Dudink

Dudink
Дудинка
Lidnanznam;	Flag;
Valdkund	Venäma
Eläjiden lugu (2021)	19,556 ristitud
Pind	10,5 km²
Pämez'	Jurii Gurin; (keväz'ku 2017—)
Telefonkod	+7−39 191-xx-xxx
Avtokod	24, 84, 88, 124
Aigvö	UTC+7 (MSK+4)

Dudink (ven.: Дуди́нка, nenc.: Тут'ын) om Venäman lidn da lidnankund Krasnojarskan randan lodehes. Se om Taimiran Dolganan Nenciden rajonan administrativižeks keskuseks da palaks.

Istorii

Eländpunktan aluz om pandud vl 1667 kuti Jasašno Dudino-tal'vdundsija (ven.: зимовье Дудино ясашно), nimitihe Dudink-jogen mödhe. Žilo šinotaškanzihe Taimiran (Dolganan Nenciden) avtonomižen ümbrikon pälidnaks (1931−2006) i sai lidnan statusad vl 1951. Vn 2001 kül'mkun 25. päiväspäi voib putta lidnha verazmalaižile vaiše Venäman tobmuden aluzkundoiden laskendan mödhe.

Dudink šingotase meriportal Jenisein randal, kul'turkeskuseks, valdkundaližil holitišil.

Geografijan andmused

Lidn sijadase Jenisei-jogen oiktal randal, 20 m ü.m.t. keskmäižel korktusel. Om jogi- da meriportaks Noril'skan täht, ühtenzoittas raudtel. Lähembaižen Noril'sk-lidnan keskuzpala sijadase 96 kilometras päivnouzmha.

Klimat om subarktine sorav, voib olda pakaižid kaikil kuil päiči heinkus-elokus. Voden keskmäine lämuz om −9,8 C°, heinkun-elokun +10,8..+13,4 C°, kül'mkun-keväz'kun −20,9..−27,7 C°. Ekstremumad oma −56,7 C° (viluku) i +32,3 C° (heinku). Kezan minimum om −14,2 C° (kezaku), tal'vaigan maksimum om +0,7 C° (tal'vku). Voib panda halad miččel taht kul (heinkun minimum om −0,8 C°). Ei voi olda sulasäd vilukus-uhokus (vilukun maksimum om −0,3 C°). Paneb sadegid 522 mm vodes, enamba elokus (59 mm) i redukus (60 mm), vähemba keväz'kus-semendkus (30..34 mm kus).

Tobmuz

Kaik viž žilod mülüdas lidnankundha Dudinkan ližaks. Lidnankundan pind — 223 455,69 km².

Lidnankundan tobmuden pämez' om sen Administracijan pämez'. Edeline lidnan pämez' om Sergei Batil' (Сергей Батыль), radoi vn 2017 keväz'kuhusai. Lidnan Nevondkundan ezimez' om Sergei Borodin vn 2017 keväz'kuspäi. Edeline Nevondkundan ezimez' om Aleksei Djačenko, radoi vn 2017 vilukuhusai.

Eläjad

Vn 2010 Venäman rahvahanlugemižen mödhe lidnan eläjiden lugu oli 22 175 ristitud, lidnankundan — 24 022 ristitud, rajonan seičeme kümnendest. Vn 2021 rahvahanlugemižen mödhe lidnan ristitišt oli 19 556 eläjad. Vl 2017 kaik 21 513 ristitud elihe lidnas i 23 086 ristitud kaikes lidnankundas. Kaikiš suremb lidnan ristitišt oli 33 700 eläjad vl 1996.

Ortodoksižen hristanuskondan Pühän Jumalanmaman Tulendan Pühäpertihe kivine jumalanpert'^[1] om saudud lidnas vll 2000−2002.

Lapsiden opendusen aluzkundad oma kuz' päivkodid, viž keskškolad (nomer 1, 3, 4, 5, 7), gimnazii, čomamahtoiden škol, lapsiden da norišton tehnižen sädamižen keskuz, sportškol. Taimiran kolledž^[2] om lidnan professionaližen opendusen aluzkundaks.

Galerei

Keskuztorg vl 2016 (huralpäi oiktale): Taimiran kodirandantedištandmuzei, časud-majak, počt, kul'turkeskuz, lidnan da rajonan administracii
Jumalanmaman Tulendan Pühäpertihe jumalanpert', vn 2016 nägu
Ekstraordinarižiden situacijoiden ministrusen palakundan baz (2016) — Dudinkan arktine ecmižpäzutamižjouk
Merijogiportan konteinerterminal vl 2020
Lidnan nägu jogespäi vl 2016

Homaičendad

↑ Dudinkan pühäpertid sobory.ru-saital. (ven.)
↑ Taimiran kolledžan sait (college-taimyr.ru). (ven.)

Irdkosketused

Lidnan tobmuden aluzkundoiden oficialine sait (gorod-dudinka.ru). (ven.)

Dudink Vikiaitas

	Krasnojarskan randan lidnad
	Ačinsk \| Artömovsk \| Bogotol \| Borodino \| Divnogorsk \| Dudink \| Igark \| Ilanskii \| Jeniseisk \| Kansk \| Kodinsk \| Krasnojarsk \| Lesosibirsk \| Minusinsk \| Nazarovo \| Noril'sk \| Sosnovoborsk \| Šaripovo \| Zaozörnii \| Zelenogorsk \| Železnogorsk \| Ujar \| Užur

[1] Dudinkan pühäpertid sobory.ru-saital. (ven.)

[2] Taimiran kolledžan sait (college-taimyr.ru). (ven.)

[1]

[2]