Abinsk
Lidnanznam
|
Flag
|
| Valdkund | Venäma |
| Eläjiden lugu (2022) | 39,374 ristitud |
| Pind | 22 km² |
| |
| Pämez' | Il'ja Biuškin (kül'mku 2021—) |
| Telefonkod | +7−86 150-xx-xxx |
| Avtokod | 23, 93, 123 |
| Aigvö | UTC+3 (MSK+0) |
Abinsk (ven.: Аби́нск) om Venäman lidn da lidnankund Krasnodaran randan päivlaskmas. Se om Abinskan rajonan administrativine keskuz.
Istorii[redaktiruida | redaktiruida purde]
Nügüd'aigaižen eländpunktan aluz om pandud vl 1834 kuti Abinskan lidnuz. Vspäi 1863 Abinskai-stanic oli olmas, Azovan kozakad paniba sen alust. Vl 1962 (7. tal'vku) stanic kändihe Abinskii-radnikžiloks. Vl 1963 (23. reduku) radnikžilo sai lidnan statusad nügüdläiženke nimenke.
Abinsk šingotase elektrometallurgižel tegimel[1] (4,3 tuh. radnikoid vl 2021), sauvondmaterialiden pästandal (savič), sömtegimištol (söndtavaroiden kombinat, voitegim), meblin fabrikal.
Geografijan andmused[redaktiruida | redaktiruida purde]
Lidn sijadase Abin-jogen randoil (ven.: Абин 81 km pitte, Kubanin hurapol'ne bassein), Azov-Kubaninveres alangištos, 41 m ü.m.t. keskmäižel korktusel. Matkad Krasnodarhasai om 67 km päivnouzmha orhal vai 83 km avtotedme, raudtedme. Lähembaine lidn om Krimsk 15 km päivlaskmha orhal vai raudtedme, 20 km avtotedme. Abinskai-raudtestancii om olmas vspäi 1888 «Krasnodar — Novorossiisk»-keskustal.
Nell' pen't eländpunktad mülüdas lidnankundha Abinskan ližaks: Proletarii-žilo, Šapsugskai-stanic (ven.: Шапсугская) da kaks' futorad (Berežnoi, Korobkin). Lidnankundan pind — 322,94 km².
Eläjad[redaktiruida | redaktiruida purde]
Vn 2010 Venäman rahvahanlugemižen mödhe lidnan eläjiden lugu oli 34 928 ristitud, lidnankundan — 36 078 ristitud. Vl 2018 kaik 38 176 ristitud elihe lidnas i 39 268 ristitud kaikes lidnankundas, rajonan kaks' videndest. Kaikiš suremb lidnan i lidnankundan ristitišt om nügüd'.
Rahvahad (enamba 1% vl 2010): venälaižed — 82,3%, armenijalaižed — 5,3%, ukrainalaižed — 2,1%, grekalaižed — 1,4%, totarlaižed — 1,1%, toižed rahvahad — 2,6%, rahvahuden ozutandata — 5,2%.
Ortodoksižen hristanuskondan Jumalanmaman Katken jumalanpert'[2] om saudud lidnas vspäi 2002.
Lidnan professionaližen opendusen aluzkund om Anapan industrialižen tehnikuman filial.
Edeližed lidnankundan pämehed (Administracijan pämehed) oma Aleksei Savel'jev (tal'vku 2018 — kül'mku 2021) i Väčeslav Ivanov (kül'mku 2017 — tal'vku 2018).
Galerei[redaktiruida | redaktiruida purde]
Abin-jogi lidnas, sügüz'ku 2014
Üks' kujoišpäi vl 2014
Uz' torguindkeskuz (2014)
Abinskai-päraudtestancijan sauvuz vl 2016
Homaičendad[redaktiruida | redaktiruida purde]
- ↑ Abinskan elektrometallurgižen tegimen sait (abinmetall.ru). (ven.) (angl.)
- ↑ Abinskan pühäpertid sobory.ru-saital. (ven.)
Irdkosketused[redaktiruida | redaktiruida purde]
 |
Abinsk Vikiaitas |
| Krasnodaran randan lidnad | ||
| Abinsk | Anap | Apšeronsk | Armavir | Belorečensk | Gelendžik | Gul'keviči | Hadižensk | Hul Purde | Jeisk | Korenovsk | Krasnodar | Krimsk | Kropotkin | Kurganinsk | Labinsk | Novokubansk | Novorossiisk | Primorsko-Ahtarsk | Slavänsk Kubanil | Soči | Temrük | Tihoreck | Timašovsk | Tuapse | Ust'-Labinsk | ||