Zelenodol'sk

Zelenodol'sk
Зеленодольск (ven.)
Яшел Үзән / Yäşel Üzän (tot.)
Lidnanznam;	Flag;
Valdkund	Venäma
Eläjiden lugu (2022)	99,922 ristitud
Pind	37,73 km²
Pämez'	Mihail Afanas'jev; (sügüz'ku 2019—)
Telefonkod	+7−84 371-xx-xxx
Avtokod	16, 116, 716
Aigvö	UTC+3 (MSK+0)

Zelenodol'sk (tot.: Яше́л Үзә́н / Yäşel Üzän, ven.: Зеленодо́льск) om Venäman lidn Tatarstanan Tazovaldkundan lodehes. Se om Zelenodol'skan rajonan administrativine keskuz vspäi 1958, tazovaldkundan videnz' surtte lidn eläjiden lugun mödhe, mülüb Kazanin aglomeracijha (1,6 mln rist.).

Istorii[redaktiruida | redaktiruida purde]

Nügüd'aigaižen eländpunktan aluz om pandud vl 1802 kuti Gari-külä i vl 1865 Kabačišči-žilo. Vl 1892 ühtištuihe niid Vihand Alangišt-külähä (ven.: Зелёный Дол). Vl 1913 ühtištuihe sidä Paratskii Zaton-žilonke. Vspäi 1928 Vihand Alangišt tegihe radnikžiloks, vl 1932 se sai lidnan statusad nügüdläiženke nimenke.

Zelenodol'skan ižandusen päsarakod oma elektrotehnikan pästand (vilugoitimed, medtehnik, keitandmašiništ), laivansauvomine, mašinansauvomine, sauvondmaterialiden pästand (kaks' fanertegint), sömtegimišt (maidkombinat, leibänkombinat, lihakombinat).

Geografijan andmused[redaktiruida | redaktiruida purde]

Lidn sijadase pidust' Volg-jogen hurad randad (Kuibiševan vezivaradim), Svijag-jogensud vaste (tot.: Зөя). Matkad Kazanihesai om 38 km päivnouzmha orhal, raudtel vai Volg-jogedme. Lähembaine lidn om Volžsk (Marii El) päivlaskmha sil-žo randal, kaks'kilometrine keskust om lidnoiden keskes.

Zelenodol'sk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 kaiken Venäman rahvahanlugemižen mödhe eläjiden lugu oli 97 674 ristitud. Kaikiš suremb ristitišt oli 102 tuhad eläjid vozil 1995, 1996 i 1998 i 100 039 eläjad vl 2020.

Rahvahad (enamba 0,9% vl 2010, ozutadud rahvahudenke): venälaižed — 61,6%, totarlaižed — 35,4%, čuvašalaižed — 0,9%, toižed rahvahad — 2,1%.

Religijan aluzkundad lidnas: islaman medrese da koume pühäpertid, ortodoksižen hristanuskondan koume da toižen hristanuskondan koume pühäpertid.

Mehanikan kolledž^[1] i laivansauvomižen kolledž (Kazanin tehuniversitetan filial) anttas professionališt opendust lidnas.

Edeline lidnan i rajonan pämez' om Aleksandr Tigin (sügüz'ku 2013 — sügüz'ku 2019).

Transport[redaktiruida | redaktiruida purde]

Avtobusad i taksid oma kundaližeks transportaks lidnas.

Vihand Alangišt-stancii (ven.: Зелёный Дол, tot.: Яшел Үзән) om järed raudtesol'm, siš raudted ühthejokstas Kazanišpäi, Moskvaspäi, Joškar-Olaspäi da Ul'janovskaspäi. Raudtesild i avtotesild oma saudud Volgas päliči lidnas da sen ümbrištos.

Galerei[redaktiruida | redaktiruida purde]

Vägestusen puišt (2017)
«Tiničlik»-mečet', vn 2016 nägu
Ph. Ondrijan Ezikuctud jumalanpert', vn 2016 nägu
Fanertegim vl 2016
«Rodina»-kul'turkeskuz (2020, Kodima)
Romanovskii-raudtesild, nägu vl 2014
Vihand Alangišt-päraudtestancii ümbrištonke vl 2016

Homaičendad[redaktiruida | redaktiruida purde]

↑ Zelenodol'skan mehanižen kolledžan sait (zelmex.ru). (ven.)

Irdkosketused[redaktiruida | redaktiruida purde]

Lidnan i Zelenodol'skan rajonan oficialine sait (zelenodolsk.tatarstan.ru) Tatarstanan Tazovaldkundan tobmuden municipaližiden aluzkundoiden portalal. (tot.) (ven.)

Zelenodol'sk Vikiaitas

	Tatarstanan Tazovaldkundan lidnad
	Agriz \| Al'met'jevsk \| Arsk \| Aznakajevo \| Bavli \| Bolgar \| Bugul'm \| Buinsk \| Čistopol' \| Innopolis \| Jarčalli \| Jelabug \| Kazan' \| Kukmor \| Laiševo \| Leninogorsk \| Mamadiš \| Mendelejevsk \| Menzelinsk \| Nižnekamsk \| Nurlat \| Zainsk \| Zelenodol'sk \| Tetüši

[1] Zelenodol'skan mehanižen kolledžan sait (zelmex.ru). (ven.)

[1]