Kel'ce

Kel'ce
Kielce
Lidnanznam;	Flag;
Valdkund	Pol'šanma
Eläjiden lugu (2021)	192,468 ristitud
Pind	109,65 km²
Pämez'	Bogdan Venta; (kül'mku 2018—,; Bogdan Wenta)
Telefonkod	+48−41
Aigvö	tal'vel UTC+1,; kezal UTC+2

Kel'ce (pol'š.: Kielce [ˈkʲɛlt͡sɛ], Venäman imperijas venän nimituz oli Kel'ci) om lidn Pol'šanman keskuzpalan suves. Se om Sventokšistan sodaveikundan administrativižeks keskuseks da palaks, vozil 1919−1998 oli Kel'cen sodaveikundan keskuseks.

Istorii

Eländpunkt oli olmas kel'tižiden heimoiden aigaspäi völ. Nügüdläižen eländpunktan aluz om pandud 12. voz'sadan augotišespäi, se sai lidnan oiktusid vl 1295. Löutihe kivendoiden varoid lidnanno 15. voz'sadal (raud, vas'k, tin), mugažo om mramoran i mouckiven löudmižsijid, i Kel'ce šingotihe metallurgijal voz'sadoiš läbi. Raudte tuli lidnha vl 1885.

Kel'cen ižandusen nügüdläine päsarak om mašinansauvomine (pörutüged, pnevmatik, likutimed, pompad, kalindtohused).

Geografijan andmused

Lidn sijadase sodaveikundan keskuzpalan lodehes, Sventokšistan mägiden pohjanno, seižub Silnic-jogen randoil (pol'š.: Silnica 17 km pitte), 260..408 metrad ü.m.t. korktusil.

Matkad Varšavhasai om 170 km pohjoižhe.

Klimat om ven kontinentaline. Keza om päivoikaz, tal'vaig om pil'vekaz lujas. Voden keskmäine lämuz om +8,2 C°, kezakun-elokun +16,9..+18,7 C°, tal'vkun-uhokun −0,9..−2,2 C°. Kaikiš lujemb pakaine oleli −33,9 C° (tal'vku), räk — +36,6 C° (heinku, eloku). Paneb sadegid 631 mm vodes, enamba semendkus-elokus (68..94 mm kus), vähemba kül'mkus-keväz'kus (34..40 mm kus). Paneb lunt tal'ven 58 päiväs. Lumikatken süvüz sase kahesha santimetrhasai vilukus-uhokus.

Eläjad

Vl 2010 lidnan ristitišt oli 203,804 eläjad, vl 2020 — 193,415 eläjad. Vl 2016 Kel'cen eläjiden lugu oli 197,724 ristitud. Kaikiš suremb lidnan ristitišt oli 215 tuhad eläjid vl 1991.

Lidnan openduzaluzkundoiden keskes päižed oma Kel'cen tehnologine universitet^[1] (pol'š.: Politechnika Świętokrzyska, alusenpanend 1965, 7,3 tuhad üläopenikoid vl 2018), Universitet Jan Kočanovskin nimed (alusenpanend 1969, 9,2 tuh. üläopenikoid vl 2023), Sventokšistan akademii, Kommercijan üläškol, Ekonomikan i ohjandusen üläškol.

Galerei

Lidnan tobmuden sauvuz (2015)
Pühän Maria-neiččen Voznesenjan kafedraline bazilikjumalanpert' (riman katoline), vn 2015 nägu
Galeria Korona Kielce-torguindkeskuz vn 2012 uhokus
Universitetan Jan Kočanovskin nimed kirjišt (2020)
Kel'cen avtovagzal vn 2021 tal'vkus

Homaičendad

↑ Kel'cen tehnologižen universitetan sait (tu.kielce.pl). (pol'š.) (angl.)

Irdkosketused

Lidnan oficialine sait (um.kielce.pl). (pol'š.) (angl.)

Kel'ce Vikiaitas

	Pol'šanman sodaveikundad da niiden administrativižed keskused
	Alakarpatan (Žešuv) \| Alaläšan (Belostok) \| Alasilezijan (Vroclav) \| Kujavijan da Pomorjen (Bidgošč, Torun') \| Lodzin (Lodz') \| Lüblinan (Lüblin) \| Lübušan (Gožuv-Vel'kopol'ski, Zelöna Gur) \| Mazovijan (Varšav) \| Opolen (Opole) \| Penen Pol'šanman (Krakov) \| Pomorjen (Gdan'sk) \| Päivlaskmpol'žen Pomorjen (Ščecin) \| Silezijan (Katovice) \| Suren Pol'šanman (Poznan') \| Sventokšistan (Kel'ce) \| Varminiž-Mazuran (Ol'štin)

[1] Kel'cen tehnologižen universitetan sait (tu.kielce.pl). (pol'š.) (angl.)

[1]