Ozörsk (Kaliningradan agj)

Ozörsk
Озёрск
	Lidnanznam;
Valdkund	Venäma
Eläjiden lugu (2020)	3,821 ristitud
Pind	12 km²
Pämez'	Natal'ja Makreckaja; (sügüz'ku 2019—)
Telefonkod	+7−40 142-xx-xxx
Avtokod	39, 91
Aigvö	UTC+2 (MSK−1)

Sil sanal voib olda toižid znamoičendoid; miše nähta niid, tulgat tänna.

Ozörsk (ven.: Озёрск, saks.: Osjorsk, litv.: Darkiemis / Oziorskas, pol'š.: Oziorsk / Darkiejmy; edel 1938. vot Darkemen (saks.: Darkehmen, ven.: Дарке́мен), vll 1938−1946 — Angerapp jogen mödhe, mugažo saksan kelel, ven.: А́нгерапп) om Venäman lidn Kaliningradan agjan suvipäivnouzmas. Se om Ozörskan lidnümbrikon administrativine keskuz.

Istorii[redaktiruida | redaktiruida purde]

Eländpunkt mainitase ezmäižen kerdan vl 1539. Prussijan Fridrih Vil'gel'm I-kunigaz andoi Darkemenale lidnan oiktusid vl 1725.

Ozörsk šingotase meblin tehmižel, sömtegimišton edheotandal (leibtegesed), metalližtegesiden i kartonpakuitesen pästandal, mecan ümbriradmižel.

Geografijan andmused[redaktiruida | redaktiruida purde]

Lidn sijadase Angrap-jogen randoil (ven.: Анграпа, Pregolin hura joginišk, pen' GES jogel lidnas), 80 m ü.m.t. keskmäižel korktusel. Matkad Pol'šanman röunhasai om kahesa kilometrad suvhe, Kaliningradhasai om 102 km päivlaskmha-lodeheze orhal vai 120 km avtotedme. Lähembaižed lidnad oma Černähovsk 29 km lodeheze orhal vai 33 km avtotedme i Gusev 24 km pohjoižpäivnouzmha orhal vai 28 km avtol. Ei ole raudted nevondkundaližes aigaspäi.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 4 740 ristitud, lidnümbrikon koume nelländest. Kaik 4 108 eläjad oli lidnas vl 2017. Kaikiš suremb lidnan ristitišt oli 6 300 eläjad vll 1996−1998.

Rahvahad (enamba 0,4 % vl 2010, ozutadud rahvahudenke): venälaižed — 85,7 %, vaugedvenälaižed — 3,8 %, ukrainalaižed — 3,1 %, pol'šanmalaižed — 2,1 %, armenijalaižed — 2,0 %, saksalaižed — 1,2 %, litvalaižed — 0,5 %, toižed rahvahad — 1,6 %.

Ortodoksižen hristanuskondan ph. Aleksandr Nevalaižen jumalanpert'^[1] om sätud vanhas pertišpäi vll 1993−1996.

Agrotehnologijoiden da londusensauvomižen kolledžan palakund nomer koume^[2] (Gusev, ende Ozörskan londusensauvomižen tehnikum) om lidnan professionaližen opendusen aluzkundaks.

Edeline municipaližen ühtnikan pämez' (lidnümbrikon deputatoiden nevondkundan ezimez') om Vladislav Nikonorov (reduku 2015 — sügüz'ku 2019).

Galerei[redaktiruida | redaktiruida purde]

Torg lidnan keskuses (2021)
Enččen evangeližen jumalanpertin olend vl 2018
Ozörskan GES Angrap-jogel vl 2006
Počtamt (2006)

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Ozörsk (Kaliningradan agj) Vikiaitas

	Kaliningradan agjan lidnad
	Bagrationovsk \| Baltiisk \| Černähovsk \| Gur'jevsk \| Gusev \| Gvardeisk \| Kaliningrad \| Krasnoznamensk \| Laduškin \| Mamonovo \| Neman \| Nesterov \| Ozörsk \| Pionerskii \| Polessk \| Pravdinsk \| Primorsk \| Slavsk \| Sovetsk \| Svetlii \| Svetlogorsk \| Zelenogradsk

[1] Ozörskan pühäpertid sobory.ru-saital. (ven.)

[2] Palakund nomer koume Agrotehnologijoiden da londusensauvomižen kolledžan katip39.ru-saital. (ven.)

[1]

[2]