Mine sisu juurde

Kukmor

Vikipedii-späi
Kukmor
Кукмор (ven.)
Кукмара (tot.)
Valdkund Venäma
Eläjiden lugu (2022) 17,699 ristitud
Kukmor Кукмор (ven.) Кукмара (tot.)
Pämez' Sergei Dimitriev
(sügüz'ku 2014—)
Telefonkod +7−84 364-xx-xxx
Avtokod 16, 116, 716
Aigvö UTC+3 (MSK+0)


Kukmor (tot.: Кукмара, ven.: Ку́кмор) om Venäman lidn Tatarstanan Tazovaldkundan pohjoižes. Se om Kukmoran rajonan i lidnankundan administrativine keskuz.

Istorii[vajehta | vajehtada tekst]

Eländpunktan aluz om pandud vl 1741 kuti žilo sauvomha da holitamha Tajiševon vas'ktegint (tot.: Туеш / Туйыш), nimitihe Kukmor-tegim mugažo. Vspäi 1851 oli Kukmor-žiloks, vl 1923 kätihe radnikžiloks. Vn 2017 28. päiväl sulakud Kukmor sai lidnan statusad.

Kukmor šingotase hobkombinatal, metalližastjoiden tegimel, omblendfabrikal, sauvondkeramikan tegimel i maidkombinatal.

Geografijan andmused[vajehta | vajehtada tekst]

Lidn sijadase Vätk-jogen oiktal randpolel, 102 m ü.m.t. keskmäižel korktusel. Matkad Kazanihesai om 115 km suvipäivlaskmha. Röunatab Kirovan agjanke pohjoižes i päivnouzmas, lähembaine lidn om sen Vätkan Poläni 10 km pohjoižpäivnouzmha. Kukmor-raudtestancii om olmas «Kazan' — Jekaterinburg»-jonol.

Kukmor om lidnankundan üks'jäine eländpunkt.

Eläjad[vajehta | vajehtada tekst]

Vn 2010 kaiken Venäman rahvahanlugemižen mödhe eläjiden lugu oli 16 918 ristitud, rajonan koumandez. Kaikiš suremb lidnan ristitišt om 16..17 tuhad eläjid vspäi 2002 (17 815 rist. vl 2019).

Islaman pämečet' om avaitud. Ortodoksižen hristanuskondan Phh. Pedran da Paulan jumalanpert'[1] om olmas.

Koume sportkompleksad, jäpert'kulu i mägisuksiden baz oma olmas lidnas. Kukmoran agrarine kolledž radab rajonan Janil'-žilos 23 km päivlaskmha-lodeheze Kukmoraspäi avtol.

Homaičendad[vajehta | vajehtada tekst]

  1. Kukmoran pühäpertid sobory.ru-saital. (ven.)

Irdkosketused[vajehta | vajehtada tekst]



Tatarstanan Tazovaldkundan lidnad
Agriz | Al'met'jevsk | Arsk | Aznakajevo | Bavli | Bolgar | Bugul'm | Buinsk | Čistopol' | Innopolis | Jarčalli | Jelabug | Kazan' | Kukmor | Laiševo | Leninogorsk | Mamadiš | Mendelejevsk | Menzelinsk | Nižnekamsk | Nurlat | Zainsk | Zelenodol'sk | Tetüši