Pokači

Pokači
Покачи

Lidnanznam	Flag
Valdkund	Venäma
Eläjiden lugu (2021)	16,040 ristitud
Pind	21,84 km²
Pämez'	Viktor Tanenkov (sulaku 2022—)
Telefonkod	+7−34 669-xx-xxx
Avtokod	86, 186
Aigvö	UTC+5 (MSK+2)

Pokači (ven.: Покачи́, tot.: Покачи, ukr.: Покачі) om Venäman lidn da lidnümbrik Hantin da Mansin avtonomižen ümbrikon päivnouzmas. Om ümbärtud Nižnevartovskan rajonan territorijal.

Istorii

Eländpunktan aluz om pandud vl 1978 kuti Pokači-vahtžilo samha kivivoid. Nimitihe hantilaižiden Pokačev-rodun mödhe, kenen mal burautihe satusekahid mareiguid. Vn 1983 31. päiväl redukud kätihe radnikžiloks. Vl 1984 sauvoškanzihe ut Pokači-žilod 15 kilometras edeližespäi. Vn 1986 24. päiväl kezakud žilo oli alištunu Langepas-lidnan nevondkundale. Vl 1992 žilo sai lidnan statusad.

Pokači šingotase kivivoin samižel, «Pokačevneftegaz»-kompanii om «Lukoil:an» palaks.

Geografijan andmused

Nižnevartovskan rajonan sijaduz avtonomižes ümbrikos vn 2013 kartal

Lidn sijadase ümbärdajan rajonan päivlaskmas, Vat'jogan-jogen oiktal randal (ven.: Ватьёган, 293 km pitte, Obin oigedpol'ne bassein) kahtes kilometras sen lanktendan sijaspäi Agan-jogehe, 55 m ü.m.t. keskmäižel korktusel. Pokači om ümbärtud penil järvil, Sisllor-järv (ven.: Сысллор, läz kut nellikkilometrad) om pohjoižhe lidnaspäi.

Matkad Hanti-Mansiiskhasai om 360 km päivlaskmha-suvipäivlaskmha orhal vai 483 km avtotedme. Lähembaižed lidnad oma Langepas (raudtestancii) 59 km suvhe orhal vai 69 km avtol i Kogalim 82 km lodeheze orhal vai 140 km avtol.

Tobmuz

Pokači om lidnümbrikon üks'jäižeks eländpunktaks.

Lidnümbrikon tobmuden pämez' om sen Administracijan pämez'. Edeližed Administracijan pämehed oma Vladimir Stepura (kül'mku 2015 — sulaku 2022), Rajan Haliullin (radoi vn 2015 kül'mkuhusai). Lidnan Duman ezimez' om Aleksandr Rudenko vn 2020 redukuspäi. Edeline Duman ezimez' om Natal'ja Borisova, radoi vn 2020 redukuhusai.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 17 171 ristitud, vn 2021 — 16 040 ristitud. Kaik 17 905 eläjad oli lidnas vl 2017. Kaikiš suremb ristitišt om 16..17 tuhad eläjid vspäi 2002 i om nügüd'.

Rahvahad (enamba 1 % vl 2010): venälaižed — 48,7 %, ukrainalaižed — 9,8 %, totarlaižed — 7,6 %, lezgilaižed — 5,5 %, kumikad — 2,7 %, azerbaidžanlaižed — 2,5 %, baškiralaižed — 2,5 %, čečenalaižed — 2,4 %, moldovalaižed — 2,3 %, vaugedvenälaižed — 1,8 %, darginalaižed — 1,6 %, gagauzalaižed — 1,1 %, čuvašalaižed — 1,0 %, toižed rahvahad — 5,2 %, rahvahuden ozutandata — 5,3 %.

Ortodoksižen hristanuskondan Jumalanmaman Katken jumalanpert' om letud da pühästadud vodele 2002. Islaman päpühäpert' om saudud da avaitud vspäi 2002.

Openduz

Lapsiden opendusen aluzkundad oma viž nimitadud päivkodid, augotižškol (nomer 3), koume keskškolad (nomer 1, 2, 4), čomamahtoiden škol, sportškol.

Langepasan politehnižen kolledžan Pokačin filial om lidnan professionaližen opendusen aluzkundaks.

Irdkosketused

• Lidnan tobmuden aluzkundoiden oficialine sait (admpokachi.ru). (ven.)