Zapolärnii

Zapolärnii
Заполярный
Lidnanznam;	Flag;
Valdkund	Venäma
Eläjiden lugu (2020)	14,706 ristitud
Pind	6 km²
Telefonkod	+7−81 554-xx-xxx
Avtokod	51
Aigvö	UTC+3 (MSK+0)

Zapolärnii (ven.: Заполя́рный) om Venäman lidn Murmanskan agjan lodehes. Mülüb Pečengan rajonha, sen üks'jäine lidn da kaikiš elänzoittud punkt.

Istorii

Eländpunktan aluz om pandud sauvomha küllästamižkombinatad vas'ken da nikelin löudmižsijanno Ždanovan nimel nimitadud vl 1955. Kirjutihe žilod Zapolärnijaks vl 1956, kätihe radnikžiloks vl 1957. Zapolärnii sai lidnan statusad vl 1963. Sen kartte Gornii-radnikžilo (edel 1958 vot Pil'gujärvi) om mülütadud lidnha vl 1967.

Zapolärnii šingotase Kolan kaivuzmetallurgižel kompanijal («Noril'skii nikel'»-koncernan pala), sen «Pohjoine»-kaivuz, küllästamižtegim i suladuzcehan poltandtarh ratas lidnas. Kivenümbriradai tegim^[1] om olmas.

Geografijan andmused

Lidn om röunanverine, sijadase 116 m ü.m.t. keskmäižel korktusel. Matkad Nikel'-rajonkeskushesai om 25 km päivlaskmha avtotedme, Murmanskhasai om 102 km suvipäivnouzmha orhal vai 160 km avtotedme. Om 10 km pohjoižhe orhal Norvegijan valdkundröunhasai. Lähembaine lidn om Zaozörsk 63 km päivnouzmha orhal vai 87 km avtotedme. Zapolärnai-raudtestancii om «Nikel' — Kol»-keskustal.

Zapolärnii oli lidnankundan üks'jäižeks eländpunktaks, kund om likvidiruidud vl 2021. Lidnankundan pind oli 416,5 km².

Eläjad

Vn 2010 Venäman rahvahanlugemižen mödhe eläjiden lugu oli 15 288 ristitud, rajonan ristitišton kaks' videndest. Kaikiš suremb ristitišt oli 23 564 eläjad vl 1989. Kaik 15 194 eläjad oli lidnas vl 2017.

Ortodoksižen hristanuskondan Eläban Eziauguižen Stroican puine uz' jumalanpert'^[2] om letud vll 2014−2019.

Professionaližen opendusen aluzkundad ratas lähembaižiš lidnoiš. Ende Mončegorskan politehnižen kolledžan filial oli lidnas.

Lidnan Administracijan jäl'gmäine pämez' oli Andrei Kuznecov (tal'vku 2015 — sügüz'ku 2021).

Galerei

Torguindkeskuz
Namajogi (ven.: Намайоки)
Kaivuden nägu vl 2009
«Oktäbr'»-kul'turkeskuz lidnan pätorgul (2021)
Lebuzon, 2021

Homaičendad

Irdkosketused

Lidnan informacine sait (zapolyarniy51.ru.today). (ven.)

Zapolärnii Vikiaitas

	Murmanskan agjan lidnad
	Apatitad \| Gadžijevo \| Kandalakš \| Kirovsk \| Kol \| Kovdor \| Mončegorsk \| Murmansk \| Olenegorsk \| Ostrovnoi \| Polärnii \| Polärnije Zori \| Severomorsk \| Snežnogorsk \| Zaozörsk \| Zapolärnii

[1] Zapolärnijan kivenümbriradajan tegimen sait (quarry-20.business.site). (ven.)

[2] Zapolärnijan pühäpertid sobory.ru-saital. (ven.)

[1]

[2]