Abinsk

Abinsk
Абинск
Lidnanznam;	Flag;
Valdkund	Venäma
Eläjiden lugu (2023)	38,866 ristitud
Pind	22 km²
Pämez'	Il'ja Biuškin; (kül'mku 2021—)
Telefonkod	+7−86 150-xx-xxx
Avtokod	23, 93, 123
Aigvö	UTC+3 (MSK+0)

Abinsk (ven.: Аби́нск) om Venäman lidn da lidnankund Krasnodaran randan päivlaskmas. Se om Abinskan rajonan administrativine keskuz.

Istorii

Nügüd'aigaižen eländpunktan aluz om pandud vl 1834 kuti Abinskan lidnuz. Vspäi 1863 Abinskai-stanic oli olmas, Azovan kozakad paniba sen alust. Vl 1962 (7. tal'vku) stanic kändihe Abinskii-radnikžiloks. Vl 1963 (23. reduku) radnikžilo sai lidnan statusad nügüdläiženke nimenke.

Abinsk šingotase elektrometallurgižel tegimel^[1] (vanuim i vanundprodukcii, 4,3 tuh. radnikoid vl 2021), sauvondmaterialiden pästandal (savič), sömtegimištol (söndtavaroiden kombinat, voitegim^[2] pästab maidprodukcijad), meblin fabrikal.

Geografijan andmused

Lidn sijadase Abin-jogen randoil (ven.: Аби́н 81 km pitte, Kubanin hurapol'ne bassein), Azov-Kubaninveres alangištos, 41 m ü.m.t. keskmäižel korktusel. Matkad Krasnodarhasai om 67 km päivnouzmha orhal vai 83 km avtotedme, raudtedme. Lähembaine lidn om Krimsk 15 km päivlaskmha orhal vai raudtedme, 20 km avtotedme.

Abinskai-raudtestancii (ven.: Абинская) radab «Krasnodar — Novorossiisk»-keskustal vspäi 1888.

Tobmuz

Kaik nell' pen't eländpunktad mülüdas lidnankundha Abinskan ližaks: Proletarii-žilo, Šapsugskai-stanic (ven.: Шапсугская) da kaks' futorad (Berežnoi, Korobkin). Lidnankundan pind — 322,94 km².

Edeližed lidnankundan pämehed (Administracijan pämehed) oma Aleksei Savel'jev (tal'vku 2018 — kül'mku 2021), Väčeslav Ivanov (kül'mku 2017 — tal'vku 2018).

Eläjad

Vn 2010 Venäman rahvahanlugemižen mödhe lidnan eläjiden lugu oli 34 928 ristitud, lidnankundan — 36 078 ristitud. Vl 2018 kaik 38 176 ristitud elihe lidnas i 39 268 ristitud kaikes lidnankundas, rajonan kaks' videndest. Kaikiš suremb lidnan ristitišt oli 39 511 eläjad vl 2021.

Rahvahad (enamba 1% vl 2010): venälaižed — 82,3 %, armenijalaižed — 5,3 %, ukrainalaižed — 2,1 %, grekalaižed — 1,4 %, totarlaižed — 1,1 %, toižed rahvahad — 2,6 %, rahvahuden ozutandata — 5,2 %.

Ortodoksižen hristanuskondan Jumalanmaman Katken jumalanpert'^[3] om saudud lidnas vspäi 2002 vajehtamha ühtennimišt kadonut pühäpertid.

Kaik kümne päivkodid, nell' keskškolad i korrekcine škol-internat ratas Abinskas. Lidnan professionaližen opendusen aluzkund om Anapan industrialižen tehnikuman filial.

Galerei

Abin-jogi lidnas, sügüz'ku 2014
Üks' kujoišpäi vl 2014
Uz' torguindkeskuz (2014)
Abinskai-päraudtestancijan sauvuz vl 2016

Homaičendad

↑ Abinskan elektrometallurgižen tegimen sait (abinmetall.ru). (ven.) (angl.)
↑ Abinskan voitegimen sait (mz-abinsk.ru). (ven.)
↑ Abinskan pühäpertid sobory.ru-saital. (ven.)

Irdkosketused

Lidnankundan tobmuden sait (abinskcity.ru). (ven.)

Abinsk Vikiaitas

	Krasnodaran randan lidnad
	Abinsk \| Anap \| Apšeronsk \| Armavir \| Belorečensk \| Gelendžik \| Gul'keviči \| Hadižensk \| Hul Purde \| Jeisk \| Korenovsk \| Krasnodar \| Krimsk \| Kropotkin \| Kurganinsk \| Labinsk \| Novokubansk \| Novorossiisk \| Primorsko-Ahtarsk \| Slavänsk Kubanil \| Soči \| Temrük \| Tihoreck \| Timašovsk \| Tuapse \| Ust'-Labinsk

[1] Abinskan elektrometallurgižen tegimen sait (abinmetall.ru). (ven.) (angl.)

[2] Abinskan voitegimen sait (mz-abinsk.ru). (ven.)

[3] Abinskan pühäpertid sobory.ru-saital. (ven.)

[1]

[2]

[3]