Svetlogorsk (Kaliningradan agj)

Svetlogorsk
Светлогорск

Lidnanznam	Flag
Valdkund	Venäma
Eläjiden lugu (2023)	16,771 ristitud
Pind	20,89 km²
Pämez'	Andrei Mohnov (reduku 2018—)
Telefonkod	+7−40 153-xx-xxx
Avtokod	39, 91
Aigvö	UTC+2 (MSK−1)

Sil sanal voib olda toižid znamoičendoid; miše nähta niid, tulgat tänna.

Svetlogorsk (ven.: Светлого́рск, saks.: Swetlogorsk, pol'š.: Swietłogorsk, litv.: Raušiai / Svetlogorskas; edel 1947. vot — Raušen (saks.: Rauschen «Šobaidajad (dünad)», ven.: Ра́ушен) om Venäman lidn da kurort Kaliningradan agjan lodehes. Se om Svetlogorskan lidnümbrikon (edel 2018. vot — rajonan) administrativine keskuz da pala.

Istorii

Eländpunktan aluz om pandud vl 1258. Se kändihe kurortaks da lidnaks 19. voz'sadal. Vspäi 1900 raudte ühtenzoitab lidnad Kaliningradanke, nügüd'aigan Svetlogorsk-2 om lopstancijaks.

Svetlogorsk šingotase turizmal, vezi- i redukurortaks (federaline status vspäi 1999), kül'bendrandal, kul'turiž-azjaližeks keskuseks.

Geografijan andmused

Lidnümbrikon sijaduz agjas vn 2010 kartal

Lidn sijadase Baltijan meren randal, 41 m ü.m.t. keskmäižel korktusel. Mererand om erigoittud korktal letkesižel dünal. Tün' järv (ven.: Тихое озеро) om lidnan keskuses Svetlogork-jogel (ven.: Светлогорка).

Matkad Kaliningradan röunhasai om koumekümne viž kilometrad suvipäivnouzmha kaikil teil. Lähembaine lidn, meriport da kurort om Pionerskii ani päivnouzmha.

Klimat om ven meren. Voden keskmäine lämuz om +6 C°, heinkun-elokun +16..+17 C°, tal'vkun-uhokun −2..−3 C°. Ekstremumad oma −26 C° i +34 C°. Paneb sadegid 911 mm vodes, enamba heinkus-tal'vkus (85..98 mm kus), vähemba keväz'kus-semendkus (45..52 mm kus). Meriveden lämuz sase +18 Cel'sijan gradushasai elokus.

Tobmuz

Svetlogorsk oli üks'jäižen eländpunktan enččes lidnankundas.

Edeline lidnan pämez' (lidnankundan administracijan pämez') oli Daniil Jegovcev vn 2016 tal'vkuspäi. Lidnan Deputatoiden nevondkund om tühjitadud vn 2020 elokus.

Eläjad

Vn 2010 Venäman rahvahanlugemižen mödhe lidnan eläjiden lugu oli 10 772 ristitud, rajonan koume nelländest, vn 2021 — 16 207 ristitud. Kaik 13 030 eläjad oli lidnas vl 2017. Kaikiš suremb lidnan ristitišt oli 13 400 eläjad vl 2000 i om nügüd'.

Rahvahad (lidnan eläjad, enamba 0,4 % vl 2010, ozutadud rahvahudenke): venälaižed — 88,9 %, vaugedvenälaižed — 3,6 %, ukrainalaižed — 3,2 %, litvalaižed — 0,5 %, armenijalaižed — 0,4 %, totarlaižed — 0,4 %, saksalaižed — 0,4 %, toižed rahvahad — 2,6 %.

Ortodoksižen hristanuskondan koume jumalanpertid oma avaitud lidnas: ph. Serafim Sarovalaižen, Jumalanmaman «Kaikiden gorähižiden ihastuz»-jumalaižen vspäi 1994, puine ph. Sergijan Radonežalaižen vspäi 2020.

Lapsiden opendusen aluzkundad oma päivkodid, keskškol. Professionaližen opendusen aluzkundad ratas lähembaižiš lidnoiš.

Galerei

• 
  Sodasanatorii (2011)
• 
  Ph. Serafim Sarovalaižen jumalanpert' (ende kirh), vn 2016 nägu
• 
  «Olimp»-adivpert' vl 2010
• 
  Randird i kül'bendrand liftan kaclendlavudespäi (2008)
• 
  Svetlogorsk-2-raudtestancijan sauvuz vl 2017

Irdkosketused

• Lidnümbrikon tobmuden aluzkundoiden oficialine sait (svetlogorsk39.ru). (ven.)
• Svetlogorskan lidnümbrik Kaliningradan agjan ohjastusen gov39.ru-saital. (ven.)