Dürtüli

Vikipedii-späi
Dürtüli
Дюртюли (ven.)
Дүртөйлө (bašk.)
Lidnanznam
Valdkund Venäma
Eläjiden lugu (2020) 31,021 ristitud
Pind 25 km²
Dürtüli Дюртюли (ven.) Дүртөйлө (bašk.)
Pämez' Il'mir Gareev
(kül'mku 2016—)
Telefonkod +7−34 787-xx-xxx
Avtokod 02, 102
Aigvö UTC+5 (MSK+2)


Dürtüli (ven.: Дюртюли́, bašk.: Дүртөйлө, tot.: Дүртөйле) om Venäman lidn da lidnankund Baškortostanan Tazovaldkundan lodehes. Se om Dürtülin rajonan administrativine keskuz.

Istorii[vajehta | vajehtada tekst]

Eländpunkt mainitase vspäi 1786, nimi kändase «nell'pertine külä» baškiran kelespäi. 1957-ndel vodel ottaškanzihe kävutamižhe kivivoin lähišt Mančar-löudmižsijad. Kätihe Dürtülid lidnanvuiččeks žiloks vl 1964, se šingotaškanzi kivivoin samižen holitižkeskuseks. Žilo sai lidnan statusad vl 1989.

Kivivoin edheotand radab Dürtüliš tähäsai. Sauvondmaterialiden pästandan edheotandad (raudbetontegesed, savič) da sömtegimišt (maidproduktoiden kombinat i lihakombinat) oma olmas lidnas mugažo.

Geografijan andmused[vajehta | vajehtada tekst]

Lidn sijadase Vaugedjogen hural randal, 101 m ü.m.t. keskmäižel korktusel. Matkad Ufahasai om 108 km suvipäivnouzmha orhal vai 122 km «Volg»-avtotedme (M7, «Jarčalli — Uf»-pala). «Volg»-trass mäneb vides kilometras suvipäivlaskmha lidnaspäi. Lähembaine lidn om Birsk 45 km päivnouzmha avtotedme.

Pen' Argamak-külä (bašk.: Арғымаҡ, 385 rist. vl 2017) mülüb lidnankundha Dürtülin ližaks.

Eläjad[vajehta | vajehtada tekst]

Vn 2010 kaiken Venäman rahvahanlugemižen mödhe lidnan eläjiden lugu oli 31 274 ristitud, lidnankundan — 31 725 ristitud, rajonan ristitišton pol'. Vspäi 1996 eläjiden lugu om läz kaikenaigaine, 30..31 tuhad (31 665 rist. vl 2008).

Rahvahad (enamba 1%, vl 2010, ozutadud rahvahudenke): totarlaižed — 64,1%, baškiralaižed — 23,2%, venälaižed — 9,6%, marilaižed — 1,6%, toižed rahvahad — 1,5%.

Islaman «Miras»-pämečet' om avaitud lidnas. Ortodoksižen hristanuskondan ph. Suren Vasilijan jumalanpert'[1] om letud lidnas vll 2004−2019.

Dürtülin äiprofil'ne kolledž[2] om professionaližen opendusen aluzkundaks.

Homaičendad[vajehta | vajehtada tekst]

  1. Dürtülin pühäpertid sobory.ru-saital. (ven.)
  2. Dürtülin äiprofil'žen kolledžan sait (gbpoudmk.ru). (ven.)

Irdkosketused[vajehta | vajehtada tekst]



Baškortostanan Tazovaldkundan lidnad
Agidel' | Baimak | Belebei | Beloreck | Birsk | Blagoveščensk | Davlekanovo | Dürtüli | Išimbai | Janaul | Kumertau | Meleuz | Mežgor'je | Neftekamsk | Oktäbr'skii | Salavat | Sibai | Sterlitamak | Tuimazi | Učali | Uf