Mamonovo

Mamonovo
Мамоново
	Lidnanznam;
Valdkund	Venäma
Eläjiden lugu (2023)	8,295 ristitud
Pind	20,85 km²
Pämez'	Aleksandr Lavrov; (sügüz'ku 2016—)
Telefonkod	+7−40 123-xx-xxx
Avtokod	39, 91
Aigvö	UTC+2 (MSK−1)

Mamonovo (ven.: Мамо́ново, saks.: Mamonowo, pol'š.: Mamonowo / Święta Siekierka; edel 1947. vot — Hailigenbail' (saks.: Heiligenbeil «pühä kirvez», ven.: Хайлигенба́йль)) om Venäman lidn valdkundröunanno, Kaliningradan agjan suvipäivlaskmas. Se om Mamonovon lidnümbrikon administrativine keskuz.

Istorii

Eländpunktan aluz om pandud vl 1314 kuti Hailigenštadte prussijalaižiden puižen lidnusen sijas. Vspäi 1344 nimitihe Hailigenbail:ikš. Kivižen kirhan (vspäi 1349) jändused oma kaičenus tähäsai. Žilo sai lidnan statusad vl 1946.

Udesnimitihe vn 1947 25. päiväl heinkud Suren sodan vägelaižen, NSTÜ:n vägimehen Nikolai Mamonov-käsknikan kanzannimen mödhe, pölištui vn 1944 redukus necen žilon šturman aigan.

Mamonovo šingotase kalanümbriradmižel i kontrol'punktoil valdkundröunanno.

Geografijan andmused

Lidn sijadase Baltijan meren Kaliningradan lahten randpolel, 15 m ü.m.t. keskmäižel korktusel.

Matkad Kaliningradhasai om 48 km pohjoižpäivnouzmha. Lähembaižed lidnad oma Branevo (Pol'šanma) kümnes kilometras suvipäivlaskmha, Laduškin 22 km pohjoižpäivnouzmha kaikil teil i Baltiisk 20 km pohjoižhe lahten kal't. Avto- i raudtekontrol'punktad oma läz lidnad Pol'šanman röunal, se om kahtes kilometras suvhe lidnaspäi.

Klimat om ven meren kontinentaližen röunal. Voden keskmäine lämuz om +7,4 C°, kezakun-elokun +16,2..+17,2 C°, tal'vkun-uhokun −0,6..−3,7 C°. Meriveden keskmäine lämuz oleleb +0,6..+2,1 C° tal'vkus-keväz'kus, sase +18,3..+20,3 Cel'sijan gradushasai kezakus-elokus.

Tobmuz

Kaik nell' pen't žilod mülüdas lidnümbrikho Mamonovon ližaks. Lidnümbrikon pind — 106,13 km². Se röunatab Bagrationovskan lidnümbrikonke i Pol'šanmanke.

Eläjad

Vn 2010 Venäman rahvahanlugemižen mödhe lidnan eläjiden lugu oli 7 761 ristitud, lidnümbrikon — 7 957 ristitud, vn 2021 lidnan — 8 314 ristitud. Vl 2017 kaik 8 056 ristitud elihe lidnas i 8 247 ristitud kaikes lidnümbrikos. Kaikiš suremb lidnan ristitišt oli 10 631 eläjad vl 1939, Suren sodan jäl'ghe — 8 100 rist. vll 1996−2001, 8 105 rist. vl 2014 i om nügüd'.

Rahvahad (lidnan eläjad, enamba 0,4 % vl 2010, ozutadud rahvahudenke): venälaižed — 86,7 %, vaugedvenälaižed — 3,8 %, ukrainalaižed — 3,7 %, saksalaižed — 1,2 %, armenijalaižed — 0,4 %, totarlaižed — 0,4 %, mordvinalaižed — 0,4 %, toižed rahvahad — 3,4 %.

Ortodoksizen hristanuskondan Jumalannägundan jumalanpert'^[1] om sätud vanhas saksan sauvuses vll 1995−2005.

Lapsiden opendusen aluzkundad oma «Teremok»-päivkodi, Mamonovo-lidnan keskškol, lapsiden sädamižen pert', čomamahtoiden «Fantazii»-škol, lapsiden da norišton sportškol. Lähembaižed professionaližen opendusen aluzkundad ratas Kaliningradas.

Galerei

Vezičuhunduz (2013, om saudud vll 1901−1902)
Kirhan ruinad, vn 2016 nägu
Torguindan sauvused lidnan keskuses (2018)
Počtamt (2020, om saudud vl 1880)
Päraudtestancijan sauvuz vl 2018

Homaičendad

↑ Mamonovon pühäpertid sobory.ru-saital. (ven.)

Irdkosketused

Mamonovo Vikiaitas

	Kaliningradan agjan lidnad
	Bagrationovsk \| Baltiisk \| Černähovsk \| Gur'jevsk \| Gusev \| Gvardeisk \| Kaliningrad \| Krasnoznamensk \| Laduškin \| Mamonovo \| Neman \| Nesterov \| Ozörsk \| Pionerskii \| Polessk \| Pravdinsk \| Primorsk \| Slavsk \| Sovetsk \| Svetlii \| Svetlogorsk \| Zelenogradsk

[1] Mamonovon pühäpertid sobory.ru-saital. (ven.)

[1]