Megion

Megion
Мегион

Lidnanznam	Flag
Valdkund	Venäma
Eläjiden lugu (2021)	52,887 ristitud
Pind	50,51 km²
Pämez'	Aleksei Petričenko (kül'mku 2023—)
Telefonkod	+7−34 643-xx-xxx
Avtokod	86, 186
Aigvö	UTC+5 (MSK+2)

Megion (ven.: Мегио́н, tot.: Мегион, ukr.: Мегіон) om Venäman lidn da lidnümbrik Hantin da Mansin avtonomižen ümbrikon päivnouzmas. Om ümbärtud Nižnevartovskan rajonan territorijal, Nižnevartovskan lodehline ezilidn.

Istorii

Eländpunkt mainitase ezmäižen kerdan Sibirin Aleksandr Dunin-Gorkavič-tedoidajan kirjutusiš vl 1910 kuti hantilaižiden Majon-žilo «venui ümbärdajan kontinentad hijaman sus». Vl 1912 mainitase Venäman imperijan oficialižiš andmusiš kuti Magajon (ven.: Магайон). Vspäi 1959 tedoitihe i vl 1961 avaitihe kivivoid läz Megionad (zavottihe kävutada nügüdläižen nimitusen), se oli Samotloran löudmižsijan ezmäine fontan. Vn 1964 semendkul kätihe Megionad radnikžiloks. Vn 1980 23. päiväl heinkud se sai lidnan statusad ümbrikon alištusenke.

Megion šingotase kivivoin tedištelendan da samižen kompanijoil, kivivoinveimiden sauvondan, holitusen da kohendusen edheotandoil, mugažo konditerine fabrik i meblin tehmižen ceh oma olmas, raudbetonan tegim radab.

Geografijan andmused

Lidnan sijaduz avtonomižes ümbrikos vn 2013 kartal

Lidn sijadase ümbärdajan rajonan päivlaskmas, sokahas tahondas, Ob'-jogen da sen Meg-hijaman oiktal randal (ven.: Мега), 40 m keskmäižel korktusel valdmeren pindan päl. Segoitadud taigamec ümbärdab lidnad.

Matkad Hanti-Mansiiskhasai om 382 km päivlaskmha orhal vai 479 km avtotedme. Lähembaižed lidnad oma Nižnevartovsk (lähembaine rahvahidenkeskeine lendimport) kaks'kümnes kilometras suvipäivnouzmha orhal vai 25 km «Surgut — Nižnevartovsk»-avtotedme, i Langepas 55 km lodeheze orhal vai 65 km avtotedme.

Tobmuz

Lidnanvuitte Korged-žilo (ven.: Высокий, 6 968 rist. vl 2017) mülüb lidnümbrikho Megionan ližaks. Megion-raudtestancii om saudud siš «Surgut — Nižnevartovsk»-raudtel, kümnes kilometras lodeheze Megion-lidnaspäi. Raudte mäneb ühtes kilometras lidnan pohjoižröunan taga. Lidnümbrikon pind — 50,51 km². Lidn jagase vižtoštkümneks mikrorajonaks.

Lidnümbrikon tobmuden pämez' om sen Administracijan pämez'. Edeline lidnan Administracijan pämez' om Oleg Deineka (reduku 2015 — eloku 2023). Lidnan Duman ezimez' om Viktorija Zadneprovskaja vn 2025 redukuspäi. Edeližed Duman ezimehed oma Anatolii Altapov (reduku 2020 — reduku 2025), Jelena Korotčenko (kül'mku 2015 — reduku 2020), Vladimir Boiko (radoi vn 2015 kül'mkuhusai).

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 49 449 ristitud, lidnümbrikon — 56 382 ristitud, vn 2021 lidnan — 52 887 ristitud. Vl 2017 kaik 48 283 ristitud elihe lidnas i 55 251 ristitud kaikes lidnümbrikos. Kaikiš suremb lidnan ristitišt om nügüd'.

Rahvahad (enamba 0,8 % vl 2010): venälaižed — 62,4 %, ukrainalaižed — 7,4 %, totarlaižed — 7,1 %, baškiralaižed — 3,5 %, azerbaidžanlaižed — 1,7 %, lezgilaižed — 1,2 %, kumikad — 1,0 %, čečenalaižed — 0,9 %, moldovalaižed — 0,8 %, vaugedvenälaižed — 0,8 %, čuvašalaižed — 0,8 %, toižed rahvahad — 4,6 %, rahvahuden ozutandata — 7,8 %.

Ortodoksižen hristanuskondan kaks' jumalanpertid oma saudud lidnas: Pühän Jumalanmaman Katken (2000−2001) i ph. Jelizavetan (1992). Islaman kaks' mahallä-pühäpertid oma avaitud.

Openduz

Lapsiden opendusen aluzkundad oma kaks'toštkümne nimitadud päivkodid, viž keskškolad (nomer 1..4, 9), gimnazii nomer 5, Megionan škol openikoiden täht tervhuden röunatud voimusidenke, kul'turan da joudan keskuz, čomamahtoiden pert'kulu i «Kamerton»-škol, muzikškol Anatolii Kuz'minan nimed, čomamahtoine škol, kaks' sportškolad (Junost' «Nor'aig» i Vimpel).

Megionan politehnine kolledž om lidnan professionaližen opendusen aluzkundaks.

Galerei

• 
  Monument edelmatkajile vl 2019
• 
  Pühän Jumalanmaman Katken jumalanpert', muštnik sadud kivivoin 500-millionižele tonnale i skver senno, vn 2020 nägu
• 
  Muštnik männuziden sodoiden vägimehile vl 2020
• 
  Megionan nägu vl 2008
• 
  Znam avtoterenghas lidnan röunal (om pandud vl 2019)
• 
  Nevondkundaline lidnanznam

Irdkosketused

• Lidnan Duman oficialine sait (dumamegion.ru). (ven.)
• Lidnan Administracijan oficialine sait (admmegion.ru). (ven.) (angl.) (+ äikel'ne känduz)