Gusev (lidn)

Gusev
Гусев
Lidnanznam;	Flag;
Valdkund	Venäma
Eläjiden lugu (2021)	28,177 ristitud
Pind	16,25 km²
Pämez'	Andrei Gnezdilov; (keväz'ku 2017—)
Telefonkod	+7−40 143-xx-xxx
Avtokod	39, 91
Aigvö	UTC+2 (MSK−1)

Gusev (ven.: Гусев, pruss.: Gumbinni, saks.: Gussew, pol'š.: Gusiew / Gąbin / Głąbin, litv.: Gumbinė / Gusevas; edel 1946. vot — saks.: Gumbinnen) om Venäman lidn Kaliningradan agjan suvipäivnouzmas. Se om Gusevan lidnümbrikon administrativine keskuz.

Istorii[redaktiruida | redaktiruida purde]

Eländpunkt mainitase ezmäižen kerdan vl 1539 kuti kalanpüdajiden Kulligkemen-külä (saks.: Kulligkehmen), sid' vn 1558 kirjeižes kuti Pisserkaim («külä Pissanjogel»). Voziden 1709−1711 mustmorpošavan jäl'ghe sirdnikad Saksanman ruhtinazkundoišpäi, Avstrijaspäi, Šotlandijaspäi da toižiš Evropan maišpäi tuliba elämhä. Žilo sai lidnan oiktusid vn 1724 25. päiväl semendkud i vhesai 1945 oli Päivnouzmaižen Prussijan päivnouzmaižen polen — Litvan deputacijan administrativižeks keskuseks.

Vl 1770 lidn oli elänu lujas sur'vedes läbi. Vl 1860 «Berlin — Kaunas»-jono läbiti lidnad, vspäi 1908 om raudtesol'meks. Ezmäižen mail'man sodan aigan vl 1914 tora tegihe lidnanno. Suren sodan aigan vn 1945 21. päiväl vilukud Rusttan Armijan 3. Vaugedvenäman frontan sodaväged anastiba lidnad. Nimitihe NSTÜ:n vägimehen Sergei Gusev-kapitanan kanzannimen mödhe.

Gusev-lidn šingotase TV-sandapparatoiden i mikroelektronikan tegimil, pertidensauvondkombinatal i kartonfabrikal.

Geografijan andmused[redaktiruida | redaktiruida purde]

Lidn sijadase Piss-jogen randoil (saks.: Pissa, Pregolin bassein), 45 m ü.m.t. keskmäižel korktusel. Matkad Kaliningradhasai om 110 km päivlaskmha orhal, 115 km avtotedme vai raudtedme. Lähembaižed lidnad oma Černähovsk 27 km päivlaskmha kaikil teil i Ozörsk 24 km suvipäivlaskmha orhal vai 28 km avtol.

Kaik 40 pen't žilod mülüdas lidnümbrikho Gusevan ližaks. Lidnümbrikon pind — 642,66 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 28 260 ristitud, lidnümbrikon (vozil 2008−2014 — rajonan) koume nelländest. Vspäi 1989 lidnan ristitišt om kaikiš suremb i vajehtase 27..28 tuh. eläjid röunoiš (28 542 rist. vl 2012).

Ortodoksižen hristanuskondan kaks' jumalanpertid^[1] oma avaitud lidnas (om nell' niid kaikes lidnümbrikos): Jumalanmaman Emäganpäivän (vspäi 1992) i Kaikiden Pühämehiden (vspäi 2016). Lüteranine pühäpert' om olmas mugažo.

Agrotehnologijoiden da londusensauvomižen kolledž^[2] om Gusev-lidnan professionaližen opendusen aluzkundaks.

Galerei[redaktiruida | redaktiruida purde]

Oficeriden pert', vn 2017 nägu
Kodirandantedištandmuzei (2017)
Privatine «Tehnopolis Dži Es»-tehnopark, GS Nanotech-sauvuz (2013)
Maižanduztehnikum vl 2008 (nüg. Gusevan agtotegimištoline kolledž)
Gusev-päraudtestancijan sauvuz vl 2017

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnümbrikon tobmuden aluzkundoiden oficialine sait (admgusev.ru). (ven.)

Gusev (lidn) Vikiaitas

	Kaliningradan agjan lidnad
	Bagrationovsk \| Baltiisk \| Černähovsk \| Gur'jevsk \| Gusev \| Gvardeisk \| Kaliningrad \| Krasnoznamensk \| Laduškin \| Mamonovo \| Neman \| Nesterov \| Ozörsk \| Pionerskii \| Polessk \| Pravdinsk \| Primorsk \| Slavsk \| Sovetsk \| Svetlii \| Svetlogorsk \| Zelenogradsk

[1] Gusev-lidnan pühäpertid sobory.ru-saital. (ven.)

[2] Agrotehnologijoiden da londusensauvomižen kolledžan sait (katip39.ru). (ven.)

[1]

[2]