Primorsk (Kaliningradan agj)
Lidnanznam
| |
| Valdkund | Venäma |
| Eläjiden lugu (2017) | 1,960 ristitud |
| Pind | 5,5 km² |
| |
| Pämez' | Igor' Koval' (2008−2015, heinku 2017—) |
| Telefonkod | +7−40 152-xx-xxx |
| Avtokod | 39, 91 |
| Aigvö | UTC+2 (MSK−1) |
Sil sanal voib olda toižid znamoičendoid; miše nähta niid, tulgat tänna.
Primorsk (ven.: Приморск, saks.: Primorsk, pol'š.: Primorsk / Rybaki, litv.: Žuvininkai / Skanavikas / Primorskas; edel 1946. vot — Fišhauzen, saks.: Fischhausen) om Venäman pen' lidn Kaliningradan agjan päivlaskmas. Mülüb Baltiiskan lidnümbrikho (vll 2008−2018 oli rajonaks).
Istorii
[vajehta | vajehtada lähtetekst]Eländpunktan aluz om pandud lidnuseks vl 1268 i vhesai 1300 nimitihe Šonevik (saks.: Schönewick). Sai lidnan oiktusid vl 1305. Zamkan jändused oma kaičenus lidnan ümbrištos. Vspäi 1818 Fišhauzen oli ümbrikon keskuseks ičeze lidnanznamanke. Suren sodan aigan Rusked Armii anasti lidnad vn 1945 sulakus. Udesnimitihe mererandaližen sijadusen mödhe. Vhesai 1963 oli mülünu Zelenogradskan rajonha, sid' alištui Svetlii-lidnan nevondkundale. Vspäi 1994 mülüb Baltiiskan rajonha (edel 2008 vot lidnümbrik). Vll 2005−2008 Primorsk oli lidnanvuiččeks žiloks.
Lidn om Venäman Baltijan laivišton sodameriportaks.
Geografijan andmused
[vajehta | vajehtada lähtetekst]Lidn sijadase Baltijan meren Primorskai-lahten randal, üks' metr ü.m.t. keskmäižel korktusel.
Matkad Kaliningradhasai om 33 km päivnouzmha orhal, 40 km raudtel vai avtol. Lähembaižed lidnad oma Svetlii kümnes kilometras suvipäivnouzmha orhal, 15 km raudtedme vai 21 km avtotedme i Baltiisk üks'toštkümnes kilometras suvipäivlaskmha kaikil teil. Primorsk-Uz' -raudtestancii om «Kaliningrad — Baltiisk»-jonol.
Tobmuz
[vajehta | vajehtada lähtetekst]Primorskan lidnankund oli vll 2008−2018. Lidn oli sen üks'jäižeks eländpunktaks.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 1 956 ristitud, rajonan viž procentad. Kaikiš suremb lidnan ristitišt oli 3 879 eläjad vl 1939, Suren sodan jäl'ghe — läz 2 000 eläjid vspäi 1959 (2 150 rist. vl 2002).
Galerei
[vajehta | vajehtada lähtetekst]-
Fišhauzen-zamkan ruinad (2015) -
Vezičuhunduz, vn 2016 olend -
Takaine Mererandaližes puištos (2016) -
Primorsk-Uz' -päraudtestancijan sauvuz vl 2016
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst] |
Primorsk (Kaliningradan agj) Vikiaitas |
| Kaliningradan agjan lidnad | ||
| Bagrationovsk | Baltiisk | Černähovsk | Gur'jevsk | Gusev | Gvardeisk | Kaliningrad | Krasnoznamensk | Laduškin | Mamonovo | Neman | Nesterov | Ozörsk | Pionerskii | Polessk | Pravdinsk | Primorsk | Slavsk | Sovetsk | Svetlii | Svetlogorsk | Zelenogradsk | ||