Topki

Topki
Топки
	Lidnanznam;
Valdkund	Venäma
Eläjiden lugu (2021)	27,673 ristitud
Pind	51,72 km²
Pämez'	Dmitrii Pak; (tal'vku 2016—)
Telefonkod	+7−38 454-xx-xxx
Avtokod	42, 142
Aigvö	UTC+7 (MSK+4)

Topki (ven.: Топки́) om Venäman lidn, lidnankund da transporttesol'm Kemerovon agjan lodehes. Se om Topkin rajonan administrativine keskuz, mülüb rajonha vspäi 2005.

Istorii[vajehta | vajehtada tekst]

Eländpunktan aluz om pandud vl 1914 raudtestancijaks «Transsib — Ščeglovo»-jonol. Vspäi 1917 puruvedimiden depo radoi, NSTÜ:n parahim 1930-nzil vozil. Kätihe radnikžiloks vl 1929. Se sai lidnan statusad vn 1933 10. päiväl sulakud. Järed cementtegim om saudud vll 1953−1966, radab sijaližel torhudel.

Topki šingotase cementantegimel, raudten edheotandoil i sömtegimištol (kiruhsöndan «Podorožnik»-verkon tehmine). Om raudtesol'meks Transsiban, Kemerovon i Novokuzneckan čuradusihe.

Geografijan andmused[vajehta | vajehtada tekst]

Lidn sijadase 230..310 m ü.m.t. korktusil. Tahond om sokaz päivlaskmha lidnaspäi. Matkad Kemerovohosai om 20 km päivlaskmha orhal, avtol vai raudtedme, se om lähembaine lidn. Ratas mouckiven löudmižsijad 7 kilometras lodeheze. «Sibir'»-avtote (R-255) ümbärdab lidnad pohjoižpäivnouzmaižes poles.

Topki om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 28 641 ristitud, rajonan kaks' koumandest. Kaikiš suremb ristitišt oli 34 100 eläjad vl 1992.

Ortodoksižen hristanuskondan kaks' jumalanpertid^[1] oma olmas lidnas: ph. Sergii Radonežalaižen pühäpert' (om saudud vll 1994−2006) i ph. Mikulai-čudonsädajan jumalanpert' (om saudud vl 1972, eile rados).

Topkin tehnine tehnikum^[2] om professionaližen opendusen aluzkundaks.

Galerei[vajehta | vajehtada tekst]

Administrativine sauvuz läz päraudtestancijad (2012)
Muštpacaz pölištunuzile Suren sodan aigan, 2000-nziden voziden nägu
Topkin cementantegim vl 2014
Puruvedim muštnikaks vagzalan torgul (2011)
Topki-päraudtestancijan sauvused vl 2014

Homaičendad[vajehta | vajehtada tekst]

↑ Topkin pühäpertid sobory.ru-saital. (ven.)
↑ Topkin tehnižen tehnikuman sait (topkittt.ru). (ven.)

Irdkosketused[vajehta | vajehtada tekst]

Topki Vikiaitas

	Kemerovon agjan lidnad
	Anžero-Sudžensk \| Belovo \| Berözovskii \| Gur'jevsk \| Jurg \| Kaltan \| Kemerovo \| Kiselövsk \| Leninsk Kuzneckii \| Mariinsk \| Meždurečensk \| Miski \| Novokuzneck \| Osinniki \| Polisajevo \| Prokopjevsk \| Salair \| Taig \| Taštagol \| Topki

[1] Topkin pühäpertid sobory.ru-saital. (ven.)

[2] Topkin tehnižen tehnikuman sait (topkittt.ru). (ven.)

[1]

[2]