Kurganinsk
Lidnanznam
|
Flag
|
| Valdkund | Venäma |
| Eläjiden lugu (2022) | 47,356 ristitud |
| Pind | 43,97 km² |
| |
| Pämez' | Vasilii Rudenko (tal'vku 2015—) |
| Telefonkod | +7−86 147-xx-xxx |
| Avtokod | 23, 93, 123 |
| Aigvö | UTC+3 (MSK+0) |
Kurganinsk (ven.: Курга́нинск, armen.: Կուրգանինսկ Kurganinsk) om Venäman lidn Krasnodaran randan päivnouzmas. Se om Kurganinskan rajonan administrativine keskuz.
Istorii[vajehta | vajehtada lähte]
Eländpunktan aluz om pandud Kubanin kozakoil vl 1853 kuti Kurgannai-stanic (ven.: Курганная), nimitihe käpiden äjüden ümbrištos tagut. Stanic sai lidnan statusad vn 1961 14. päiväl vilukud.
Kurganinsk šingotase sömtegimišton keskuseks sijaližel torhudel (saharantegim, söndtavaroiden kombinat, elevator, lindunkombinat), mugažo lehtraudpakuitesen i savičun tegimed, raudten sauvondedheotandad oma olmas Kurganinskas. Lidn eli läbi sur'vedes vl 2002.
Geografijan andmused[vajehta | vajehtada lähte]
Lidn sijadase Lab-jogen oiktal randal (ven.: Лаба 214 km pitte, Kuban'-jogen hurapol'ne bassein), 165 m ü.m.t. keskmäižel korktusel, Kavkazan ezimägištonno. Adigei sijadase jogen vastrandal, matkad Krasnodarhasai om 150 km päivlaskmha. Lähembaižed lidnad oma Armavir 40 km päivnouzmha orhal vai raudtedme i Labinsk 27 km suvhe orhal vai kaikil teil. Kurgannai-raudtestancii om olmas «Armavir — Tuapse»-keskustal vspäi 1915.
Krasnoje Pöud-žilo (ven.: Красное Поле, 737 rist. vl 2010) i Joudjuz-futor (ven.: Свобода, 640 rist. vl 2010) mülüdas lidnankundha Kurganinskan ližaks.
Eläjad[vajehta | vajehtada lähte]
Vn 2010 Venäman rahvahanlugemižen mödhe lidnan eläjiden lugu oli 47 970 ristitud, lidnankundan — 49 347 ristitud. Kaikiš suremb lidnan ristitišt oli 50 800 eläjad vl 2001, lidnankundan — 50 515 eläjad vl 2015. Vl 2017 kaik 48 964 ristitud elihe lidnas i 50 162 ristitud kaikes lidnankundas.
Rahvahad (enamba 1% vl 2010): venälaižed — 85,8%, armenijalaižed — 9,6%, ukrainalaižed — 1,3%, toižed rahvahad — 2,6%, rahvahuden ozutandata — 0,7%.
Ortodoksižen hristanuskondan kaks' pühäpertid oma väges lidnas: Sündun Voznesenjan jumalanpert'[1] (letihe vll 1906−1916) i phh. Pedroin da Pauloin jumalanpert' (2003).
Kurganinskan agrariž-tehnologine tehnikum[2] om lidnan professionaližen opendusen aluzkundaks.
Homaičendad[vajehta | vajehtada lähte]
- ↑ Kurganinskan pühäpertid sobory.ru-saital. (ven.)
- ↑ Kurganinskan agrariž-tehnologižen tehnikuman sait (katt-kk.ru). (ven.)
Irdkosketused[vajehta | vajehtada lähte]
 |
Kurganinsk Vikiaitas |
| Krasnodaran randan lidnad | ||
| Abinsk | Anap | Apšeronsk | Armavir | Belorečensk | Gelendžik | Gul'keviči | Hadižensk | Hul Purde | Jeisk | Korenovsk | Krasnodar | Krimsk | Kropotkin | Kurganinsk | Labinsk | Novokubansk | Novorossiisk | Primorsko-Ahtarsk | Slavänsk Kubanil | Soči | Temrük | Tihoreck | Timašovsk | Tuapse | Ust'-Labinsk | ||