Buinsk

Buinsk
Буинск (ven.)
Буа (tot.)
	Lidnanznam;
Valdkund	Venäma
Eläjiden lugu (2021)	19,968 ristitud
Pind	7 km²
Pämez'	Ranis Kamartdinov; (reduku 2020—)
Telefonkod	+7−84 374-xx-xxx
Avtokod	16, 116, 716
Aigvö	UTC+3 (MSK+0)

Buinsk (tot.: Буа «padosein», ven.: Буи́нск, čuv.: Пăва) om Venäman lidn da lidnankund Tatarstanan Tazovaldkundan suvipäivlaskmas. Se om Buinskan rajonan administrativine keskuz i üks'jäine lidn.

Istorii

Eländpunktan aluz om pandud vl 1691. Se sai makundan lidnan statusad vl 1780. Oigetas lidnanpäiväd 30. elokud.

Buinskan ižandusen päsarak om sömtegimišt (etilspirt, sahar, sep, kombisöte, argvoi, sagud, lihaproduktad), mugažo elektromehanine i mašinansauvomižen tegimed oma saudud.

Geografijan andmused

Lidn sijadase Karlanjogen hural randal (tot.: Карлы 91 km pitte, Svijagan hura ližajogi), 80 m ü.m.t. keskmäižel korktusel.

Bua-raudtestancii radab «Joškar-Ol — Ul'janovsk»-jonol. Matkad Kazanihesai om 104 km pohjoižpäivnouzmha orhal vai 135 km avtotedme, Ul'janovskhasai om 80 km suvhe sil-žo tel. Lähembaine lidn om Tetüši 40 km päivnouzmha orhal.

Tobmuz

Buinsk om lidnankundan üks'jäižeks eländpunktaks.

Lidnankundan tobmuden pämez' om Lidnan nevondkundan ezimez'. Edeližed nevondkundan ezimehed oma Svetlana Zaiceva (vn 2020 viluku-reduku), Marat Zäbbarov (reduku 2017 — tal'vku 2019). Lidnan Radonoigendajan komitetan ohjandai om Almaz Safin vn 2024 elokuspäi. Edeližed komitetan ohjandajad oma Il'nar Talipov (Ильнар Талипов, sügüz'ku 2023 — eloku 2024), Rafis Galäutdinov (semendku 2020 — eloku 2023), Oleg Pancirev (keväz'ku 2019 — semendku 2020), Airat Habibrahmanov (sügüz'ku 2017 — keväz'ku 2019).

Eläjad

Vn 2010 kaiken Venäman rahvahanlugemižen mödhe eläjiden lugu lidnan oli 20 352 ristitud, rajonan ristitišton pol', vn 2021 — 19 968 ristitud. Kaikiš suremb lidnan ristitišt oli 20 905 eläjad vl 2017.

Rahvahad (ozutadud rahvahudenke vl 2010): totarlaižed — 71,1 %, venälaižed — 19,2 %, čuvašalaižed — 8,4 %, toižed rahvahad — 1,3 %.

Islaman «Abu Hanifa»-mečet' (vspäi 2020), seičeme tošt pühäpertid i medrese ratas lidnas. Ortodoksižen hristanuskondan Eläban Eziauguižen Stroican päjumalanpert'^[1] (1791−1828) om avaitud.

Lapsiden opendusen aluzkundad oma kaks'toštkümne nimitadud päivkodid, keskškol nomer 1, licei nomer 2, gimnazii nomer 5, licei-internat nomer 6 (škol lahjoitud lapsiden täht), keskškol R.Z. Sagdeevan nimed, totarankel'ne gimnazii M.M. Vahitovan nimed, norišton keskuz, čomamahtoiden škol, Batir-sportškol («Батыр»). Buinskan veterinarine tehnikum^[2] i Buinskan medicinine škol^[3] oma lidnan profopendusen aluzkundoikš.

Homaičendad

↑ Buinskan pühäpertid sobory.ru-saital. (ven.)
↑ Buinskan veterinarine tehnikum edu.tatar.ru-saital. (ven.) (tot.)
↑ Buinskan medicinine škol edu.tatar.ru-saital. (ven.)

Irdkosketused

Lidnan da Buinskan rajonan oficialine sait (buinsk.tatarstan.ru) Tatarstanan Tazovaldkundan tobmuden portalal. (ven.) (tot.)

Buinsk Vikiaitas

	Tatarstanan Tazovaldkundan lidnad
	Agriz \| Al'met'jevsk \| Arsk \| Aznakajevo \| Bavli \| Bolgar \| Bugul'm \| Buinsk \| Čistopol' \| Innopolis \| Jarčalli \| Jelabug \| Kazan' \| Kukmor \| Laiševo \| Leninogorsk \| Mamadiš \| Mendelejevsk \| Menzelinsk \| Nižnekamsk \| Nurlat \| Zainsk \| Zelenodol'sk \| Tetüši

[1] Buinskan pühäpertid sobory.ru-saital. (ven.)

[2] Buinskan veterinarine tehnikum edu.tatar.ru-saital. (ven.) (tot.)

[3] Buinskan medicinine škol edu.tatar.ru-saital. (ven.)

[1]

[2]

[3]