Novokubansk

Vikipedii
Hüpähtada: navigacii, Ecind
Novokubansk
Новокубанск
 Lidnanznam
Coat of Arms of Novokubansk (Krasnodar krai).png
 Flag
Flag of Novokubansk (Krasnodar krai).png
Valdkund Venäma
Eläjiden lugu (2017) 35 437 ristitud
Pind 27,97 km²
NovokubanskНовокубанск
Pämez' Aleksandr Jelisejev
(sulaku 2 016—)
Telefonkod +7-86 195-xx-xxx
Avtokod 23, 93, 123
Aigvö UTC+3 (MSK+0)


Novokubansk (ven.: Новокубанск) om Venäman lidn da lidnankund Krasnodaran randan päivnouzmas, Armaviran pohjoine kaimdailidn. Se om Novokubanskan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1867 kuti Kubanskoje-žilo Kavkazan polkiden saldatoil erindas. Edel 1922 vot nimitaškanzihe sidä Novokubanskoje:ks. Vl 1961 kätihe sidä Novokubanskii-radnikžiloks. Vn 1966 11. päiväl kezakud se sai lidnan statusad nügüdläiženke nimenke. Novokubansk šingotase sömtegimišton keskuseks sijaližel torhudel, mugažo sauvondmaterialiden tegimed oma olmas lidnas (seinmaterialad, profiline torv). Lidn eli läbi sur'vedes vn 2002 kezakul, urzi dambad.

Geografijan andmused[redaktiruida | redaktiruida purde]

Lidn sijadase Kuban'-jogen hural randpolel, 1 km jogespäi, 145 m ü.m.t. keskmäižel korktusel. Matkad Krasnodarhasai om 162 km päivlaskmha orhal vai 205 km avtotedme. Lähembaine lidn om Armavir, om 4 km matkad lidnoiden röunoiden keskes avtotedme. Kubanskai-raudtestancii om olmas «Armavir — Kropotkin»-jonol. Koumekilometrine sarak ühtenzoitab lidnad «Kavkaz»-avtotenke suvipäivlaskmas.

Novokubansk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 34 880 ristitud, rajonan kaks' videndest. Vspäi 2002 lidnan ristitišt vajehtab 34..35 tuhad eläjid röunoiš (vl 2016 — 35 440 rist.).

Rahvahad (enamba 1% vl 2010): venälaižed — 88,2%, armenijalaižed — 6,3%, ukrainalaižed — 1,6%, toižed rahvahad — 2,7%, rahvahuden ozutandata — 1,2%.

Irdkosketused[redaktiruida | redaktiruida purde]



Krasnodaran randan lidnad
Abinsk | Anap | Apšeronsk | Armavir | Belorečensk | Gelendžik | Gul'keviči | Hadižensk | Hul Purde | Jeisk | Korenovsk | Krasnodar | Krimsk | Kropotkin | Kurganinsk | Labinsk | Novokubansk | Novorossiisk | Primorsko-Ahtarsk | Slavänsk Kubanil | Soči | Temrük | Tihoreck | Timašovsk | Tuapse | Ust'-Labinsk
Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.