Korenovsk

Korenovsk
Кореновск

Lidnanznam	Flag
Valdkund	Venäma
Eläjiden lugu (2025)	40,944 ristitud
Pämez'	Maksim Šutilev (keväz'ku 2019—)
Telefonkod	+7−86 142-xx-xxx
Avtokod	23, 93, 123
Aigvö	UTC+3 (MSK+0)

Korenovsk (ven.: Корено́вск) om Venäman lidn da lidnankund Krasnodaran randan keskuses. Se om Korenovskan rajonan administrativine keskuz da pala.

Istorii

Eländpunktan aluz om pandud kuti Korenovskai-stanic vl 1794. Se sai lidnan statusad vl 1961, nimitihe nügüdläižikš.

Korenovsk šingotase sömtegimištol: maidon konservkombinat (maidkonservad, maidproduktad, jähine), saharan tegim, oluden tegim, kuivatud rahtmaidon (maidveden) tegim, lindfabrik, elevator i «Agro-Kompleks»-lihamaidkombinat ratas lidnas. Om sauvondan edheotandoid. Lidn om maižanduzrajonan keskuseks (villän i maploduiden kazvatuz, živatvodind). Topografijan sodapalakund om lidnan röunoiš.

Geogarfijan andmused

Korenovskan rajonan sijaduz randas vn 2012 kartal

Lidn sijadase rajonan suvipäivnouzmas, Hura Beisužok-jogen (ven.: Бейсужёк Левый 161 km pitte, Azovmeren bassein) hural randal tobjimalaz, 40 m ü.m.t. keskmäižel korktusel.

Matkad Krasnodaran röunhasai om kuz'kümne kilometrad suvipäivlaskmha. Lähembaižed lidnad oma Ust'-Labinsk 30 km suvipäivnouzmha orhal i Timašovsk 40 km lodeheze orhal.

Tobmuz

Kaik kaks' žilod i kaks' futorad mülüdas lidnankundha Korenovskan ližaks. Lidnankundan pind — 32,45 km².

Lidnankundan tobmuden pämez' om sen Administracijan pämez'. Edeline lidnan Administracijan pämez' om Jevgenii Pergun (2012 — tal'vku 2018). Lidnankundan Nevondkundan ezimez' om Jevgenii Delänidi vn 2011 keväz'kuspäi.

Eläjad

Vn 2010 Venäman ravahanlugemižen mödhe lidnan eläjiden lugu oli 41 166 ristitud, vn 2021 — 41 826 ristitud. Vl 2017 kaik 41 823 ristitud elihe lidnas i 43 264 ristitud kaikes lidnankundas. Vll 1996−2017 ristitišt vajehtihe 40..41 tuhad röunoiš (41 876 rist. vl 2016). Kaikiš suremb lidnan ristitišt oli 42 418 eläjad vl 2020.

Rahvahad (lidnan eläjad, enamba 1 % vl 2010): venälaižed — 91,5 %, armenijalaižed — 3,0 %, ukrainalaižed — 1,9 %, toižed rahvahad — 2,4 %, rahvahuden ozutandata — 1,2 %.

Ortodoksižen hristanuskondan viž jumalanpertid i Jumalanmaman Emäganpäivän naižjumalankodi oma kaičenus i saudud lidnas.

Openduz

Lapsiden opendusen aluzkundad oma kümne nimitadud i nomeruidud päivkodid (nomer 1, 3, 6, 11, 13, 24, 38, 39, 42, 43), seičeme keskškolad (nomer 1..3, 17..20), ehtal'ne škol, rajonan lapsiden čomamahtoižen sädamižen pert', čomamahtoiden škol, lapsiden da norišton sportškol nomer 1.

Korenovskan politehnine tehnikum om lidnan professionaližen opendusen aluzkundaks.

Transport

«Don»-avtote (M4-trass) mäneb lidnan lodehližedme röunadme.

Korenovsk-raudtestancii sijadase «Krasnodar — Volgograd»-keskustal. Punolendimiden polk baziruiše sijaližel lendimportal, om restavriruidud vodele 2021.

Galerei

• 
  Ird i sild jaugnikoiden täht (2009)
• 
  Kubanin Uziden Moknikoiden jumalanpert', vn 2011 nägu (letihe vll 2004−2011)
• 
  Ird lidnas (2009)
• 
  Korenovsk-päraudtestancijan sauvuz vl 2007
• 
  Edeline lidnanznam

Tetabad sündnuded

• Aleksandr Maršal (Aleksandr Min'kov) (sünd. 1957) — Venäman pajatai da muzikankirjutai.

Irdkosketused

• Lidnan tobmuden sait (korenovsk-gorod.ru). (ven.)