Nesterov (Kaliningradan agj)
Lidnanznam
|
Flag
|
| Valdkund | Venäma |
| Eläjiden lugu (2017) | 4,086 ristitud |
| Pind | 7,82 km² |
| |
| Pämez' | Tamara Prähina (sügüz'ku 2013—) |
| Telefonkod | +7−40 144-xx-xxx |
| Avtokod | 39, 91 |
| Aigvö | UTC+2 (MSK−1) |
Nesterov (ven.: Нестеров, saks.: Nesterow, litv.: Stalupėnai / Nesterovas; edel 1938. vot Štallupönen (saks.: Stallupönen), vll 1938−1946 nimitihe Ebenrode:ks) om Venäman lidn da lidnankund Kaliningradan agjan päivnouzmas. Se om Nesterovan rajonan administrativine keskuz.
Istorii[redaktiruida | redaktiruida purde]
Eländpunktan aluz om pandud vl 1539 kuti Štallupönen torgusen sijadusen oiktusenke. Vl 1719 luja lämoipalo tegihe žilos. Sen jäl'ghe sauvoškanzihe kivižid pertid, saudihe ut kirhad, i vl 1722 žilo sai lidnan oiktusid. Sodagarnizon baziruihe lidnas vspäi 1780. Vl 1860 «Berlin — Kaunas»-raudte läbiti lidnad. Vn 1944 25. päiväl redukud Rusked Armii anasti Ebenrode-lidnad. Vl 1946 udesnimitihe NSTÜ:n vägimehen Stepan Nesterov-polknikan kanzannimen mödhe, pölištui toran aigan anastamha lidnad.
Lidn šingotase argvoitegimel, turbazedheotandal i mecižandusel.
Geografijan andmused[redaktiruida | redaktiruida purde]
Lidn sijadase 65 m ü.m.t. keskmäižel korktusel. Raudtekontrol'punkt om Litvanman röunal 12 km päivnouzmha. Matkad Kaliningradan keskushesai om 133 km päivlaskmha orhal, 140 km avtotedme vai raudtedme. Lähembaižed lidnad oma Gusev 25 km päivlaskmha kaikil teil, Krasnoznamensk 36 km pohjoižhe orhal vai avtol i Kibartai (Litvanma) 12 km päivnouzmha kaikil teil.
Nesterov om lidnankundan üks'jäine eländpunkt.
Eläjad[redaktiruida | redaktiruida purde]
Vn 2010 Venäman rahvahanlugemižen mödhe eläjiden lugu oli 4 595 ristitud, rajonan nelländez. Kaikiš suremb lidnan ristitišt oli 6 644 eläjad vl 1939, Suren sodan jäl'ghe — läz 5 tuhad eläjid vll 1989−2008 (5 049 rist. vl 2002). Ortodoksižen hristanuskondan Pühän Hengen jumalanpert' (kirhan sauvuses vspäi 1996) i ph. Panteleimonan časoun' oma olmas.
Rahvahad (lidnan eläjad vl 2010, enamba 0,4%, ozutadud rahvahudenke): venälaižed — 87,2%, litvalaižed — 3,3%, vaugedvenälaižed — 3,2%, ukrainalaižed — 2,7%, saksalaižed — 0,8%, pol'šanmalaižed — 0,5%, čiganalaižed — 0,4%, toižed rahvahad — 1,9%.
Galerei[redaktiruida | redaktiruida purde]
Sodamemorial (2009)
Pühän Hengen jumalanpert' (ortodoksine hristanuskond vspäi 1991, om saudud 1927−1929 kuti katoline kostöl), vn 2008 nägu
Vezičuhunduz i Pühän Hengen jumalanpert', vn 2015 nägu
Muštnik S.K. Nesterovan oiktastuseks
Znam lidnan röunal (2009)
Nesterov-päraudtestancijan sauvused vl 2015
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
 |
Nesterov (Kaliningradan agj) Vikiaitas |
| Kaliningradan agjan lidnad | ||
| Bagrationovsk | Baltiisk | Černähovsk | Gur'jevsk | Gusev | Gvardeisk | Kaliningrad | Krasnoznamensk | Laduškin | Mamonovo | Neman | Nesterov | Ozörsk | Pionerskii | Polessk | Pravdinsk | Primorsk | Slavsk | Sovetsk | Svetlii | Svetlogorsk | Zelenogradsk | ||