Sosnovoborsk (Krasnojarskan rand)

Sosnovoborsk
Сосновоборск
Lidnanznam;	Flag;
Valdkund	Venäma
Eläjiden lugu (2021)	40,442 ristitud
Pind	26,64 km²
Pämez'	Aleksei Kudrävcev; (semendku 2020—)
Telefonkod	+7−39 131-xx-xxx
Avtokod	24, 84, 88, 124
Aigvö	UTC+7 (MSK+4)

Sil sanal voib olda toižid znamoičendoid; miše nähta niid, tulgat tänna.

Sosnovoborsk (ven.: Сосновобо́рск) om Venäman lidn da lidnümbrik Krasnojarskan randan suvipalan keskuses, Krasnojarskan pohjoižpäivnouzmaine ezilidn.

Istorii

Eländpunktan aluz om pandud vl 1971 žiloks sauvomha avto- da traktorližavedamiden tegint (ei ole rados), oli alištunu Krasnojarskan tobmudele ezmässai. Vl 1985 sai lidnan statusad. Torguindvilugoitmižmašiništon «Aisberg»-tegim, plastikpakuitesen tegim i viluštampuidud tegesiden edheotand ratas Sosnovoborskas.

Sosnovoborsk-lidn šingotase Krasnojarskan magaduzrajonaks, Evroplast-kompanijal (PET-pakuitez), sömtegimištol (kalan da merenproduktoiden pakuindal edheotand). Vspäi 2011 fanerankombinat radoi mugažo.

Geografijan andmused

Lidn sijadase Jenisei-jogen oiktal randal, 160 m ü.m.t. keskmäižel korktusel. Om ümbärtud kanghil.

Matkad Krasnojarskhasai om 20 km suvipäivlaskmha orhal vai avtotedme. Toine lähembaine lidn om Železnogorsk 15 km pohjoižpäivnouzmha raudtel vai avtotel.

Tobmuz

Sosnovoborsk om lidnümbrikon üks'jäižeks eländpunktaks.

Lidnümbrikon tobmuden pämez' om sen Administracijan pämez'. Edeline lidnan pämez' om Sergei Ponomaröv (2005 — uhoku 2020). Lidnan Deputatoiden nevondkundan ezimez' om Boris Pučkin vn 2015 redukuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 33 091 ristitud. Kaik 39 375 eläjad oli lidnas vl 2017. Kaikiš suremb lidnan ristitišt oli 41 080 eläjad vl 2020.

Hristanuskondan kaks' pühäpertid om olmas lidnas, niiden kesken Pühän Jumalanmaman Tulendan Pühäpertihe jumalanpert'^[1] vspäi 2010 (ortodoksine hristanuskond) i Biblijan uskon loičendpert' (baptizm).

Lapsiden opendusen aluzkundad oma nell' päivkodid (nomer 2, 3, 4 i 8), gimnazii (nomer 1), kaks' keskškolad (nomer 2, 4), aluzškol (nomer 3), čomamahtoiden škol, lapsiden sädamižen pert', sportškol. Sosnovoborskan mehaniž-tehnologine tehnikum^[2] om lidnan professionaližen opendusen aluzkundaks.

Galerei

Udessaudud Seičemenden mikrorajonan nägu vl 2016
Leninskii Komsomolan ird vl 2008

Homaičendad

Irdkosketused

Lidnan tobmuden aluzkundoiden oficialine sait (sosnovoborsk-city.ru). (ven.)

Sosnovoborsk (Krasnojarskan rand) Vikiaitas

	Krasnojarskan randan lidnad
	Ačinsk \| Artömovsk \| Bogotol \| Borodino \| Divnogorsk \| Dudink \| Igark \| Ilanskii \| Jeniseisk \| Kansk \| Kodinsk \| Krasnojarsk \| Lesosibirsk \| Minusinsk \| Nazarovo \| Noril'sk \| Sosnovoborsk \| Šaripovo \| Zaozörnii \| Zelenogorsk \| Železnogorsk \| Ujar \| Užur

[1] Sosnovoborskan pühäpertid sobory.ru-saital. (ven.)

[2] Sosnovoborskan mehaniž-tehnologižen tehnikuman sait (satehm.ru). (ven.)

[1]

[2]