin pühäpertid sobory.ru-saital. (ven.)

[1]