Mine sisu juurde

Kropotkin (lidn)

Vikipedii-späi
Kropotkin
Кропоткин
 Lidnanznam
 Flag
Valdkund Venäma
Eläjiden lugu (2022) 76,295 ristitud
Pind 98,70 km²
Kropotkin Кропоткин
Pämez' Vladimir Jelisejev
(2010—)
Telefonkod +7−86 138-xx-xxx
Avtokod 23, 93, 123
Aigvö UTC+3 (MSK+0)


Sil sanal voib olda toižid znamoičendoid; miše nähta niid, tulgat tänna.

Kropotkin (ven.: Кропо́ткин) om Venäman lidn da lidnankund Krasnodaran randan päivnouzmas. Se om randan kudenz' lidn eläjiden lugun mödhe, Kavkazskajan rajonan administrativine keskuz vn 2008 elokuspäi.

Istorii[vajehta | vajehtada tekst]

Eländpunktan aluz om pandud vl 1879 kuti Romanovskii-futor Rostovan kozakoiden-alusenpanijoiden Romanovskai-stanican mödhe. Futor sai lidnan statusad vn 1921 4. päiväl uhokud, nimitihe nügüdläižikš Petr Kropotkin-tedomehen da revolücioneran-anarhistan kanzannimen mödhe.

Kropotkin šingotase sömtegimišton keskuseks sijaližel torhudel (pühävoin koume tegint, maidtegim, oluden tegim), gofrokartonan fabrikal, mašiništon sauvomha veimid tegimel i sauvondmaterialiden pästandan edheotandoil, mugažo Venäman Prezidentan ohjandusen simvolikan fabrik radab lidnas.

Geografijan andmused[vajehta | vajehtada tekst]

Lidn sijadase Kuban-jogen oiktal korktal randal, 80 m ü.m.t. keskmäižel korktusel. Matkad Krasnodarhasai om 130 km suvipäivlaskmha orhal vai 145 km avtotedme. Lähembaine lidn om Gul'keviči vides kilometras suvipäivnouzmha. Kavkazskai-raudtestancii (ven.: Кавказская) om «Rostov — Vladikavkaz»-keskustal, nece raudte ristikoičeb «Krasnodar — Mihailovsk — Elist»-raudtejonod lidnas. «Kavkaz»-avtote läbitab lidnad.

Kropotkin om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 80 765 ristitud, rajonan kaks' koumandest. Kaikiš suremb ristitišt oli 82 800 eläjad vll 2000−2001. Vl 2018 lidnan ristitišt oli 78 631 eläjad.

Rahvahad (enamba 1% vl 2010): venälaižed — 92,4%, armenijalaižed — 3,8%, ukrainalaižed — 1,0%, toižed rahvahad — 2,1%, rahvahuden ozutandata — 0,7%.

Ortodoksižen hristanuskondan Jumalanmaman Katken päjumalanpert'[1] i severz'-se jumalanpertid oma avaitud lidnas.

Kropotkinan medicinine kolledž[2], tehnologijoiden da raudtetransportan tehnikum[3] i privatine juridine tehnikum[4] oma lidnan professionaližen opendusen aluzkundoikš.

Galerei[vajehta | vajehtada tekst]

Homaičendad[vajehta | vajehtada tekst]

  1. Kropotkinan pühäpertid sobory.ru-saital (ven.)
  2. Kropotkinan medicinižen kolledžan sait (goukmk.ru). (ven.)
  3. Kropotkinan tehnologijoiden da raudtetransportan tehnikuman sait (gbpoukk.3dn.ru). (ven.)
  4. Juridižen tehnikuman sait (kutkrop.ru). (ven.)

Irdkosketused[vajehta | vajehtada tekst]



Krasnodaran randan lidnad
Abinsk | Anap | Apšeronsk | Armavir | Belorečensk | Gelendžik | Gul'keviči | Hadižensk | Hul Purde | Jeisk | Korenovsk | Krasnodar | Krimsk | Kropotkin | Kurganinsk | Labinsk | Novokubansk | Novorossiisk | Primorsko-Ahtarsk | Slavänsk Kubanil | Soči | Temrük | Tihoreck | Timašovsk | Tuapse | Ust'-Labinsk